«Ռազմավարական զարգացման գործակալություն» ՀԿ-ն մայիսի 18-ին մասնակցեց 2023 թվականի Եվրոպայի օրվան նվիրված «Թիմ Եվրոպա» նախաձեռնության շրջանակներում  ՀՀ Սյունիքի մարզի Կապան քաղաքում կազմակերպված տոնավաճառին։

Տոնավաճառին մասնակցում էին  «Թիմ Եվրոպա» նախաձեռնության ֆինանսավորմամբ իրականացվող ավելի քան 20 ծրագիր, որոնք ներկայացրեցին իրենց կողմից իրականացված այն ծրագրերը, որոնք տարբեր ոլորտներում գրանցել են սյունեցիների կենսապայմանների համար դրական ազդեցություն: Տոնավաճառին «Ռազմավարական զարգացման գործակալություն» ՀԿ-ն ներկայացրեց ՀՀ Սյունիքի մարզում իրականացվող 4 ծրագիր։

Տոնավաճառի ընթացքում տեղի ունեցան նաև տեղական մշակութային ներկայացումներ և ռոք համերգ, ինչպես նաև մրցույթներ՝ նշելու և հանրությանն իրազեկելու Եվրոպական միության մասին։

«Դիմակայուն Սյունիք թիմ Եվրոպա» նախաձեռնությունը Եվրոպական միության, Եվրոպական ներդրումային բանկի և ԵՄ անդամ երկրների՝ Ավստրիայի, Չեխիայի, Էստոնիայի, Ֆինլանդիայի, Ֆրանսիայի, Գերմանիայի, Լիտվայի, Նիդեռլանդների, Լեհաստանի և Շվեդիայի համատեղ նախաձեռնությունն է, որին միացել է նաև Շվեյցարիան՝ որպես արտաքին գործընկեր։ Այս նախաձեռնության հիմնական նպատակն է նպաստել Սյունիքի մարզի կայուն սոցիալ-տնտեսական և ինստիտուցիոնալ զարգացմանը՝ տեղական զարգացման առաջնահերթություններին համապատասխան:

Սույն թվականի մայիսի 11-ին ՀԱԱՀ Սիսիանի մասնաճյուղի և Գորիսի պետական գյուղատնտեսական քոլեջի հետ համատեղ «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում կազմակերպվեց «Մասնագիտությունների խթանման օր Սյունիքում» միջոցառումը։

Միջոցառման հիմնական նպատակն էր ծանոթացնել ՀՀ Սյունիքի մարզի երիտասարդներին վերոնշված կրթական հաստատությունների ուսումնական ծրագրերին և դուալ համակարգով ներդրվող մասնագիտություններին։

Միջոցառմանը ներկա էին 100-ից ավել աշակերտ, որոնք բաժանվեցին երեք խմբի՝ մասնագիտական ֆիլմերի դիտման և մասնագիտություններին ծանոթանալու համար։

Աշակերտները հնարավորություն ունեցան տեսնել և մասնակցել ներկայացվող մասնագիտություններին բնորոշ պրակտիկ աշխատանքներին՝ ֆերմայում կենդանիների խնամքի առանձնահատկություններին, մաստիտի թեսթ անելու գործընթացին, պանրի ու կաթնաշոռի պատրաստմանը, կաթի յուղայնության, թթվայնության, խտության անալիզների իրականացմանն ու սերզատման գործընթացին։

ՄԱՎԵՏԱ ծրագիրը ֆինանսավորվում է միջազգային և տեղական կազմակերպու-թյունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, Շվեյցարիայի եկեղեցու օգնություն (HEKS/EPER) ՀԿ-ն, Իզմիրլյան հիմնադրամը, Ռազմավարական զարգացման գործակալություն (ՌԶԳ) ՀԿ-ն և «Վանանդ Ագրո» ՓԲԸ-ն:

Ծրագիրն իրականացնող գործընկերներն են Գերմանական զարգացման գործակալությունը (GIZ) և Շվեյցարիայի եկեղեցու օգնություն (HEKS/EPER) ՀԿ-ն՝ ՌԶԳ-ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ: