04 Nov
NEWSARM

Տավուշի մարզի Գոշ գյուղում անցկացվեց «Արշավային տուրիզմ» չորսօրյա դասընթաց

Ս.թ նոյեմբերի 1-4-ը  Տավուշի մարզի Գոշ գյուցում անցկացվեց «Արշավային տուրիզմ»  դասընթաց, որը մշակվել և կազմակերպվել է Հայ լեռնագնացների միություն հասարակական կազմակերպության կողմից «Հմտությունների և գիտելիքի զարգացում» պիլոտային ծրագիրի աջակցությամբ, որն իրականացվում է «Ռազմավարական զարգացման գործակալություն» (ՌԶԳ) ՀԿ-ի կողմից #RECONOMY-ի շրջանակներում, որը HELVETAS Swiss Intercooperation-ի կողմից իրականացվող Sida-ի տարածաշրջանային ներառական և կանաչ տնտեսական զարգացման ծրագիրն է:

«Արշավային տուրիզմ»  դասընթացի մոդուլը համակցում է գործնական և տեսական մեթոդներ՝ երաշխավորելով մատուցվող նյութի արդյունավետ իրացումը։ Դասընթացի նպատակն է մասնակիցներին վերազինել կիրառելի գիտելիքներով՝ նպաստելով զբոսաշրջային մեծ ներուժ ունեցող գյուղում ոլորտային կադրերի ինքնաբավությանը և  (ինքնա)զբաղվածության բարելավմանը։

Դասընթացին հրավիրվել էին նաև ոլորտում գործող և տարիների փորձ ունեցող մասնագետներ՝ «ԱՍ Տուր Ակումբ-ի տնօրեն Էդգար Նավասարդյանն ու «ՎԱՆԱՏՈՒՆ» հյուրանոցի տնօրեն Գևորգ Ավետիսյանը, ովքեր իրենց փորձով և պրակտիկ խորհուրդներով կիսվեցին մասնակիցների հետ և պատասխանեցին մասնակիցներին հուզող բոլոր հարցերին:

Չորսօրյա դասընթացի արդյունքում մասնակիցները ծանոթացան արշավային տուրիզմի հիմնական միտումներին, մեծ տարածում ստացած հավելվածներին և անվտանգության բոլոր կանոններին։ Դասընթացի վերջին օրը կազմակերպվեց արշավ դեպի Գոշ լիճ։ Արշավի ընթացքում մասնակիցները գործնականորեն կիրառեցին ստացած գիտելիքները՝ խորապես ծանոթանալով արշավային խմբին առաջնորդելու, անվտանգ արշավ կազմակերպելու կանոններին։

03 Nov
NEWSARM, NEWSARM

Անասնաբույժների և ԱՍ տեխնիկների բիզնես կարողությունների զարգացում COVID-19-ի պայմաններում

02-03.11.2021թթ Ջերմուկ քաղաքում «Ռազմավարական զարգացման գործակալություն» ՀԿ-ի կողմից իրականացվող «Անասնապահության զարգացում Հայաստանի հարավում» ծրագրի շրջանակներում տեղի ունեցավ «Անասնաբույժների բիզնես կարողությունների զարգացում COVID-19 պայմաններում (ճգնաժամի կառավարում)» թեմայով վերապատրաստման դասընթաց, որի նպատակն էր զարգացնել թիրախային համայնքներում գործող անասնաբույժների և սերմնավորող տեխնիկների բիզնես հմտությունները, մտածելակերպը, ինչպես նաև ցույց տալ ճգնաժամային իրավիճակներում՝ ինչպիսին COVID-19 համավարակն է, ճիշտ կողմնորոշվելու և գործելու ուղիները: Դասընթացին ներգրավված էին Սյունիքի և Վայոց ձորի մարզերի անասնաբույժներ և սերմնավորող տեխնիկներ: Հանդիպման թեմաները ներառված էին «մասնագետից գործարար», «ճգնաժամի և փոփոխությունների կառավարում», «phygital լուծումներ» և այլ բաժիններում:

03-05.11.2021թթ Ջերմուկի դասընթացին հաջորդեց Սյունիքի և Վայոց ձորի մարզերի անասնաբույժների և սերմնավորող տեխնիկների տարեվերջյան հանդիպում-քննարկումը Սյունիքի Անասնաշուկայում, որին մասնակցեցին 44 մասնագետ՝ այդ թվում նաև 4 մատակարար ընկերությունների 7 ներկայացուցիչ: Հանդիպման ընդհանուր նպատակն էր քննարկել համավարակի պայմաններում ծառայություն մատուցողների մոտ առաջացած խնդիրներն ու դրանց լուծման տարբերակները: Առաջին օրը մասնակիցներին ներկայացվեց ըստ տարածաշրջանների ծրագրային միջամտությունների արդյունքները, այնուհետև մասնակիցներն անհատապես ներկայացվեցին ճգնաժամային պայմաններում առաջացած խնդիրները և դրանց հաղթահարման սեփական տարբերակաները, ներկայացվեցին նաև հաջողված դեպքերը: Օրվա ավարտին մասնակիցների համաձայնությամբ հիմնվեց էլեկտրոնային հարթակ, որը նախատեսված է բացառապես անասնաբույժ և սերմնավորող տեխնիկ մասնագետների համար՝ նեղ մասնագիտական հարցեր քննարկելու, նորություններ տրամադրելու, ինֆորմացիա փոխանակելու, նոր կապեր ձեռք բերելու և նմանատիպ գործողությունների իրականացման նպատակով: Հանդիպման երկրորդ օրը մատակարար 4 ընկերությունների կողմից ներկայացվեց հայաստանյան անասնաբուժական շուկայում առկա նորությունները, դրանց կիրառման կարգը, անասնաբույժների հետ քննարկվեցին համագործակցության նոր եղանակներ: Հանդիպումն ամփոփվեց «Ախտաբանաանատոմիական փոփոխությունները տարբեր հիվանդությունների դեպքում» թեմայով դասընթացով, որի շնորհիվ մասնակից անասնաբույժները ստացան նոր գիտելիքներ՝ հիվանդությունները հետսպանդային փուլում ախտորոշելու համար:

02 Nov
HomePageARM, HomePageARM, HomePageARM, HomePageARM, HomePageARM

«Հացի, հրուշակեղենի և շոկոլադագործության» ուսումնական լաբորատորիայի բացում

Նոյեմբերի 2-ին Հայաստանի ազգային ագրարային համալսարանում տեղի ունեցավ «Հացի, հրուշակեղենի և շոկոլադագործության» ուսումնական լաբորատորիայի հանդիսավոր բացումը, որին մասնակցեցին համալսարանի համապատասխան դասախոսապրոֆեսորական անձնակազմը և ոլորտի մասնավոր հատվածի ներկայացուցիչներ: Ժամանակակից նոր տեխնիկայով զինված նորաբաց լաբորատորիան հնարավորություն կընձեռի իրականացնել ոչ ֆորմալ գործնական ուսուցում «Հացաթխման և շոկոլադագործության արտադրություն» մասնագիտացմամբ: Ծրագիրը նպատակ ունի պատրաստել աշխատաշուկայի արդի կարիքներին համապատասխան հմտություններով և գիտելիքով զինված երիտասարդներ և կանայք, ովքեր իրենց ուրույն տեղը կգտնեն թե′ աշխատաշուկայում և թե′ կհիմնեն սեփական փոքրիկ արտադրամասը:

Վերջինս իրականություն է դարձել «Հմտությունների և գիտելիքի զարգացում» պիլոտային ծրագիրի աջակցությամբ, որն իրականացվում է «Ռազմավարական զարգացման գործակալություն» (ՌԶԳ) ՀԿ-ի կողմից #RECONOMY-ի շրջանակներում, որը HELVETAS Swiss Intercooperation-ի կողմից իրականացվող Sida-ի տարածաշրջանային ներառական և կանաչ տնտեսական զարգացման ծրագիրն է:

28 Oct
SuccessStoriesARM

«Աշխատասիրությունը, որպես բարեկեցության խթան»

Վայոց ձոր մարզի Զառիթափ համայնքի հեռավոր Արտավան բնակավայրում ապրում և տղայի ու տալի հետ անասնապահական տնտեսությունն է զարգացնում 51 ամյա ֆերմեր Դուստրիկ Գալստյանը: Դուստրիկն անգամ ծանր բեռն ուսերին չի զլանում զարգանալ և կատարելագործվել:

«Ռազմավարական զարգացման գործակալություն» ՀԿ-ի կողմից իրականացվող ծրագրի շրջանակներում Դուստրիկը այլ կանանց հետ միասին ստացել  է  մասնագիտական խորհրդատվություն, որի շնորհիվ բարելավել է իր գիտելիքները ֆերմերային տնտեսության կառավարման գործում: Ծրագրի աջակցությամբ մասնակցել է գյուղատնտեսական մթերքի տարատեսակ փառատոնների, որոնք հնարավորություն են ընձեռել ոչ միայն հավելյալ եկամուտ գրանցել, այլև ձեռք բերել վստահություն, տեղեկատվություն և փորձ փոխանակել:

«Ես միշտ ներգրավված եմ եղել անասնապահական աշխատանքներում, միշտ ամուսնուս օգնել եմ։ Այժմ էլ դասընթացների շնորհիվ կատարելագործվել եմ, շատ բան եմ սովորել, ինձ տրամադրած խորհուրդների 80 տոկոսը կիրառում եմ: Անգամ ամսական հաշվարկներ եմ իրականացում, ծախսերն ու եկամուտներն եմ հաշվարկում և գրառումներ կատարում: Մինչ ծրագրին մասնակցելը ունեի 12 խոշոր եղջերավոր կենդանի, որից 5 կթու կով, այսօր դրանց թիվը հասցրել եմ 22-ի, որից 10 կթու կով»,-ասում է Դուստրիկը:

«Միայն աշխատասիրությունն ու ձգտումն են, որ բերում են արդյունքի: Ավելացրու կենդանիներիդ քանակը, կավելացնես եկամուտներդ։ Իմ աշխատանքի շնորհիվ ընտանիքիս բյուջեն ավելի մեծացավ, աղջիկներիս ամուսնացրեցի, մեծ հարսանիք արեցի, հարսանյաց նվեր տվեցի: Համարձակությունը գործի կեսն է, իմ փորձից եմ ասում, քանզի իմ համարձակության շնորհիվ շատ ձեռքբերումների եմ հասել և դեռ կհասնեմ։ Անասնապահությանը կից զբաղվում եմ նաև ագրոտուրիզմով, որի միջոցով հյուրերիս ծանոթացնում եմ գյուղական կյանքին և ավանդույթներին: Անասնապահությունը զբոսաշրջության անբաժան մասն է կազմում, ինձ մոտ հյուրընկալված զբոսաշրջիկներն իրենք են մասնակցում կթի պրոցեսին, կենդանիների կերակրման և հացի թխման գործընթացներին: Նրանք բարձր են գնահատում ավանդական գյուղական մթերքներից օգտվելու հնարավորությունը»:

27 Oct
SuccessStoriesARM

Ձգտումը հաջողության բանալին է

5 անդամից բաղկացած Կուրղինյան ընտանիքը բնակվում է Շիրակի մարզի Կրասար գյուղում: Նրանք զբաղվում են անասնապահությամբ և երբևէ չեն լքել Հայաստանը դրսում արտագնա աշխատանքի նպատակով: Ընտանիքի որդիները ևս դպրոցն ավարտելուց հետո այժմ օգնում են ծնողներին ֆերմայի աշխատանքներում:

Ընտանիքը անասնապահությամբ զբաղվում է բավական երկար տարիներ: Սկզբնական շրջանում, ընտանիքն ուներ 6 կով, իսկ Սովետական միության փլուզումից հետո, ընտանիքը շատացնել է անասնագլխաքանակը:

«Վերանորոգեցինք ամուսնուս պապիկից մնացած գոմերը ու շատացրեցինք գլխաքանակը: Նոր գլխաքանակի ԽԵԿ գնեցինք և այնուհետև տեղեկացանք այս Ծրագրի մասին, քանի որ համապատասխանում էինք պահանջներին», – պատմում է Հասմիկը՝ ընտանիքի մայրը:

Ընտանիքը Ֆերմայում արտադրված կաթը հանձնում է Ամասիայի Պանրագործարանին: Հարկ է նշել, որ Ամասիայի Պանրագործարանը հանդիսանում է «Անասնապահության զարգացում Հայաստանում՝ հարավ- հյուսիս» ծրագրի շահառուներից, այդ իսկ պատճառով վերջինս ընտանիքին հրավիրել է մասնակցելու կազմակերպված մի շարք հանդիպումների: «Մեզ շատ գրավեց այն հանգամանքը, որ ծրագիրը աջակցում է գյուղացիներին: Տեղյակ ենք նաև, որ Ծրագրի շրջանակներում համայնքերում հիմնվել են անասնաբուժական կետեր: Անասնաբուժական կետերի հիմնումից հետո բարելավվել է անասնաբուժական ծառայություններից օգտվելու որակը՝ անասնաբույժը այժմ ավելի հասանելի է դարձել իսկ դեղորայքը՝ մատչելի»:

Տիկին Կուրղինյանի ամուսինը մի քանի առիթով մասնակցել է ՌԶԳ ՀԿ-ի կողմից կազմակերպված անասնապահության վերաբերյալ դասընթացների:
Ենթակառուցվածքների բարելավումը (արոտավայրերի բարելավում, ջրախմոցների տեղադրում) հնարավություն է տվել առավել հաջողություններ գրանցել անասնապահության ոլորտում: Ընտանիքի ծրագրերը ներառում գոմաղբի ավտոմատացված հեռացման համակարգի կազմակերպում: Դասընթացների արդյունավետությունից օգտվելով, ընտանիքը նույնիսկ ֆերման մեծացնելու ցանկություն է հայտնել: Հասմիկի խոսքերով «Ցանկացած աշխատանք եթե սիրով ես անում՝ հաջողություն անպայման ունենում ես: Եթե դժկամությամբ անես՝ այդ գործի մեջ հաջություն չես ունենա»:  

«‹23456›»