12 Sep
NEWSARM, NEWSARM, NEWSARM, NEWSARM, NEWSARM

«Թվային մարքեթինգը հյուրընկալության և տուրիզմի համար» եռամսյա դասընթացի ամփոփում

Սեպտեմբերի 11-ին,  ամփոփվեց «Թվային մարքեթինգը հյուրընկալության և տուրիզմի համար» եռամսյա   դասընթացը,  որը կազմակերպվել էր «Հայաստանի կենդանի լանդշաֆտները շուկայի զարգացման համար» ծրագրի շրջանակներում։

Վերջին դասընթացին մասնակիցները ներկայացրեցին դասընթացի շնորհիվ ձեռք բերած գիտելիքներն ու դրանց կիրառման շնորհիվ գրանցած արդյունքները։

Մասնակիցները հանդես եկան ներկայացումներով, ներկայացրեցին ստացած գիտելիքների և հմտությունների կիրառման իրենց հաջողված փորձերը, ցուցադրեցին իրենց բիզնեսների թվային հարթակներում կատարած փոփոխություններն ու դիտողականության և առցանց վաճառքների աճը։

Դասընթացը վարել է  «Մարoգ» մարքեթինգային գործակալության մասնագիտական թիմը։ Դասընթացի նպատակն էր զարգացնել զբոսաշրջության ոլորտում ծառայություններ մատուցող  շահառուների կարողություններն ու հմտությունները, որպեսզի նրանք կարողանան գրագետ և գրավիչ կերպով ներկայացնել իրենց բիզնեսները թվային տարբեր հարթակներում։

Դասընթացին ներգրավվել են շուրջ 35 մասնակից՝ տուրօպերատորներ, ՀՀ Զբոսաշրջության կոմիտեի և Տուրիզմի հայկական ֆեդերացիայի ներկայացուցիչներ, մարզային զբոսաշրջային ծառայություններ մատուցողներ և հյուրընկալության ոլորտին սպասարկող այլ կազմակերպություններ։

Դասընթացի մասնակիցները գոհունակություն հայտնեցին դասընթացից և նշեցին, որ դրա շնորհիվ նրանք ծանոթացան հյուրընկալության ոլորտում կիրառվող թվային մարքեթինգի կարևոր գործիքներին և դրանք կիրառելու շնորհիվ կարողացան ձեռք բերել կարողություններ ու գիտելիք՝ իրենց բիզնեսը զարգացնելու համար։

Դասընթացի վերջում մասնակիցներին հանձնվեցին վկայականներ։

«Հայաստանի կենդանի լանդշաֆտները շուկայի զարգացման համար» ծրագիրն իրականացվում է Բնության համաշխարհային հիմնադրամի հայաստանյան մասնաճյուղի կողմից (WWF Հայաստան)՝ «Ռազմավարական զարգացման գործակալություն» ՀԿ–ի հետ համատեղ, Շվեյցարիայի զարգացման և համագործակցության գործակալության ֆինանսավորմամբ:

 

12 Sep
Uncategorized

«Ֆինանսական վերլուծություն՝ արդյունավետ կառավարման համար» թեմայով դասընթաց՝ Լոռու և Սյունիքի մարզի մասնավոր հատվածի ներկայացուցիչների համար

Ս․թ․ օգոստոս – սեպտեմբեր ամիսներին «Ռազմավարական զարգացման գործակալություն» ՀԿ-ն «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում կազմակերպեց «Ֆինանսական վերլուծություն՝ արդյունավետ կառավարման համար» թեմայով դասընթաց՝ Լոռու և Սյունիքի մարզի մասնավոր հատվածի ներկայացուցիչների համար։

Դասընթացի նպատակն էր բարելավել գործընկեր կազմակերպությունների ֆինանսական վերլուծության վերաբերյալ գիտելիքն ու ֆինանսական հաշվետվություններ կազմելու կարողությունները՝ կազմակերպության կառավարման արդյունավետությունը բարձրացնելու նպատակով:

Մասնակիցները պրակտիկ օրինակների և խնդիրների միջոցով ամրապնդեցին ստացած գիտելիքները, ինչպես նաև տվեցին իրենց գործունեության ընթացքում առաջացած հարցերը՝ սխալների և բացթողումների շտկման նպատակով։

ՄԱՎԵՏԱ ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, Շվեյցարիայի եկեղեցու օգնություն (HEKS/EPER) ՀԿ-ն, Իզմիրլյան հիմնադրամը, «Ռազմավարական զարգացման գործակալություն» (ՌԶԳ) ՀԿ-ն և «Վանանդ Ագրո» ՓԲԸ-ն:

Ծրագիրն իրականացնող գործընկերներն են Գերմանական զարգացման գործակալությունը (GIZ) և Շվեյցարիայի եկեղեցու օգնություն (HEKS/EPER) ՀԿ-ն՝ ՌԶԳ-ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ:

11 Sep
Uncategorized

Համագործակցության ընդլայնում «Ոլորտների թվայնացում հանուն մրցունակության» ծրագրի շրջանակներում

2023 թվականի սեպտեմբերի 7-8-ը «Ռազմավարական զարգացման գործակալություն» ՀԿ-ի թիմն այցելեց Վրաստան, Թբիլիսի՝ RECONOMY-ի «Ոլորտների թվայնացում հանուն մրցունակության» ծրագրի շրջանակներում: Ծրագիրը կենտրոնացած է Արևելյան գործընկերության երկրներում զբոսաշրջության, գյուղատնտեսության և արտադրական ոլորտների թվային վերափոխման ընդլայնման վրա:

