22 Jul
NEWSARM, NEWSARM, NEWSARM, NEWSARM, NEWSARM

Հանդիպում-քննարկում՝ երկարաժամկետ համագործակցության հաստատման նպատակով

Հուլիսի 19-ին և 21-ին «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում կազմակերպվեց հանդիպում-քննարկում ՀՀ Սյունիքի և Լոռու մարզերում ակտիվ գործունեություն ծավալող հասարակական կազմակերպությունների, Գորիսի, Սիսիանի, Ստեփանավանի, Տաշիրի տարածքային ՄՍԾ-ների, ՄԿՈՒ հաստատությունների և համայնքային իշխանությունների ներկայացուցիչների հետ։

Հանդիպում-քննարկման նպատակն էր ներկայացնել ՄԱՎԵՏԱ ծրագիրը, քննարկման միջոցով պարզել հրավիրված կառույցների կողմից իրականացվող ծրագրերի թիրախային կազմն ու այդ թիրախի հետ աշխատելու մարտահրավերները և քննարկել հնարավոր համագործակցությունը։ Հանդիպման մասնակիցներն ողջունեցին ծրագրի իրականացումը, հանդես եկան առաջարկներով և համագործակցության ու համատեղ գործողություններ իրականացնելու հետաքրքրություն հայտնեցին։

ՄԱՎԵՏԱ ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, Շվեյցարիայի եկեղեցու օգնություն (HEKS/EPER) ՀԿ-ն, Իզմիրլյան հիմնադրամը, Ռազմավարական զարգացման գործակալություն (ՌԶԳ) ՀԿ-ն և «Վանանդ Ագրո» ՓԲԸ-ն:

Ծրագիրն իրականացնող գործընկերներն են Գերմանական զարգացման գործակալությունը (GIZ) և Շվեյցարիայի եկեղեցու օգնություն (HEKS/EPER) ՀԿ-ն՝ ՌԶԳ-ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ:

14 Jul
Uncategorized

Զբոսաշրջության ոլորտի խորհրդատվական խմբի աշխատաժողով

2023 թվականի հուլիսի 13-14-ը «Ռազմավարական զարգացման գործակալություն» ՀԿ-ն կազմակերպեց զբոսաշրջության ոլորտի խորհրդատվական խմբի աշխատաժողով՝ «Ոլորտների թվայնացում հանուն մրցունակության» RECONOMY նախագծի շրջանակներում։ Նախագիծը կենտրոնացած է Արևելյան Գործընկերության երկրներում զբոսաշրջության, գյուղատնտեսության և թեթև արդյունաբերության ոլորտների թվային փոխակերպման վրա։

Խորհրդատվական խմբի աշխատաժողովը նպատակ ուներ բացահայտելու ընդհանուր ոլորտային խնդիրները և թվային փոխակերպման հնարավորությունները ԱԳ երկրներում, ինչպես նաև քարտեզագրելու ծրագրի միջամտություններում ներգրավվելիք հիմնական շահագրգիռ կողմերին:

Աշխատաժողովին մասնակցելու համար հրավիրվել էին առանցքային ոլորտային հաստատությունների ներկայացուցիչներ Հայաստանից, Վրաստանից և Մոլդովայից:

RECONOMY-ը Շվեդիայի միջազգային զարգացման համագործակցության գործակալության (Sida) տարածաշրջանային ներառական և կանաչ տնտեսական զարգացման ծրագիր է, որն իրականացվում է HELVETAS Swiss Intercooperation-ի կողմից՝ «Ռազմավարական զարգացման գործակալություն» ՀԿ-ի և Արևելյան Գործընկերության և Արևմտյան Բալկանների տարածաշրջաններում այլ կազմակերպությեւնների հետ համագործակցությամբ:

30 Jun
Family Projects

Կազմակերպվեց գյուղատնտեսության ոլորտի խորհրդատվական խմբի աշխատաժողով՝ «Ոլորտների թվայնացում հանուն մրցունակության» ծրագրի շրջանակներում

2023 թվականի հունիսի 28-29-ը «Ռազմավարական զարգացման գործակալություն» ՀԿ-ն կազմակերպել էր գյուղատնտեսության ոլորտի խորհրդատվական խմբի աշխատաժողով՝ «Ոլորտների թվայնացում հանուն մրցունակության» նոր մեկնարկած RECONOMY նախագծի շրջանակներում։ Նախագիծը կենտրոնացած է Արևելյան Գործընկերության երկրներում զբոսաշրջության, գյուղատնտեսության և թեթև արդյունաբերության ոլորտների թվային փոխակերպման վրա։

Խորհրդատվական խմբի աշխատաժողովը նպատակ ուներ բացահայտելու ընդհանուր ոլորտային խնդիրներն ու թվային փոխակերպման հնարավորությունները ԱԳ երկրներում, ինչպես նաև քարտեզագրելու ծրագրի միջամտություններում ներգրավվելիք հիմնական շահագրգիռ կողմերին: Աշխատաժողովին մասնակցելու համար հրավիրվել էին առանցքային ոլորտային հաստատությունների ներկայացուցիչներ Հայաստանից, Վրաստանից և Մոլդովայից:

RECONOMY-ը Շվեդիայի միջազգային զարգացման համագործակցության գործակալության (Sida) տարածաշրջանային ներառական և կանաչ տնտեսական զարգացման ծրագիր է, որն իրականացվում է HELVETAS Swiss Intercooperation-ի կողմից՝ «Ռազմավարական զարգացման գործակալություն» ՀԿ-ի և Արևելյան Գործընկերության և Արևմտյան Բալկանների տարածաշրջաններում այլ կազմակերպությեւնների հետ համագործակցությամբ:

29 Jun
Uncategorized

Պրակտիկ դասընթաց Ստեփանավանի քոլեջի դասավանդողների և ՄԱՎԵՏԱ ծրագրի գործընկեր կառույցների համար

Հունիսի 26-29, «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում անցկացվեց պրակտիկ դասընթաց Ստեփանավանի քոլեջի դասավանդողների և գործընկեր կառույցների համար Շվեյցարիայից ժամանած կաթի և կաթնամթերքի վերամշակման փորձագետ՝ Հանս Կնյուսելի կողմից։

Դասընթացը ներառում էր պանրի տարբեր տեսակների արտադրական գործընթացի քննարկում, առանձնահատկությունների ներկայացում և պինդ ու կիսապինդ պանիրների համտես։

Փորձագետի այցի շրջանակներում կազմակերպվեց նաև խորհրդատվություն Ստեփանավանի քոլեջի կաթ և կաթնամթերքի արտադրության տեխնոլոգիա դասավանդողների համար ու շրջայց Տաշիրի տարածաշրջանի 4 խոշոր կաթ և կաթնամթերք արտադրող ընկերության արտադրամաս։

Փորձագետի այցի ընթացքում դասավանդողներն ու գործընկեր կառույցների ներկայացուցիչները հնարավորություն ունեցան իմանալ պանրի տարբեր տեսակների արտադրության գործընթացի մանրամասները՝ կաթնաթթվային ֆերմենտացիայից ու հատիկի/մակարդուկի պատրաստումից մինչև պանրի հասունացում։

Այցի վերջին օրը նվիրված էր յոգուրտի արտադրության առանձնահատկությունների քննարկմանը՝ բուն արտադրական գործընթացից մինչև փաթեթավորում ու որակի չափանիշների սահմանում։

23 Jun
Uncategorized

Փոխըմբռնման հուշագրերի ստորագրում գործընկերների հետ

Գործատուների ներգրավվածությունը ՄԿՈՒ ուսումնական ծրագրերի մշակման/վերանայման և իրականացման գործընթացում շատ կարևոր է: Հունիսի 22-23-ին ՄԱՎԵՏԱ ծրագրի շրջանակներում կազմակերպված հերթական միջոցառման նպատակն էր ամրապնդել ՄԿՈՒ մասնավոր հատվածի միջև համագործակցությունն ու պլանավորել հետագա համատեղ գործողությունները:

Հանդիպմանն ողջույնի խոսքով հանդես եկան HEKS/EPER կազմակերպության ներկայացուցիչ Մոնիկ Ֆրեյը և «Ռազմավարական զարգացման գործակալություն» ՀԿ նախագահը՝ Մկրտիչ Այվազյանը:

Երկօրյա աշխատանքային հանդիպման ընթացքում գործատուներից և ուսումնական հաստատությունների ներկայացուցիչներից կազմված տարածաշրջանային խմբերը քննարկեցին աշկերտության ներդրման խնդիրները և վերհանեցին դրանց լուծման ուղիները, ինչպես նաև մշակեցին գործողությունների նախնական ծրագիր՝ նոր ներդրվող մասնագիտությունների առաջմղման համար:

Միջոցառման ժամանակ «Ռազմավարական զարգացման գործակալություն» (ՌԶԳ) ՀԿ-ի և ծրագրի գործըներների միջև կնքվեցին փոխըմբռնման հուշագրեր:

Նման կառուցողական հանդիպումները լինելու են շարունակական:

«‹7071727374›»