Uncategorized

«Հայաստանի սահմանամերձ համայնքների դիմակայունության ամրապնդում և տնտեսական վերականգնում» ծրագրի ներկայացում ՀՀ Գեղարքունիքի մարզպետարանում

Սույն թվականի հունվարի 30-ին, ՄԱԿ-ի Պարենի համաշխարհային ծրագրի սոցիալական պաշտպանության ծրագրերի բաժնի ղեկավար Լիլիթ Չիթչյանը, «Վորլդ Վիժն Հայաստան» կազմակերպության ծրագրի ղեկավար Մերի Սարգսյանն ու «Ռազմավարական զարգացման գործակալություն» ՀԿ ծրագրի ղեկավար Վահե Հովհաննիսյանը ՀՀ Գեղարքունիքի մարզպետարանում ներկայացրեցին «Հայաստանի սահմանամերձ համայնքների դիմակայության ամրապնդում և տնտեսական վերականգնում» ծրագրի բովանդակությունն ու հիմնադրույթները։

Ծրագիրը ֆինանսավորվում է Շվեյցարիայի զարգացման և համագործակցության գործակալության կողմից և իրականացվում է ՄԱԿ-ի Պարենի համաշխարհային ծրագրի միջոցով՝ «Վորլդ Վիժն Հայաստան»-ի, «Մանկական զարգացման հիմնադրամ»-ի և «Ռազմավարական զարգացման գործակալություն» ՀԿ-ի հետ համագործակցությամբ։

Ծրագրի նպատակն է բարելավել Վարդենիս (Գեղարքունիք), Սիսիան (Սյունիք) և Ջերմուկ (Վայոց ձոր) համայնքների սահմանամերձ բնակավայրերի ճգնաժամերին դիմակայելու կարողությունը՝ տրամադրելով մարդասիրական և տնտեսական աջակցություն։

Գեղարքունիքի մարզում այն իրականացվում է Վարդենիս համայնքի 9 բնակավայրերում, որոնք տուժել են 2022 թվականի սեպտեմբերին Ադրբեջանի կողմից սանձազերծած ռազմական ագրեսիայի արդյունքում։

Ծրագիրն երկու հիմնական բաղադրիչ ունի։ Առաջին բաղադրիչով նախատեսվում է սոցիալական աջակցության տրամադրում 2022 թվականի սեպտեմբերյան ագրեսիայից տուժած ընտանիքներին, իսկ երկրորդ բաղադրիչով՝ վերականգնողական աշխատանքների իրականացում։

Առաջիկայում աջակցության նման քարտեր կտրամադրվի 300 ընտանիքի։ Այժմ ընթանում է պարենային անապահով ընտանիքների հաշվառման փուլը։

«Ռազմավարական զարգացման գործակալություն» հասարակական կազմակերպության ծրագրի ղեկավար Վահե Հովհաննիսյանի ներկայացրեց Վարդենիս համայնքի բնակավայրերում իրականացվելիք գյուղացիական տնտեսություններում եկամուտ ապահովող ծրագրեր, որոնք կներդրվեն շուրջ 60 անասնապահական ֆերմերային տնտեսություններում։

ՀՀ Գեղարքունիքի մարզպետ Կարեն Սարգսյանն ողջունեց ներկայացված ծրագիրը և պատրաստակամություն հայտնեց աջակցություն ցուցաբերելու։

Մարզային քննարկումներ՝ դուալ մոտեցմամբ ուսումական ծրագրերի մշակման համար

Լոռու մարզի Ստեփանավան քաղաքում «Հայաստանում գյուղատնտեսության ոլորտում ՄԿՈՒ արդիականացում» (ՄԱՎԵՏԱ) ծրագրի շրջանակներում ս.թ․ հունվարի 24-ից 27-ը կազմակերպվեց անասնաբույժ, կաթի և կաթնամթերքի տեխնոլոգիա  և ֆերմերային գործի կազմակերպման կառավարիչ մասնագիտությունների ուսումական ծրագրերի մշակման մարզային աշխատաժողով-քննարկումը։

Աշխատաժողովին մասնակցում էին համայնքի վերը նշված ոլորտի գործող գործատուներ, Ստեփանավանի պետական գյուղատնտեսական քոլեջի համապատասխան դասավանդողներ և այլ շահակից կառույցների ներկայացուցիչներ։

Հանդիպումը վարում էր Բեռնի կիրառական գիտությունների համալսարանի գյուղատնտեսության անտառային և պարենային գիտությունների դպրոցի դասավանդող և խորհրդատու Յոհաննես Բրունները։

 

Uncategorized

Դասընթացներ ՀՀ Շիրակի և Գեղարքունիքի մարզերի ֆերմերների համար

Սույն թվականի հունվարի 24-25-ը «Ռազմավարական զարգացման գործակալություն» հասարակական կազմակերպության կողմից իրականացվող «Անասնապահության զարգացում Հայաստանում՝ հարավ-հյուսիս 2» ծրագրի շրջանակներում ՀՀ Շիրակի մարզի Աշոցք, Ամասիա և Ազատան համայնքների և հունվարի 26-ին ՀՀ Գեղարքունիքի մարզի Ճամբարակ համայնքի ֆերմերների համար անցկացվեց դասընթաց  «Կենդանիների առողջության պահպանում ու ԽԵԿ-երի արհեստական սերմնավորման առավելությունները» ու «Կերային մշակաբույսերի բերքատվության բարելավում, կերային մշակաբույսերի սնուցում և կերարտադրություն» թեմաներով։

Դասընթացների ընթացքում ֆերմերներին ներկայացվեցին կենդանիների առողջության պահպանման միջոցառումները, տոհմային ու մթերատու հատկանիշների բարելավման նպատակով օգտագործվող արհեստական սերմնավորման առավելություններն ու արդյունավետ կերարտադրության հիմունքները:

Ակտիվ քննարկումների, հարց ու պատասխանների ձևաչափով մանրամասն անդրադարձ կատարվեց անասնաշենքերում կենդանիների պահվածքի և խնամքի պայմաններին, կերակրմանը, ջրմանը, կանխարգելիչ պատվաստումներին, մակաբույծների դեմ պայքարի անհրաժեշտությանը, մաստիտների վաղ հայտնաբերմանն ու կանխարգելմանը, ինչպես նաև կերարտադրությանն ու կլիմայի փոփոխության պայմաններում կերային
մշակաբույսերի մշակության առանձնահատկություններին։

Uncategorized

«Դուալ համակարգի փորձարկումը ՄԿՈՒ ոլորտում» թեմայով աշխատաժողով

Ս.թ. դեկտեմբերի 19-20-ին, «ՄԱՎԵՏԱ» ծրագրի շրջանակներում կազմակերպվեց «Դուալ համակարգի փորձարկումը ՄԿՈՒ ոլորտում» թեմայով աշխատաժողով։ Աշխատաժողովին մասնակցում էին «ՄԱՎԵՏԱ» ծրագրում ընգրկված ՄԿՈՒ հաստատություների ներկայացուցիչներ և ոլորտում ակտիվ ներգրավվածություն ունեցող փորձագետներ։

Աշխատաժողովի նպատակն էր ներկայացնել և քննարկել դուալ համակարգի Հայաստանյան և միջազգային փորձն ու Հայաստանի ՄԿՈՒ համակարգում այդ մոտեցման տեղայնացման մեթոդաբանությունը։ Աշխատաժողովի ընթացքում մասնակիցները բաժանվեցին 3 խմբի, ըստ ընտրված մասնագիտությունների, այն է անասնաբուժություն, կաթի և կաթնամթերքի տեխնոլոգիա, ֆերմերային գործ: Քննարկվեց այդ մասնագիտությունների տեսական և գործնական ուսուցման տարրերի համադրման եղանակներն ու կարևորությունը, ինչպես նաև գործատուի մոտ աշկերտի համար համապատասխան միջավայրի և պայմանների ստեղծման ուղիները։

Աշխատաժողովն անցավ ակտիվ քննարկման և արդյունավետ խմբային աշխատանքային մթնոլորտում։

«ՄԱՎԵՏԱ» ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, Շվեյցարիայի եկեղեցու օգնություն (HEKS/EPER) ՀԿ-ն, Իզմիրլյան հիմնադրամը, «Ռազմավարական զարգացման գործակալություն» (ՌԶԳ) ՀԿ-ն և «Վանանդ Ագրո» ՓԲԸ-ն:

Ծրագիրն իրականացնող գործընկերներն են՝ Գերմանական զարգացման գործակալությունը (GIZ) և Շվեյցարիայի եկեղեցու օգնություն (HEKS/EPER) ՀԿ-ն՝ «Ռազմավարական զարգացման գործակալություն» ՀԿ-ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ:

 

Uncategorized

«ԽԵԿ-ի վերարտադրողականության ապահովումը» թեմայով անասնաբույժների վերապատրաստման դասընթաց

Սույն թվականի դեկտեմբերի 14-15-ը, «Ռազմավարական զարգացման գործակալություն» հասարակական կազմակերպության կողմից իրականացվող «Անասնապահության զարգացում Հայաստանում՝ հարավ-հյուսիս 2» ծրագրի շրջանակներում անցկացվեց «ԽԵԿ-ի վերարտադրողականության ապահովումը» թեմայով վերապատրաստման դասընթաց, որին մասնակցեցին ծրագրի թիրախային Շիրակի, Գեղարքունիքի և Սյունիքի մարզերից 34 անասնաբույժ և արհեստական սերմնավորման տեխնիկ:

Դասընթացն անցկացրել է Բելառուսի Հանրապետությունից ժամանած անասնաբույժ և «ԲելՎետՖարմա» կազմակերպության ներկայացուցիչը։ Դասընթացավարը ներկայացրեց ԽԵԿ-ի վերարտադրողականության խնդիրները և դրանց տնտեսական հետևանքներն ու կենդանիների վերարտադրողական առողջության պահպանման կարևորությունը, ինչպես նաև մթերատվության վերահսկման մեթոդները՝ սինխրոնիզացիան և արհեստական սերմնավորումը։

Մասնակիցներին ներկայացվեցին բուժման արդիական մեթոդներն ու բուժ միջոցները։ Հանդիպումը հնարավորություն ընձեռեց մասնակիցների համար գործնական կապեր ստեղծել անասնաբուժական դեղորայք և այլ պարագաներ մատակարարող «ԳրալՎետ» ՍՊԸ-ի ներկայացուցիչների հետ։