06 Feb
Uncategorized

INLIMA ոլորտային աշխատանքային հանդիպում Վայոց ձորի, Գեղարքունիքի և Շիրակի մարզերում

Նորարարական անասնապահություն․ կենդանիների նախրաքաշ, բուծում և շուկաներ (INLIMA) ծրագրի շրջանակում Վայոց ձորի մարզի Վայք, Եղեգնաձոր, Արենի և Եղեգիս, Գեղարքունիքի մարզի Գավառ և Մարտունի և Շիրակի մարզի Ամասիա և Աշոցք համայնքներում անցկացվեցին աշխատանքային հանդիպումներ, որին մասնակցում էին անասնապահական արժեշղթայի բոլոր հիմնական դերակատարները՝

  • կաթի և մսի վերամշակողներ,
  • սպանդանոցների ներկայացուցիչներ,
  • անասնաբույժներ,
  • անասնապահությամբ զբաղվող ֆերմերներ։

Քննարկումների առանցքում էին նախրաքաշի կառավարման և բարելավման հարցերը, արտադրական գործընթացների արդյունավետության բարձրացումը, ծառայությունների որակի ամրապնդումը, ինչպես նաև արժեշղթայի տարբեր օղակների միջև գործնական համագործակցության ձևավորումը։ Քննարկումները ծառայել են որպես հիմք նպատակային ծրագրային միջամտությունների մշակման համար՝ ուղղված տեղական արտադրողների արտադրողականության և մրցունակության բարձրացմանը, ինչպես նաև շուկայի պահանջներին համապատասխանեցմանը։

INLIMA ծրագիրը նման հանդիպումների միջոցով ձևավորում է թիրախային և արդյունավետ լուծումներ՝ անասնապահության ոլորտի համակարգային խնդիրները հաղթահարելու և կայուն զարգացմանը խթանելու համար: Հաջորդիվ նման աշխատանքային հանդիպումներ են անցկացվելու նաև Արարատի, Արմավիրի և Սյունիքի մարզերում:

«Նորարարական անասնապահություն․ կենդանիների նախրաքարշ, բուծում և շուկաներ» (INLIMA) ծրագիրն իրականացվում է «Ռազմավարական զարգացման գործակալություն» ՀԿ-ի կողմից՝ Ավստրիական զարգացման և համագործակցության ծրագրային միավոր Ավստրիայի զարգացման գործակալության ֆինանսավորմամբ:

26 Jan
Uncategorized

Տարածաշրջանից դեպի համաշխարհային հարթակ․ RECONOMY-ի գործընկեր տուրօպերատորները՝ FITUR 2026-ում

Մադրիդում ամենամյա անցկացվող FITUR-ին՝ աշխարհի առաջատար զբոսաշրջային ցուցահանդեսներից մեկին, RECONOMY-ի Տարածաշրջանային զբոսաշրջության զարգացման նախաձեռնության շրջանակում մշակված տուրփաթեթներն ու նորարարական առաջարկները թույլ տվեցին Արևելյան գործընկերության տարածաշրջանը դիրքավորել որպես միջազգային շուկայի մրցունակ ուղղություն։

RECONOMY-ի «Ոլորտների թվայնացում հանուն մրցունակության» ծրագրի աջակցությամբ ծրագրի գործընկեր տուրօպերատորներ Nueva Vista, Phoenix Tour Armenia և Armenia Holidays-ը մասնակցեցին ցուցահանդեսին՝ անմիջական շփում ունենալով միջազգային զբոսաշրջային մասնագետների և գլոբալ շուկայի առանցքային դերակատարների հետ։

B2B հանդիպումների և ակտիվ մասնագիտական շփումների ընթացքում ծրագրի գործընկեր տուրօպերատորները ներկայացրին տարածաշրջանը բացահայտելու նոր մոտեցումներ՝ միջսահմանային երթուղիներ, փոխկապակցված պատմություններ և զբոսաշրջային փաթեթներ, որոնք դուրս են գալիս մեկ երկրի սահմաններից։ FITUR-ը ծառայեց որպես փորձարկման, գործընկերային կապերի ձևավորման և տարածաշրջանը որպես փոխկապակցված, բազմազան և շուկայի համար պատրաստ զբոսաշրջային ուղղություն դիրքավորելու ևս մեկ արդյունավետ հարթակ։

Այս մասնակցությունը ապահովեց ոչ միայն տեսանելիություն, այլև իրական առաջընթաց։ Միջազգային գնորդների հետ ուղիղ շփումը, նոր զբոսաշրջային միտումների բացահայտումը և ոլորտի համաշխարհային առաջատարների հետ փորձի փոխանակումը նպաստեցին գործընկերների վստահության բարձրացմանն ու շուկայական մոտեցումների հստակեցմանը։ Ամենակարևորը՝ ևս մեկ անգամ հաստատվեց RECONOMY-ի առանցքային ուղերձը․ տարածաշրջանային համագործակցությունը ստեղծում է ավելի մրցունակ զբոսաշրջային արդյունքներ և բացում է ավելի լայն հնարավորություններ։

RECONOMY-ն Շվեդիայի միջազգային զարգացման համագործակցության գործակալության (Sida) ներառական և կանաչ տնտեսական զարգացման ծրագիր է, որն իրականացվում է Helvetas-ի կողմից՝ համագործակցելով «Ռազմավարական զարգացման գործակալություն» ՀԿ-ի և Արևելյան գործընկերության և Արևմտյան Բալկանյան երկրների այլ կազմակերպությունների հետ։

19 Jan
Uncategorized

INLIMA ծրագրի աշխատանքային հանդիպումները Արագածոտնի մարզում՝ համագործակցությամբ դեպի կայուն արժեշղթա

