17 Apr
Uncategorized

Հարավային Կովկասում Շվեյցարիայի զարգացման և համագործակցության գրասենյակի (SDC) տարածաշրջանային տնօրենի տեղակալ Ուրսուլա Լաուբլիի այցը` «Ռազմավարական զարգացման գործակալություն» ՀԿ

Հայաստանում Շվեյցարիայի փոխդեսպան և Շվեյցարիայի զարգացման և համագործակցության գործակալության (SDC) տարածաշրջանային տնօրեն` Ուրսուլա Լաուբլին իր առաքելությունը Հայաստանում սկսեց Շվեյցարիայի Զարգացման և Համագործակցության Գործակալության (SDC) կողմից ֆինանսավորվող ծրագրերն իրականացնող գործընկեր կազմակերպությունների ներկայացուցիչների հետ հանդիպումներով։

Հանդիպումներին տիկին Լաուբլիին ուղեկցում էր իրեն նախորդող՝ պարոն Վերներ Թութը։

Նախատեսված օրակարգի համաձայն՝ այց կատարվեց «Ռազմավարական զարգացման գործակալություն» (ՌԶԳ) ՀԿ գրասենյակ, որտեղ հանդիպում տեղի ունեցավ կազմակերպության նախագահ Մկրտիչ Այվազյանի և WWF հայաստանյան գրասենյակի տնօրեն Կարեն Մանվելյանի հետ։

Հանդիպման ընթացքում քննարկվեց «Հայաստանի կենդանի լանդշաֆտները շուկայի զարգացման համար» (LILA) ծրագիրը,  ծրագրի ընթացիկ միջամտություններն ու նախատեսվող գործողությունները։

15 Apr
Uncategorized

«Ֆերմերային գործունեությունը՝ որպես բիզնես» դասընթաց Լոռու մարզի սկսնակ ֆերմերների համար

Ինքնազբաղվածությունը խթանելու նպատակով «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում ս․թ․ մարտի 26-ից մեկնարկել է մեկամսյա «Ֆերմերային գործունեությունը՝ որպես բիզնես» թեմայով պրակտիկ դասընթաց և խորհրդատվություն Լոռու մարզի ֆերմերային տնտեսություն վարող և ֆերմերային գործունեությունը նոր սկսած անհատների համար՝ բարելավելու վերջիններիս բիզնեսի պլանավորման, վարման ու որոշումների կայացման գիտելիքներն ու կարողությունները:

Դասընթացի ընթացքում ֆերմերները սովորեցին, թե ինչպես պլանավորել և հիմնել ֆերմերային տնտեսությունը, արդյունավետ կառավարել սահմանափակ ռեսուրսների դեպքում, ուսումնասիրել շուկաները, ավելացնել եկամուտները և վերլուծել գործունեության «թվերը»։

Դասընթացից հետո ծրագրի մասնակիցներն անհատական մասնագիտական ու բիզնես խորհրդատվություն են ստանում իրենց գործունեության համար ֆերմայի զարգացման ծրագիր կազմելու, այն ավարտուն տեսքի բերելու և ընտանեկան գործունեությունից  բիզնեսի անցնելու քայլերի վերաբերյալ։

15 Apr
Uncategorized

Գորիսի գյուղատնտեսական քոլեջի ՄԱՎԵՏԱ ծրագրի գործընկերներին անասնաբուժության ուսումնառության առաջադրանքների ներկայացում և քննարկում

«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում ապրիլի 10-ին «Ռազմավարական զարգացման գործակալություն» (ՌԶԿ) ՀԿ-ն կազմակերպեց անասնաբուժության ուսումնառության առաջադրանքների ներկայացում և քննարկում Գորիսի գյուղատնտեսական քոլեջի դասավանդողների, դուալ ուսուցմամբ քոլեջի հետ համագործակցող անասնաբույժ/մենթորների մասնակցությամբ։

Միջոցառմանն ողջույնի խոսքով հանդես եկավ ՄԱՎԵՏԱ ծրագրի խորրհրդատու՝ Լիլիթ Բեգլարյանը և ընդծեց աշխատաժողովին ներկա կառույցների սերտ համագործակցության կարևորությունը դուալ կրթության իրականացման գործում, որը հաջողության հասնելու գրավականն է։

Այնուհետև, «Ռազմավարական զարգացման գործակալություն» ՀԿ-ի  անասնաբույժ/փորձագետ՝ Միքայել Հայկունին մասնակիցներին ներկայացրեց անասնաբուժություն մասնագիտության դուալ կրթության գործնական աշխատանքի ուսումնառության առաջադրանքները, որոնք մշակվել էին Բեռնի Կիրառական գիտությունների համալսարանի (HAFL) փորձագետների աջակցությամբ։ Նա նաև նշեց փաստաթղթերի՝ որպես գործիք, կիրառելու կարևորությունը աշկերը-դասավանդող-գործատու համագործակցության ժամանակ։

