Մարտի 10-ին ՀՀ էկոնոմիկայի նախարարի տեղակալ Արման Խոջոյանը այցելել է Արարատի մարզ՝ ծանոթանալու «Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագրի իրականացման ընթացքին և ձեռք բերված արդյունքներին։

Այցի շրջանակում ծրագրի թիմի մասնակցությամբ կազմակերպվել է աշխատանքային հանդիպում Ավշար բնակավայրում՝ ցուցադրական տնտեսությունների ստեղծման հայտ ներկայացրած ֆերմերների հետ։ Հանդիպման ընթացքում քննարկվել են ծրագրի կողմից առաջարկվող աջակցության փաթեթները, համագործակցության հնարավորությունները, ինչպես նաև ցուցադրական տնտեսությունների ընտրության և հետագա զարգացման գործընթացները։

IADAAM ծրագրի շրջանակում ստեղծվող ցուցադրական տնտեսությունները նախատեսվում են որպես ժամանակակից գյուղատնտեսական գիտելիքի և նորարարության տարածման կարևոր հարթակներ։ Դրանք կծառայեն ոչ միայն որպես արդյունավետ արտադրության օրինակներ, այլ նաև որպես ուսուցման և փորձի փոխանակման վայրեր՝ նախատեսված ֆերմերների, գյուղատնտեսական մասնագետների և ոլորտով հետաքրքրված այլ շահագրգիռ կողմերի համար։

Այս տնտեսություններում կներդրվեն և կցուցադրվեն ժամանակակից ոռոգման համակարգեր, ինտենսիվ այգեգործական տեխնոլոգիաներ և արդյունավետ գյուղատնտեսական կառավարման մոտեցումներ։ Ցուցադրական ֆերմաները հնարավորություն կտան ֆերմերներին տեղում ծանոթանալ նոր տեխնոլոգիաների կիրառմանը, գնահատել դրանց արդյունավետությունը և ստանալ գործնական գիտելիք՝ սեփական տնտեսություններում կիրառելու համար։

«Հայաստան – Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության կողմից (ԵՄ) և իրականացվում Զարգացման ֆրանսիական գործակալության (ԶՖԳ) աջակցությամբ, նպատակ ունի վերափոխել ոռոգվող գյուղատնտեսությունը Հայաստանում։

ՀՀ էկոնոմիկայի նախարարության կողմից իրականացվող ծրագրի տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի, «Ավենյու քընսալթինգ գրուպ»-ի, «Ռազմավարական զարգացման գործակալություն» ՀԿ-ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից՝ գյուղատնտեսական քաղաքականության ամրապնդման և ոլորտային բարեփոխումների առաջխաղացման նպատակով:

2026 թ. փետրվարի 19-ին IADAAM ծրագրի շրջանակում իրականացվել է համատեղ դաշտային այց՝ Եվրոպական միության պատվիրակության ծրագրի ղեկավար Սուսանա Մարտինսի, Ֆրանսիական զարգացման գործակալության (AFD)՝ Հայաստանում ծրագրի ղեկավար Օդրի Գուրդիենի, ինչպես նաև IADAAM ծրագրի թիմի մասնակցությամբ։

Դաշտային այցի հիմնական նպատակն էր գնահատել, թե ինչպես են ծրագրի ռազմավարական ուղղությունները վերածվում շոշափելի և չափելի արդյունքների՝ գյուղաջակցության խորհրդատվական ծառայությունների կարողությունների զարգացման, ցուցադրական ֆերմաների միջոցով գործնական գիտելիքի փոխանցման խթանման և ջրային ռեսուրսների կառավարման արդյունավետության ու կայունության բարձրացման միջոցով։ Այս բաղադրիչները հանդիսանում են գյուղատնտեսական ոլորտի մրցունակության և դիմակայունության ամրապնդման առանցքային նախադրյալներ՝ նպաստելով նորարարությունների ներդրմանը և համակարգային բարեփոխումների առաջմղմանը։

Համատեղ այցը վերահաստատեց գործընկերների միասնական հանձնառությունը՝ ապահովելու ինստիտուցիոնալ կարողությունների ամրապնդում և ռեսուրսների պատասխանատու կառավարում՝ ձևավորելով երկարաժամկետ և կայուն ազդեցություն Հայաստանի գյուղատնտեսության և ջրային ոլորտներում։

«Հայաստան – Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության կողմից (ԵՄ) և իրականացվում Զարգացման ֆրանսիական գործակալության (ԶՖԳ) աջակցությամբ, նպատակ ունի վերափոխել ոռոգվող գյուղատնտեսությունը Հայաստանում։

ՀՀ էկոնոմիկայի նախարարության կողմից իրականացվող ծրագրի տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի, «Ավենյու քընսալթինգ գրուպ»-ի, «Ռազմավարական զարգացման գործակալություն» ՀԿ-ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից՝ գյուղատնտեսական քաղաքականության ամրապնդման և ոլորտային բարեփոխումների առաջխաղացման նպատակով: