25 May
Uncategorized

Մամլո ասուլիս՝ «Ոչխարների խուզման փառատոն»-ի վերաբերյալ

Մայիսի 25-ին՝ ժամը 11:00-ին, «Արմենպրես» պետական լրատվական գործակալությունում տեղի ունեցավ մամլո ասուլիս՝ մայիս-հունիս ամիսներին ՀՀ Էկոնոմիկայի նախարարության տուրիզմի կոմիտեի աջակցությամբ իրականացվող փառատոնների վերաբերյալ։

Մամլո ասուլիսին ներկայացվեց և քննարկվեց 4 միջոցառում՝ «Ճանաչի՛ր Հայաստանը» մարզային զբոսաշրջային ցուցահանդեսը, «Ոչխարների խուզման փառատոն 2023»-ը, «Հայ-վրացական մշակութային-խոհարարական» փառատոն 2023-ը և «Սարերում» փառատոնը։

Մամլո ասուլիսի ընթացքում «Ոչխարների խուզման» փառատոնի համակարգող՝ Ալլա Ղազարյանը ներկայացրեց հունիսի 10-ին Սյունիքի մարզի Տաթև համայնքի Խոտ բնակավայրում «Դը Ռանչ» ՍՊԸ-ի և «Ռազմավարական զարգացման գործակալություն» ՀԿ-ի կողմից համատեղ իրականացվող «Ոչխարների խուզման» փառատոնը, անդրադարձ կատարեց փառատոնի կազմակերպման նպատակին և ծրագրին։

24 May
Uncategorized

Մեկնարկեց երկամսյա դասընթաց՝ «Թվային մարքեթինգը հյուրընկալության և տուրիզմի համար» թեմայով

Մայիսի 24-ին մեկնարկեց «Թվային մարքեթինգը հյուրընկալության և տուրիզմի համար» երկամսյա դասընթացը, որը կազմակերպվել էր «Հայաստանի կենդանի լանդշաֆտները շուկայի զարգացման համար» ծրագրի շահառուների և գործընկերների համար։

Դասընթացը վարելու է «Մառոգ» բրենդինգային և մարքեթինգային հաղորդակցությունների ընկերությունը։

Դասընթացի արդյունքում տուրիզմի և հյուրընկալության ոլորտի ներկայացուցիչները ձեռք կբերեն պրակտիկ հմտություններ թվային մարքեթինգի, բրենդինգի, թվային գործիքների վերաբերյալ, ինչն անմիջապես կնպաստի վերջիններիս կողմից առաջարկվող ծառայությունների և պրոդուկների խթանմանը, ինչպես նաև դրանց գրագետ ներկայացմանը թվային հարթակներում։

Դասընթացը կազմակերպվել է Շվեցարիայի զարգացման և համագործակցության գործակալության կողմից ֆինանսավորվող «Հայաստանի կենդանի լանդշաֆտները շուկայի զարգացման համար» ծրագրի շրջանակներում, որն իրականացվում է Բնության համաշխարարհային հիմնադրամի հայաստանյան մասնաճյուղի կողմից (WWF-Հայաստան)՝ «Ռազմավարական զարգացման գործակալություն» (ՌԶԳ) ՀԿ-ի հետ համատեղ:

19 May
Uncategorized

Մասնագիտությունների խթանման օր Տավուշում

Մայիսի 18-ին «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում «Ռազմավարական զարգացման գործակալության» ՀԿ-ն համագործակցելով Բերդի բազմագործառութային պետական քոլեջի հետ կազմակերպեց «Մասնագիտությունների խթանման օր Տավուշում» միջոցառումը։ Միջոցառմանը մասնակցում էին համայնքապետարանի և մասնավոր հատվածի ներկայացուցիչներ, Բերդ համայնքի գրեթե բոլոր հիմնական դպրոցների շուրջ 100 շրջանավարտներ։

Քոլեջի տնօրեն տիկին Աննա Ավալյանը ներկայացրեց 2023֊2024 ուսումնական տարվա կրթական ծրագրերը, քոլեջի առկա հնարավորությունները և ընդունելության գործընթացը:

Ծրագրի համակարգող Լիլիթ Բեգլարյանը ներկայացրեց ՄԱՎԵՏԱ ծրագիրը, ծրագրի շրջանակներում դուալ կրթական մոտեցմամբ իրականացվող գյուղատնտեսական մասնագիտությունները, համայնքներում դրանց կարևորությունն ու մեծ պահանջարկը:

Միջոցառմանը հրավիրված էր նաև երիտասարդ գործող անասնաբույժ, ով կարևորեց «Անասնաբույժի» մասնագիտությունը և հորդորեց աշակերտներին ընտրել այս մասնագիտությունը:

Աշակերտները կարճատև շրջայց կատարեցին ուսումնական հաստատության դասասենյակներ և մասնագիտական լաբորատորյաներ՝ ծանոթանալով նաև քոլեջի շենքային պայմաններին: Մասնագիտությունների խթանման օրը եզրափակվեց քոլեջի «Կարի արտադրության տեխնոլոգիա» խմբի ուսանողների կատարած աշխատանքների ցուցադրություն-դեֆիլեով և հյուրասիրությամբ:

19 May
Uncategorized

«Ռազմավարական զարգացման գործակալություն» ՀԿ-ի ծրագրերը ներկայացվեցին Եվրոպայի օրվան նվիրված միջոցառմանը

«Ռազմավարական զարգացման գործակալություն» ՀԿ-ն մայիսի 18-ին մասնակցեց 2023 թվականի Եվրոպայի օրվան նվիրված «Թիմ Եվրոպա» նախաձեռնության շրջանակներում  ՀՀ Սյունիքի մարզի Կապան քաղաքում կազմակերպված տոնավաճառին։

Տոնավաճառին մասնակցում էին  «Թիմ Եվրոպա» նախաձեռնության ֆինանսավորմամբ իրականացվող ավելի քան 20 ծրագիր, որոնք ներկայացրեցին իրենց կողմից իրականացված այն ծրագրերը, որոնք տարբեր ոլորտներում գրանցել են սյունեցիների կենսապայմանների համար դրական ազդեցություն: Տոնավաճառին «Ռազմավարական զարգացման գործակալություն» ՀԿ-ն ներկայացրեց ՀՀ Սյունիքի մարզում իրականացվող 4 ծրագիր։

Տոնավաճառի ընթացքում տեղի ունեցան նաև տեղական մշակութային ներկայացումներ և ռոք համերգ, ինչպես նաև մրցույթներ՝ նշելու և հանրությանն իրազեկելու Եվրոպական միության մասին։

«Դիմակայուն Սյունիք թիմ Եվրոպա» նախաձեռնությունը Եվրոպական միության, Եվրոպական ներդրումային բանկի և ԵՄ անդամ երկրների՝ Ավստրիայի, Չեխիայի, Էստոնիայի, Ֆինլանդիայի, Ֆրանսիայի, Գերմանիայի, Լիտվայի, Նիդեռլանդների, Լեհաստանի և Շվեդիայի համատեղ նախաձեռնությունն է, որին միացել է նաև Շվեյցարիան՝ որպես արտաքին գործընկեր։ Այս նախաձեռնության հիմնական նպատակն է նպաստել Սյունիքի մարզի կայուն սոցիալ-տնտեսական և ինստիտուցիոնալ զարգացմանը՝ տեղական զարգացման առաջնահերթություններին համապատասխան:

18 May
NEWSARM, NEWSARM, NEWSARM, NEWSARM, NEWSARM

Մասնագիտությունների խթանման օր Լոռիում

Սույն թվականի մայիսի 17-ին  Ստեփանավանի պրոֆեսոր Ա. Քալանթարի անվան պետական գյուղատնտեսական քոլեջի հետ համատեղ «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում կազմակերպվեց «Մասնագիտությունների խթանման օր Լոռիում» միջոցառումը։

Միջոցառման հիմնական նպատակն էր ծանոթացնել Լոռու մարզի երիտասարդներին վերոնշված կրթական հաստատության ուսումնական ծրագրին և դուալ համակարգով ներդրվող մասնագիտություններին։

Միջոցառմանը ներկա էին 60-ից ավել աշակերտ, որոնք տեղում ծանոթացան ներկայացվող մասնագիտությունների առանձնահատկություններին։

ՄԱՎԵՏԱ ծրագիրը ֆինանսավորվում է միջազգային և տեղական կազմակերպու-թյունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, Շվեյցարիայի եկեղեցու օգնություն (HEKS/EPER) ՀԿ-ն, Իզմիրլյան հիմնադրամը, Ռազմավարական զարգացման գործակալություն (ՌԶԳ) ՀԿ-ն և «Վանանդ Ագրո» ՓԲԸ-ն:

Ծրագիրն իրականացնող գործընկերներն են Գերմանական զարգացման գործակալությունը (GIZ) և Շվեյցարիայի եկեղեցու օգնություն (HEKS/EPER) ՀԿ-ն՝ ՌԶԳ-ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ:

«‹7273747576›»