Այցի նպատակն էր հանդիպել Վրաստանում ծրագրի հնարավոր գործընկերներին, քննարկել նրանց ներգրավվածությունը ծրագրի իրականացման գործընթացում և հիմք դնել ապագա համագործակցության մոդելների մշակմանը, ծրագրի իրականացման ընթացքում գործընկերների դերերի հստակեցմանը և այլն: Հանդիպումներ են տեղի ունեցել գյուղատնտեսության և զբոսաշրջության ոլորտների մասնագիտացված ասոցիացիաների, ինչպես նաև այլ համապատասխան շահառուների հետ:

RECONOMY-ն Շվեդիայի միջազգային զարգացման համագործակցության գործակալության (Sida) տարածաշրջանային ներառական և կանաչ տնտեսական զարգացման ծրագիր է, որն իրականացվում է HELVETAS Swiss Intercooperation-ի կողմից՝ «Ռազմավարական զարգացման գործակալություն» ՀԿ-ի և Արևելյան Գործընկերության և Արևմտյան Բալկանների տարածաշրջաններում այլ կազմակերպությունների հետ համագործակցությամբ:

28 Aug
Uncategorized

«Գործողության ու պրակտիկայի վրա հիմնված դասավանդում և ուսուցում» թեմայով աշխատաժողով

«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում ս․թ․ օգոստոսի 21-ից 24-ը «Ռազմավարական զարգացման գործակալություն» ՀԿ-ի կողմից կազմակերպվեց «Գործողության ու պրակտիկայի վրա հիմնված դասավանդում և ուսուցում» թեմայով աշխատաժողով:

Աշխատաժողովին մասնակցեցին Հայաստանի ազգային ագրարային համալսարանի (ՀԱԱՀ) Ա․ Քոչինյանի անվան գյուղատնտեսական քոլեջի և Էջմիածնի պետական արհեստագործական ուսումնարանի դասավանդողները։

Աշխատաժողովն անցկացրեց ծրագրի գործընկեր, շվեյցարացի կրթության փորձագետ՝ Ռոբերտ Լեհմանը։

Աշխատաժողովի ընթացքում մասնակիցներին ներկայացվեց Շվեյցարիայում կիրառվող ԴՈՒԱԼ ուսուցման ձևն ու իրականացման մեթոդները, այդ ուսուցման ձևի ներդրման հետ կապված մարտահրավերներն ու դրանց հաղթահարման ուղիները:

Աշխատաժողովի ընթացքում քննարկվեց ուսանողակենտրոն ուսուցման մեթոդաբանությունը, որից հետո դասավանդողները խմբային աշխատանքի միջոցով հնարավորություն ունեցան ներկայացնել գործնականում այդ ուսուցման ձևի կիրառումը։

ՄԱՎԵՏԱ ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, Շվեյցարիայի եկեղեցու օգնություն (HEKS/EPER) ՀԿ-ն, Իզմիրլյան հիմնադրամը, «Ռազմավարական զարգացման գործակալություն» (ՌԶԳ) ՀԿ-ն և «Վանանդ Ագրո» ՓԲԸ-ն:

Ծրագիրն իրականացնող գործընկերներն են Գերմանական զարգացման գործակալությունը (GIZ) և Շվեյցարիայի եկեղեցու օգնություն (HEKS/EPER) ՀԿ-ն՝ ՌԶԳ-ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ:

23 Aug
Uncategorized

Կազմակերպվոց «Դուալ համակարգի փորձարկումը ՄԿՈՒ-ում» թեմայով աշխատաժողով

Օգոստոսի 21-22-ին «Ռազմավարական զարգացման գործակալություն» ՀԿ-ն Գերմանիայի միջազգային համագործակցության ընկերության (GIZ) հետ համատեղ «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում կազմակերպեց «Դուալ ուսուցման փորձարկումը ՄԿՈՒ-ում» թեմայով աշխատաժողով։

Աշխատաժողովին մասնակցեցին ՄԱՎԵՏԱ ծրագրում ընդգրկված 6 քոլեջների տնօրեններ և գործընկեր կառույցների համապատասխան մասնագետներ ու ներկայացուցիչներ։

Աշխատաժողովի նպատակն էր ծանոթացնել դուալ կրթության կազմակերպման համար անհրաժեշտ տեղեկատվական, ուսումնամեթոդական և նյութատեխնիկական բազաներին, վերոնշյալ ծրագրի շրջանակներում մշակված օրենսդրական փոփոխություններին ու իրավական փաստաթղթերին։

Աշխատաժողովի ընթացքում Գերմանիայի միջազգային համագործակցության ընկերության (GIZ) «Մասնավոր հատվածի զարգացում և մասնագիտական կրթություն և ուսուցում Հարավային Կովկասում» ծրագրի փորձագետները ներկայացրեցին ուսանողների գործնական ուսուցման իրականացման համար անհրաժեշտ օրագրերի ձևաչափերը, ինչպես նաև գործատու-ուսումնական հաստատություն-ուսանող համագործակցության համար անհրաժեշտ պայմանագրերի տիպային ձևերը։

ՄԱՎԵՏԱ ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, Շվեյցարիայի եկեղեցու օգնություն (HEKS/EPER) ՀԿ-ն, Իզմիրլյան հիմնադրամը, «Ռազմավարական զարգացման գործակալություն» (ՌԶԳ) ՀԿ-ն և «Վանանդ Ագրո» ՓԲԸ-ն:

Ծրագիրն իրականացնող գործընկերներն են Գերմանական զարգացման գործակալությունը (GIZ) և Շվեյցարիայի եկեղեցու օգնություն (HEKS/EPER) ՀԿ-ն՝ ՌԶԳ-ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ:

«‹6970717273›»