Քոլեջի դասավանդողներն ու մենթորները ակտիվ քննարկեցին յուրաքանչյուր ուսումնառության առաջադրանք և առաջարկություն արվեց քննարկման հիման վրա վերանայել դրանք՝ ըստ ուսումնական ծրագրի մոդուլների։

12 Apr
Uncategorized

Տեխնիկական աջակցություն Գորիսի պետական գյուղատնտեսական քոլեջին

«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում շարունակում ենք նպաստել գյուղատնտեսության ոլորտի զարգացմանը։

«Ռազմավարական զարգացման գործակալություն» (ՌԶԳ) ՀԿ-ն  ՄԱՎԵՏԱ ծրագրի շրջանակում  վերազինեց Գորիսի պետական գյուղատնտեսական քոլեջնը` տրամադրելով  նոր համակարգիչներ և լաբորատոր սարքավորումներ։

Այս ժամանակակից տեխնիկայի կիրառումը թույլ կտա դասավանդողներին ուսուցումն իրականացնել՝ կիրառելով նորարարական և ինտերակտիվ մեթոդներ: Լաբորատոր սարքավորումների առկայությունը կնպաստի կաթի և կաթնամթերքի տեխնոլոգ մասնագիտության նկատմամբ հետաքրքրվածության՝ մոտիվացիայի բարձրացմանը:

Ոլորտում կատարված ներդրումը հնարավորություն կընձեռի բարելավել ուսանողների գիտելիքներն ու հմտությունները՝ աշխատաշուկայում ավելի մրցունակ մասնագետ դառնալու համար։

ՄԱՎԵՏԱ ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, Շվեյցարիայի եկեղեցու օգնություն (HEKS/EPER) ՀԿ–ն, Իզմիրլյան հիմնադրամը, «Ռազմավարական զարգացման գործակալություն» (ՌԶԳ) ՀԿ–ն և «Վանանդ Ագրո» ՓԲԸ–ն:

Ծրագիրն իրականացնող գործընկերներն են Գերմանական զարգացման գործակալությունը (GIZ) և Շվեյցարիայի եկեղեցու օգնություն (HEKS/EPER) ՀԿ–ն՝ ՌԶԳ–ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ:

12 Apr
NEWSARM, NEWSARM, NEWSARM, NEWSARM, NEWSARM

Ավստրիական զարգացման գործակալության պատվիրակության պաշտոնական այցը Սյունիք

Ս․թ․ Ապրիլի 10-11-ը, Ավստրիական զարգացման գործակալության (ADA) պատվիրակությունը պաշտոնական այցի ընթացքում հանդիպումներ ունեցավ «Ռազմավարական զարգացման գործակալություն» (ՌԶԳ) ՀԿ-ի կողմից իրականացվող «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) և «Անասնապահության զարգացում Հայաստանում՝ հարավ-հյուսիս 2» ծրագրերում ներգրավված շահառուների և գործընկերների հետ:

Պատվիրակությունը ներկայացնում էին Ավստրիական զարգացման գործակալության երևանյան գրասենյակի ղեկավար Կլաուս Կապերը, ղեկավարի տեղակալ Նորա Ալանակյանը և ծրագրերի ղեկավար, Մոլդովայի, Վրաստանի և Հայաստանի համար պատասխանատու Թոբիաս Օրիշնիգը։

Այցի ընթացքում պատվիրակության անդամները հանդիպում ունեցան Սիսիան խոշորացված համայնքի Սառնակունք գյուղական բնակավայրի ղեկավարի հետ, շփվեցին շահառու ֆերմերների հետ և այցելեցին Կապանի վերջերս բացված «Առաջատար ֆերմա»:

Ավստրիական զարգացման գործակալության կողմից մասնակի ֆինանսավորում ստացող ՄԱՎԵՏԱ ծրագրի շրջանակներում այցելություններ կազմակերպվեցին Հայաստանի ազգային ագրարային համալսարանի Սիսիանի մասնաճյուղ և «Սիս-Ալպ» կաթնամթերքի արտադրամաս։

Պաշտոնական այցը ներառում էր նաև քննարկում, որի ընթացքում «Անասնապահության զարգացում Հայաստանում՝ հարավ-հյուսիս 2» ծրագրի ղեկավար Վահե Հովհաննիսյանը և «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի ղեկավար Լիլիթ Հովհաննիսյանը ներկայացրեցին ծրագրով ձեռք բերված արդյունքները, ընթացիկ միջամտություններն ու առաջիկա անելիքները:

«‹5859606162›»