19 Dec
Uncategorized

SEIRA և INLIMA ծրագրերի թիմերը հանդիպում ունեցան ՀՀ Էկոնոմիկայի նախարարության ներկայացուցիչների հետ

Հանդիպման ընթացքում ծրագրերի թիմերը ՀՀ Էկոնոմիկայի նախարարի տեղակալ Տաթևիկ Սարգսյանի, Անասնաբուծության վարչության պետ Տիգրան Ալեքսանյանի և Գյուղատնտեսական ծրագրերի նախագծման վարչության պետ Իռա Փանոսյանի հետ քննարկեցին ոլորտային համագործակցության հնարավորությունները` ներկայացնելով ծրագրերի հիմնական բաղադրիչներով ընթացիկ գործունեությունն ու առաջիկա քայլերը։

Հատուկ ուշադրության դարձվեց անասնաբուծության ոլորտի զարգացմանը, գյուղատնտեսական ծրագրերի արդյունավետ և նպատակային նախագծմանը, ինչպես նաև դրանց պետական քաղաքականությունների հետ համակարգված համադրմանը։

Հանդիպման շրջանակում INLIMA ծրագրի «Կաթի և մսի հասանելիության բարելավում» բաղադրիչի պատասխանատու Լիլիթ Պետրոսյանը ներկայացրեց ծրագրի շրջանակներում կառուցողական երկխոսության ձևավորման մոտեցումները և ծրագրի կողմից առաջարկվող հայեցակարգը։

Հանդիպումը կարևոր հարթակ հանդիսացավ փոխադարձ համագործակցության ամրապնդման, փորձի փոխանակման և ոլորտային առաջնահերթությունների շուրջ միասնական մոտեցումների ձևավորման համար։ Կողմերը վերահաստատեցին շարունակական և կառուցողական համագործակցության պատրաստակամությունը՝ միտված Հայաստանի գյուղատնտեսության կայուն զարգացմանը։

SEIRA ծրագիրը ֆինանսավորվում է Շվեյցարիայի զարգացման և համագործակցության գործակալության կողմից և իրականացվում է «Ռազմավարական զարգացման գործակալություն» ՀԿ-ի և ՄԱԿ-ի Պարենի համաշխարհային ծրագրի կողմից։

«Նորարարական անասնապահություն․ կենդանիների նախրաքաշ, բուծում և շուկաներ» (INLIMA) ծրագիրն իրականացվում է «Ռազմավարական զարգացման գործակալություն» ՀԿ-ի կողմից՝ Ավստրիական զարգացման և համագործակցության ծրագրային միավոր Ավստրիայի զարգացման գործակալության ֆինանսավորմամբ:

17 Dec
Uncategorized

IADAAM ցուցադրական ֆերմաների ընտրության I փուլ

«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագրի շրջանակներում պաշտոնապես մեկնարկել է ցուցադրական ֆերմաների ընտրության I փուլը։

ՀՀ Էկոնոմիկայի նախարարության Ծրագրի իրականացման թիմը (МоЕ PIT), IADAAM ծրագրի թիմը և Գյուղաջակցության խորհրդատվական ծառայության (AEST) ներկայացուցիչները համատեղ հանդիպման ընթացքում քննարկել են ներկայացված դիմումները և նախնական ցանկում ներառել ցուցադրական ֆերմաների առաջին փուլում ընտրված թեկնածուներին։

Այս համագործակցային գործընթացը ապահովում է թափանցիկություն, տեխնիկական համապատասխանություն և ծրագրի նպատակների հետ լիարժեք համադրվածություն՝ հիմք ստեղծելով այնպիսի ցուցադրական ֆերմաների համար, որոնք կծառայեն որպես գործնական ուսուցման հարթակներ, կնպաստեն նորարար և կայուն գյուղատնտեսական մոտեցումների տարածմանը և կխթանեն ֆերմեր–ֆերմեր գիտելիքների փոխանակումը։

«Հայաստան – Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության կողմից (ԵՄ) և իրականացվում Զարգացման ֆրանսիական գործակալության (ԶՖԳ) աջակցությամբ, նպատակ ունի վերափոխել ոռոգվող գյուղատնտեսությունը Հայաստանում։

ՀՀ էկոնոմիկայի նախարարության կողմից իրականացվող ծրագրի տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի, «Ավենյու քընսալթինգ գրուպ»-ի, «Ռազմավարական զարգացման գործակալություն» ՀԿ-ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից՝ գյուղատնտեսական քաղաքականության ամրապնդման և ոլորտային բարեփոխումների առաջխաղացման նպատակով։

16 Dec
NEWSARM, NEWSARM, NEWSARM, NEWSARM, NEWSARM

SEIRA Թռչնապահության ոլորտում կարողությունների զարգացում տեղահանված անձանց համար

«Փախստականների սոցիալ-տնտեսական ինտեգրումը Հայաստանում» (SEIRA) ծրագրի շրջանակում դեկտեմբերի 4-10-ը Գեղարքունիքի և Սյունիքի մարզերում իրականացվեցին երկու կարճաժամկետ դասընթացներ՝ «Թռչնապահության լավագույն փորձը» թեմայով, ինչպես նաև կազմակերպվեցին տնայցեր փախստականների բնակության վայրեր։

Դասընթացները վարեց PUM կազմակերպության փորձագետ, անասնաբույժ-թռչնապահ Մարկ Հեյմանսը, ով մասնակիցներին փոխանցեց ժամանակակից և գործնական գիտելիքներ թռչնաբուծության ոլորտում։ Դասընթացներին մասնակցեցին Գորիսի, Սիսիանի, Գավառի, Վարդենիսի և Ճամբարակի համայնքներում բնակվող Լեռնային Ղարաբաղից բռնի տեղահանված անձինք։

Տնայցերի ընթացքում փորձագետը տեղում գնահատեց տնտեսությունների վիճակը և տրամադրեց անհատական խորհրդատվություն՝ մասնավորապես հետևյալ ուղղություններով․

  • թռչունների հիվանդությունների կանխարգելման և վերահսկման ժամանակակից մեթոդներ,
  • պահվածքի և խնամքի արդյունավետ կազմակերպում,
  • ձվատվության և մսատվության արտադրության բարձրացում:

SEIRA ծրագրի շրջանակում իրականացվող այս նախաձեռնությունը նպատակ ունի խթանել կայուն ինքնազբաղվածությունը և եկամտի ստեղծման հնարավորությունները տեղահանված անձանց համար՝ հիմնվելով գիտելիքի, փորձի և տեղական պայմաններին հարմարեցված լուծումների վրա։

SEIRA ծրագիրը ֆինանսավորվում է Շվեյցարիայի զարգացման և համագործակցության գործակալության կողմից և իրականացվում է «Ռազմավարական զարգացման գործակալություն» ՀԿ-ի և ՄԱԿ-ի Պարենի համաշխարհային ծրագրի կողմից։

15 Dec
Uncategorized

IADAAM Էտի դասընթաց Վեդի համայնքի ֆերմերների համար

«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագրի շրջանակներում կազմակերպվեց պտղատու ծառերի և խաղողի էտի երկօրյա մասնագիտական դասընթաց՝ նախատեսված Վեդի համայնքի ֆերմերների համար։

Դասընթացը կառուցված էր տեսական և գործնական բաղադրիչների համադրմամբ՝ ներկայացնելով էտի և ձևավորման ժամանակակից, արդյունավետ և գիտահեն մոտեցումներ։ Մասնակիցները հնարավորություն ունեցան ոչ միայն խորացնել իրենց մասնագիտական գիտելիքները, այլև գործնական աշխատանք իրականացնել այգիներում՝ ոլորտի փորձագետների անմիջական ուղեկցությամբ։

Նախաձեռնությունը նպատակ ունի բարձրացնել համայնքի ֆերմերների մասնագիտական կարողությունները, խթանել արտադրողականության աճը և նպաստել կայուն ու մրցունակ գյուղատնտեսության զարգացմանը Վեդի համայնքում։

«Հայաստան – Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության կողմից (ԵՄ) և իրականացվում Զարգացման ֆրանսիական գործակալության (ԶՖԳ) աջակցությամբ, նպատակ ունի վերափոխել ոռոգվող գյուղատնտեսությունը Հայաստանում։

ՀՀ էկոնոմիկայի նախարարության կողմից իրականացվող ծրագրի տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի, «Ավենյու քընսալթինգ գրուպ»-ի, «Ռազմավարական զարգացման գործակալություն» ՀԿ-ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից՝ գյուղատնտեսական քաղաքականության ամրապնդման և ոլորտային բարեփոխումների առաջխաղացման նպատակով։

12 Dec
Uncategorized

RECONOMY «Tourism Insights 360․ Նորարարությունից մինչև շուկայի ակտիվացում» տարածաշրջանային վեբինար շարքը հաջողությամբ ամփոփվեց

Դեկտեմբերի 9-11-ը Հայաստանի, Վրաստանի, Մոլդովայի և այլ երկրների զբոսաշրջության ոլորտի փորձագետները, ոլորտային ասոցիացիաները և մասնավոր սեկտորի ներկայացուցիչները մասնակցեցին ինտենսիվ մասնագիտական առցանց դասընթացին։
Վեբինարը կազմակերպվել էր Ռազմավարական զարգացման գործակալություն (ՌԶԳ) ՀԿ-ի և HELVETAS Swiss Intercooperation-ի համագործակցությամբ և ընդգրկել հետևյալ առանցքային թեմաները՝
• Տարածաշրջանային զբոսաշրջության միտումներ և համագործակցության դինամիկա
• Բիզնեսների պատրաստություն միջազգային ցուցահանդեսների և գլոբալ գնորդների համար
• Արհեստական ինտելեկտի գործիքների գործնական կիրառություններ զբոսաշրջության ոլորտում
• Պաշտոնական քաղաքականության ձևավորման ռազմավարություններ մասնավոր սեկտորի համար
• Դիջիթալ տեսանելիություն և արդյունավետ ԱԻ որոնում (ChatGPT, Gemini, Perplexity)
• Միջազգային շուկաների՝ ներառյալ չինական արտահանվող հատվածի, վերլուծություն
Վեբինարի ընթացքում մասնակիցները ձեռք բերեցին գործնական գիտելիքներ և փորձ՝ ուղղված զբոսաշրջության ոլորտում իրենց մասնագիտական կարողությունների զարգացմանը։
RECONOMY-ն Շվեդիայի միջազգային զարգացման համագործակցության գործակալության (Sida) ներառական և կանաչ տնտեսական զարգացման ծրագիր է, որն իրականացվում է Helvetas-ի կողմից՝ համագործակցելով «Ռազմավարական զարգացման գործակալություն» ՀԿ-ի և Արևելյան գործընկերության և Արևմտյան Բալկանյան երկրների այլ կազմակերպությունների հետ։
«‹1011121314›»