INLIMA ծրագրի շրջանակներում ծրագրի թիմը Արագածոտնի մարզում անցկացրել է աշխատանքային հանդիպումներ՝ միավորելով Աշտարակի, Թալինի և Ապարանի համայնքների անասնաբուժական ծառայությունների, կաթի վերամշակման ոլորտի և սպանդանոցների ներկայացուցիչներին։

Հանդիպումները մեկնարկային փուլ են ծրագրի առաջիկա միջամտությունների համար, որոնց շրջանակում նախատեսվում է իրականացնել նախրաքաշի կազմակերպման և կառավարման գործնական վերլուծություն, բացահայտել անասնաբուժական ծառայությունների, կաթի վերամշակման և սպանդի գործընթացներում առկա բացերն ու զարգացման կարիքները, ինչպես նաև համատեղ ձևավորել համագործակցության մեխանիզմներ և թիրախային գործողություններ՝ ուղղված անասնաբուծական արժեշղթայի արդյունավետության և համակարգված զարգացմանը։

«Նորարարական անասնապահություն․ կենդանիների նախրաքարշ, բուծում և շուկաներ» (INLIMA) ծրագիրն իրականացվում է «Ռազմավարական զարգացման գործակալություն» ՀԿ-ի կողմից՝ Ավստրիական զարգացման և համագործակցության ծրագրային միավոր Ավստրիայի զարգացման գործակալության ֆինանսավորմամբ:

16 Jan
Uncategorized

IADAAM Տեսլականից դեպի գործողություն․ դաշտային այցելություններ պոտենցիալ ցուցադրական ֆերմաներ

IADAAM ծրագրի թիմի ղեկավար Սերգեյ Բոտեզատուն Գյուղաջակցության խորհրդատվական ծառայության Վեդիի թիմի հետ համատեղ իրականացրել է դաշտային այցելություններ նախատեսվող ցուցադրական ֆերմաներ՝ գնահատելու դրանց համապատասխանությունը ծրագրի առաջիկա միջոցառումների համար։

Այցերի ընթացքում թիմը նաև այցելեց Վեդու ջրամբարի ներտնտեսային ցանց՝ տեղում ծանոթանալու ժամանակակից ֆիլտրացիոն համակարգերի տեղադրման ընթացքին և գնահատելու տեխնիկական առաջընթացը։ Այս համակարգերը նախատեսված են ոռոգման արդյունավետության բարձրացման և ջրային ռեսուրսների կայուն կառավարման խթանման համար։

Այս այցելությունները հիմք են հանդիսանում արդյունավետ ցուցադրական հարթակների ձևավորման համար, որոնք կգործեն որպես գործնական ուսուցման, փորձի փոխանակման և նորարարության կենտրոններ։ Ժամանակակից ոռոգման տեխնոլոգիաների, առաջադեմ գյուղատնտեսական պրակտիկաների և ռեսուրսների արդյունավետ օգտագործման ցուցադրմամբ՝ ցուցադրական ֆերմաները կօգնեն ֆերմերներին կայացնել փաստահեն որոշումներ, բարձրացնել արտադրողականությունը և ձևավորել ավելի դիմակայուն գյուղատնտեսական համակարգեր։

«Հայաստան – Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության կողմից (ԵՄ) և իրականացվում Զարգացման ֆրանսիական գործակալության (ԶՖԳ) աջակցությամբ, նպատակ ունի վերափոխել ոռոգվող գյուղատնտեսությունը Հայաստանում։

ՀՀ էկոնոմիկայի նախարարության կողմից իրականացվող ծրագրի տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի, «Ավենյու քընսալթինգ գրուպ»-ի, «Ռազմավարական զարգացման գործակալություն» ՀԿ-ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից՝ գյուղատնտեսական քաղաքականության ամրապնդման և ոլորտային բարեփոխումների առաջխաղացման նպատակով։

29 Dec
NEWSARM, NEWSARM, NEWSARM, NEWSARM, NEWSARM

INLIMA ծրագրի թիմը Վայոց ձորի և Արագածոտնի մարզպետարանների ներկայացուցիչների հետ անցկացրեց աշխատանքային հանդիպումներ

INLIMA ծրագրի թիմը աշխատանքային հանդիպումներ անցկացրեց Վայոց ձորի և Արագածոտնի մարզպետարանների ներկայացուցիչների հետ՝ քննարկելու ծրագրի իրականացման ընթացքը և մարզային առաջնահերթությունները: Հանդիպումների ընթացքում կողմերը անդրադարձ կատարեցին համայնքային զարգացման առաջնահերթություններին և կայուն տեխնոլոգիաների հնարավոր ներդրմանը՝ որպես տեղական տնտեսական և էկոլոգիական զարգացումը խթանող գործիքներ։

Թիմն ու մարզպետարանների ներկայացուցիչները քննարկեցին նաև ծրագրի շրջանակներում հետագա համատեղ գործողությունների պլանները՝ նպատակ ունենալով առավել արդյունավետ և նպատակային աջակցություն ցուցաբերել համայնքներին:

INLIMA թիմը գնահատում է արդյունավետ երկխոսությունը և վստահ է, որ այս հանդիպումները կնպաստեն ծրագրի նպատակների արագ և կայուն իրականացմանը՝ բարձրացնելով մարզերի տեղական պոտենցիալը և կայուն զարգացման հնարավորություն ստեղծելով:

«Նորարարական անասնապահություն․ կենդանիների նախրաքարշ, բուծում և շուկաներ» (INLIMA) ծրագիրն իրականացվում է «Ռազմավարական զարգացման գործակալություն» ՀԿ-ի կողմից՝ Ավստրիական զարգացման և համագործակցության ծրագրային միավոր Ավստրիայի զարգացման գործակալության ֆինանսավորմամբ:

«‹89101112›»