Տեխնիկական աջակցություն Ստեփանավանի պետական գյուղատնտեսական և Բերդի պետական բազմագործառութային քոլեջներին
«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում շարունակում ենք նպաստել գյուղատնտեսության ոլորտի զարգացմանը։
Նոր ուսումնական տարվան ընդառաջ «Ռազմավարական զարգացման գործակալություն» (ՌԶԳ) ՀԿ-ն ՄԱՎԵՏԱ ծրագրի շրջանակում վերազինեց Ստեփանավանի պետական գյուղատնտեսական և Բերդի պետական բազմագործառութային քոլեջները` տրամադրելով նոր համակարգիչներ:
Այս ժամանակակից տեխնիկայի կիրառումը հնարավորություն կտա դասավանդողներին ուսուցումն իրականացնել կիրառելով նորարարական և ինտերակտիվ մեթոդներ: Քոլեջի ուսանողներն էլ օգտագործելով տրված համակարգիչները հնարավորություն կունենան բարելավել իրենց գիտելիքներն ու հմտությունները՝ աշխատաշուկայում ավելի մրցունակ մասնագետ դառնալու համար։
ՄԱՎԵՏԱ ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, Շվեյցարիայի եկեղեցու օգնություն (HEKS/EPER) ՀԿ–ն, Իզմիրլյան հիմնադրամը, «Ռազմավարական զարգացման գործակալություն» (ՌԶԳ) ՀԿ–ն և «Վանանդ Ագրո» ՓԲԸ–ն:
Ծրագիրն իրականացնող գործընկերներն են Գերմանական զարգացման գործակալությունը (GIZ) և Շվեյցարիայի եկեղեցու օգնություն (HEKS/EPER) ՀԿ–ն՝ ՌԶԳ–ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ:
