28 Mar
Uncategorized

Դասընթաց՝ ՀՀ Լոռու և Տավուշի մարզերի տուրիզմի և հյուրընկալության ոլորտի ներկայացուցիչների համար

Սույն թվականի մարտի 28-29-ը «Հայաստանի կենդանի լանդշաֆտները շուկայի զարգացման համար» ծրագրի շրջանակներում կազմակերպվեց դասընթաց՝ ՀՀ Լոռու և Տավուշի մարզերի տուրիզմի և հյուրընկալության ոլորտի ներկայացուցիչների համար «Թափոնների վերամշակումն ու տեսակավորումը տուրիզմում և հյուրընկալության ոլորտում» թեմայով։

Դասընթացի ընթացքում մասնակիցները քննարկեցին, թե ինչպես կարելի է նվազեցնել թափոնների քանակը, Հայաստանում աղբավայրերի մեծ ծավալն ու օրենսդրական բացերը:

20 Mar
Uncategorized

Դասընթաց տուրիզմի և հյուրընկալության ոլորտի ներկայացուցիչների համար

Մարտի 20-ին «Հայաստանի կենդանի լանդշաֆտները շուկայի զարգացման համար» ծրագրի շրջանակներում կազմակերպվեց դասընթաց տուրիզմի և հյուրընկալության ոլորտի ներկայացուցիչների համար «Թափոնների վերամշակումն ու տեսակավորումը տուրիզմում և հյուրընկալության ոլորտում» թեմայով։

Դասընթացը վարելու է «Այ Էս Էս Դի» համայնքների կայուն զարգացման նորարարական լուծումներ» ՀԿ -ի համահիմնադիր նախագահ Մխիթար Ավետիսյանը։

Դասընթացը կազմակերպվել է Շվեցարիայի զարգացման և համագործակցության գործակալության կողմից ֆինանսավորվող «Հայաստանի կենդանի լանդշաֆտները շուկայի զարգացման համար» ծրագրի շրջանակներում, որն իրականացվում է Բնության համաշխարարհային հիմնադրամի հայաստանյան մասնաճյուղի  կողմից (WWF-Հայաստան)՝ «Ռազմավարական զարգացման գործակալություն» (ՌԶԳ)  ՀԿ-ի հետ համատեղ:

17 Mar
Uncategorized

Դասընթաց ՄԱՎԵՏԱ ծրագրի գործընկեր ՄԿՈՒ հաստատությունների դասավանդողների համար

Մարտի 14-17-ը «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում «Ռազմավարական զարգացման գործակալություն» ՀԿ-ի կողմից կազմակերպվեց դասընթաց` Ստեփանավանի պետական գյուղատնտեսական քոլեջի և Բերդի պետական բազմագործառութային քոլեջի դասավանդողների համար։

Դասընթացը վարում էր Բեռնի կիրառական գիտությունների համալսարանի դասավանդող՝ Միքայելլա Կրումենը, ով մասնակիցներին ներկայացրեց Շվեյցարիայի փորձն ու ուսանողների կարողությունների ձևավորման համար նորարարական մոտեցումների կիրառման առանձնահատկությունները։

«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, Շվեյցարիայի եկեղեցու օգնություն (HEKS/EPER) ՀԿ-ն, Իզմիրլյան հիմնադրամը, Ռազմավարական զարգացման գործակալություն (ՌԶԳ) ՀԿ-ն և «Վանանդ Ագրո» ՓԲԸ-ն:

Ծրագիրն իրականացնող գործընկերներն են Գերմանական զարգացման գործակալությունը (GIZ) և Շվեյցարիայի եկեղեցու օգնություն (HEKS/EPER) ՀԿ-ն՝ ՌԶԳ-ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ:

03 Mar
Family Projects

ՀՀ էկոնոմիկայի նախարարությունում հանդիպում դոնոր կազմակերպությունների հետ

2023 թվականի մարտի 3-ին ՀՀ էկոնոմիկայի նախարարությունում կայացավ հանդիպում դոնոր կազմակերպությունների հետ։

Խորհրդակցությունը վարում էր ՀՀ էկոնոմիկայի նախարար Վահան Քերոբյանը, հանդիպմանը մասնակցում էին Հայաստանի զբոսաշրջության զարգացման ուղղությամբ աշխատող տարբեր միջազգային կազմակերպությունների և դեսպանատների ներկայացուցիչներ։

«Ռազմավարական զարգացման գործակալություն» ՀԿ-ից հանդիպմանը ներկա էր ծրագրի համակարգող Ալլա Ղազարյանը, ով հանդիպման մասնակիցներին ներկայացրեց «Հայաստանի կենդանի լանդշաֆտները շուկայի զարգացման համար» ծրագիրն ու թիրախային համայնքներում կատարվելիք գործողությունները։

Հանդիպմանը կողմերը փոխանակեցին տեղեկատվություն զբոսաշրջության զարգացման առկա և նախատեսվող ծրագրերի վերաբերյալ, խոսեցին իրականացվող ծրագրերի ընթացքի և ձեռքբերումների, ոլորտում առկա մարտահրավերների վերաբերյալ, քննարկեցին ոլորտի աջակցությանը և մարտահրավերների մեղմացմանն ուղղված քայլերը։

Կողմերը կարևորեցին նմանատիպ հանդիպումների պարբերաբար անցկացումը, ինչն էապես նպաստում է համագործակցային հարաբերությունների զարգացմանն ու ծրագրերի արդյունավետ իրականացմանը։

24 Feb
NEWSARM, NEWSARM, NEWSARM, NEWSARM, NEWSARM

«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի կառավարման խորհրդի նիստ

Ս․ թ․ փետրվարի 24-ին, տեղի ունեցավ «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի կառավարման խորհրդի նիստը, որին ներկա էին ՀՀ էկոնոմիկայի նախարարի տեղակալ Արման Խոջոյանը, ՀՀ ԿԳՄՍ նախարարի տեղակալ Արաքսիա Սվաջյանը, ԿԳՄՍՆ նախնական (արհեստագործական) և միջին մասնագիտական կրթության վարչության պետի պարտականությունները կատարող Արմենուհի Պողոսյանը, ծրագիրը ֆինանսավորող դոնոր կազմակերպությունների և ծրագիրն իրականացնող կառույցների ներկայացուցիչներ։

Հանդիպումը մեկնարկեց Հարավային Կովկասում Շվեյցարական համագործակցության գրասենյակի տարածաշրջանային տնօրենի տեղակալ Վերներ Թութի ողջույնի խոսքով, ով շնորհակալություն հայտնեց ներկաներին մասնակցության համար և նշեց, որ վերջին շրջանում ամեն ինչ արվում է Հայաստանում գյուղատնտեսության ոլորտի մասնագիտական կրթության զարգացման և արդիականացման ուղղությամբ։ «Զարգացնելով դուալ կրթության համակարգը՝ մենք կնպաստենք երկրի տնտեսության աստիճանական զարգացմանը։ Դուալ կրթության ներդրման գործում կարևոր է մասնավորի և ՄԿՈՒ կառույցների միջև սերտ համագործակցությունը»- նշեց նա։

ՀՀ ԿԳՄՍ նախարարի տեղակալ Արաքսիա Սվաջյանը իր խոսքում նշեց, որ այժմ քննարկման փուլում է գտնվում «ՀՀ կրթության՝ մինչև 2030 թվականի զարգացման պետական ծրագիրը» որում շեշտադրվել են նախնական և միջին մասնագիտական կրթության ոլորտի զարգացմանն ուղղված քայլերը:

Ծրագրի կառավարման խորհրդի նիստի ընթացքում ներկայացվեցին ծրագիրն իրականացնող յուրաքանչյուր կառույցի գործողությունները, քննարկվեց նիստը գումարելու ժամանակացույցը, ծրագրի ընթացքն ու ակնկալվող արդյունքները:

«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, Շվեյցարիայի եկեղեցու օգնություն (HEKS/EPER) ՀԿ-ն, Իզմիրլյան հիմնադրամը, Ռազմավարական զարգացման գործակալություն (ՌԶԳ) ՀԿ-ն և «Վանանդ Ագրո» ՓԲԸ-ն:

Ծրագիրն իրականացնող գործընկերներն են Գերմանական զարգացման գործակալությունը (GIZ) և Շվեյցարիայի եկեղեցու օգնություն (HEKS/EPER) ՀԿ-ն՝ ՌԶԳ-ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ:

«‹7374757677›»