«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) Գյուղաջակցության խորհրդատվական ծառայության (AEST) Վեդիի և Արտաշատի թիմերը հանդիպեցին Այգավանի բնակիչների և համայնքի վարչական ղեկավարի հետ։

Հանդիպման ընթացքում գյուղաջակցության խորհրդատուները համապարփակ ներկայացրեցին ծրագրի բոլոր բաղադրիչները՝ ընդգծելով գյուղատնտեսական խորհրդատվական ծառայությունների, գիտելիքի փոխանցման և ֆերմերների կարողությունների զարգացման կարևորությունը։

Թիմը ներկայացրեց նաև ցուցադրական ֆերմաների ստեղծման գաղափարը, դրանց նպատակներն ու դիմելու ընթացակարգը։ Բնակիչներին փոխանցվեցին դիմումի ձևերը, իսկ խորհրդատուները տեղում աջակցեցին դրանք լրացնելու գործընթացում։

Հանդիպումից հետո իրականացվել են 10 դաշտային այցեր․ Նոյակերտ համայնքում թիմերը հանդիպել են ցուցադրական ֆերմայի համար դիմած մի շարք պոտենցիալ թեկնածուների, տեղում գնահատել նրանց ֆերմաները և քննարկել հնարավոր համագործակցության ուղղությունները։

Այցի ընթացքում խորհրդատուները հանդիպել են նաև Արարատ բնակավայրի վարչական ղեկավարի հետ՝ ներկայացնելու ծրագրի ընթացիկ քայլերը և համատեղ աշխատանքի հնարավորությունները։

Այսպիսի հանդիպումները նպաստում են գյուղատնտեսների և համայնքների ակտիվ ներգրավվածությանը՝ խթանելով կայուն և նորարար գյուղատնտեսության զարգացումը Արարատի մարզում։

«Հայաստան – Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության կողմից (ԵՄ) և իրականացվում Զարգացման ֆրանսիական գործակալության (ԶՖԳ) աջակցությամբ, նպատակ ունի վերափոխել ոռոգվող գյուղատնտեսությունը Հայաստանում։

ՀՀ էկոնոմիկայի նախարարության կողմից իրականացվող ծրագրի տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի, «Ավենյու քընսալթինգ գրուպ»-ի, «Ռազմավարական զարգացման գործակալություն» ՀԿ-ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից՝ գյուղատնտեսական քաղաքականության ամրապնդման և ոլորտային բարեփոխումների առաջխաղացման նպատակով։

2025թ․ հոկտեմբերի 21-ին կայացավ «Միասնության սերմեր․ Հայաստանի գյուղատնտեսության զարգացում կոոպերացիաների և կոոպերատիվների միջոցով» խորագրով աշխատաժողովը, որը կազմակերպվել էր «Հայաստան – Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագրի կողմից՝ ՀՀ Էկոնոմիկայի նախարարության մասնագետների կարողությունների զարգացման նպատակով։

Աշխատաժողովը համախմբեց ՀՀ Էկոնոմիկայի նախարարության բարձրաստիճան մասնագետներին, միջազգային կազմակերպությունների ներկայացուցիչներին և ոլորտի փորձագետներին՝ քննարկելու Հայաստանում գյուղատնտեսական կոոպերացիաների և կոոպերատիվների ներկա վիճակը, դրանց զարգացման հեռանկարները և նորարարական մոդելները։

Աշխատաժողովի ընթացքում անդրադարձ եղավ Հայաստանում կոոպերացիաների և կոոպերատիվների արդյունավետության բարձրացման ուղղություններին, կլիմայի փոփոխությանը հարմարվողականության, հողերի միավորման և բարձրարժեք գյուղատնտեսության խթանման քաղաքական գործիքներին։ Քննարկումները նպաստեցին նաև ոլորտային քաղաքականության բարելավման և պետական ինստիտուցիոնալ կարողությունների ամրապնդմանն ուղղված նոր գաղափարների ձևավորմանը։

Աշխատաժողովի ընթացքում նաև ներկայացվեցին ՄԱԿ-ի Պարենի և գյուղատնտեսության կազմակերպության (FAO) և Ուրուգվայի Արևելյան Հանրապետության Կենդանիների, Գյուղատնտեսության և Ձկնորսության նախարարության (MGAP) ներկայացուցիչների հաջողված փորձերը՝ գյուղատնտեսական կոոպերատիվների զարգացման և կառավարման ոլորտում։ Աշխատաժողովին ներկա էր նաև Հայաստանում Ուրուգվայի Արևելյան Հանրապետության արտակարգ և լիազոր դեսպան՝ Սիլվանա Լեսկա Բարոլինը, ով հանդես եկավ ողջույնի խոսքով՝ ընդգծելով Ուրուգվայի փորձի և Հայաստանի գյուղատնտեսական համակարգի միջև համագործակցության հնարավորությունների կարևորությունը։ Ուրուգվայի օրինակով մասնակիցները հնարավորություն ունեցան ծանոթանալու արդյունավետ կառավարման և կոոպերատիվների կայունացման միջազգային մեխանիզմներին։

Աշխատաժողովը դարձավ արդյունավետ հարթակ փորձի, գիտելիքի և գաղափարների փոխանակման համար՝ հաստատելով, որ կոոպերացիան Հայաստանի գյուղատնտեսության կայուն զարգացման առանցքային պայմաններից է։ Այս աշխատաժողովը կարևոր քայլ էր գյուղատնտեսական կոոպերացիաների վերաբերյալ քաղաքականության բարելավման և պետական ինստիտուցիոնալ կարողությունների զարգացման ուղղությամբ՝ միաժամանակ ընդգծելով գործընկերության և միասնականության դերը ոլորտի կայուն առաջընթացի ապահովման գործում։

«Հայաստան – Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության կողմից (ԵՄ) և իրականացվում Զարգացման ֆրանսիական գործակալության (ԶՖԳ) աջակցությամբ, նպատակ ունի վերափոխել ոռոգվող գյուղատնտեսությունը Հայաստանում։

ՀՀ էկոնոմիկայի նախարարության կողմից իրականացվող ծրագրի տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի, «Ավենյու քընսալթինգ գրուպ»-ի, «Ռազմավարական զարգացման գործակալություն» ՀԿ-ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից՝ գյուղատնտեսական քաղաքականության ամրապնդման եւ ոլորտային բարեփոխումների առաջխաղացման նպատակով։