Սեպտեմբերի 10-ին Արարատի համայնքապետարանում կայացավ համագործակցության առանցքային հանդիպում, որի ընթացքում համայնքի ղեկավար Ասլան Ավետիսյանը, Գյուղաջակցության խորհրդատվական ծառայության Վեդիի թիմի համակարգող Վարդան Իվանյանը, Գյուղաջակցության խորհրդատվական ծառայության փորձագետ Պարույր Ասատրյանը, ինչպես նաև համայնքի գյուղատնտեսության բաժնի ներկայացուցիչները քննարկեցին համատեղ քայլերը՝ գյուղատնտեսական խորհրդատվությունը հասանելի դարձնելու համայնքի բոլոր թիրախ բնակավայրերում։

Քննարկման առանցքային ուղղությունները՝

🔹 IADAAM ծրագրի խորհրդատվական բաղադրիչի նպատակների ու գործառույթների ներկայացում

🔹 Համագործակցության ձևաչափերի սահմանում՝ համայնքի գյուղատնտեսական բաժնի և AES թիմերի միջև

🔹 Համայնքի բոլոր բնակավայրերում իրազեկման բարձրացում՝ հանդիպումների, և թվային գործիքների միջոցով

🔹 Խորհրդատվական հոսքերի կառավարման մեխանիզմների քննարկում՝ թափանցիկության և արդյունավետության ապահովման նպատակով

Այս համագործակցությունը ևս մեկ քայլ է դեպի գիտելիքահեն, կայուն և զարգացող գյուղատնտեսություն, որտեղ գիտելիքը դառնում է բերքահավաքի հիմնասյուն։ 

«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության միջոցով (ԵՄ), Զարգացման ֆրանսիական գործակալության (ԶՖԳ) իրականացմամբ, համապարփակ նախաձեռնություն է, որի նպատակն է վերափոխել ոռոգվող գյուղատնտեսությունը Հայաստանում։

IADAAM ծրագրում տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի գլխավորած «Ավենյու քընսալթինգ գրուպ»-ի, «Ռազմավարական զարգացման գործակալություն» ՀԿ-ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից, որը հանդես է գալիս որպես ծրագրի օպերատոր՝ նպատակ ունենալով ինստիտուցիոնալ աջակցություն տրամադրել ՀՀ էկոնոմիկայի նախարարությանը՝ թիրախային ոլորտներում գյուղատնտեսական քաղաքականության և բարեփոխումների մշակման գործում։

Օգոստոսի 19-29-ը Լոռու և Վայոց ձորի համայնքներում տեղի ունեցավ կարևոր ու հեռանկարային նախաձեռնություն՝ Էկոզբոսաշրջության զարգացման դասընթացների շարք, որը կազմակերպվել էր «Ռազմավարական զարգացման գործակալություն» ՀԿ-ի և Բնության համաշխարհային հիմնադրամի հայաստանյան մասնաճյուղի (WWF-Հայաստան) համատեղ ջանքերով։ Դասընթացների հիմնական նպատակն էր բացահայտել և զարգացնել համայնքային բնապահպանական տարածքներում (ՀԲՏ) առկա էկոզբոսաշրջության ներուժը և խթանել համայնքների ակտիվ ներգրավվածությունը բնության պահպանության ու պատասխանատու տուրիզմի զարգացման գործընթացներում։

Դասընթացները վարեցին Տուրիզմի հայկական ինստիտուտի առաջատար մասնագետները՝ համադրելով տեսական գիտելիքը, փորձը և գործնական հմտությունները՝ մի ընդհանուր նպատակով՝ զարգացնել պատասխանատու ու կայուն տուրիզմը համայնքներում։

Դասընթացների արդյունքում՝

🔹 ՀԲՏ խնամակալները վերլուծեցին իրենց տարածքների զբոսաշրջային հնարավորությունները,

🔹 Ծանոթացան արկածային տուրիզմի զարգացման ժամանակակից միտումներին,

🔹 Ուսումնասիրեցին տարածք այցելող զբոսաշրջիկների հոսքի կառավարման գործիքներն ու մեխանիզմները,

🔹 Եվ ամենակարևորը՝ քննարկեցին՝

• Ինչպես զարգացնել արկածային տուրիզմ՝ չվնասելով բնությանը
• Բնության պահպանման “հիմնական կանոնները” (Dos & Don’ts)՝ հյուրերի, ուղեկցողների և կազմակերպիչների համար։

Դասընթացները զուգակցվեցին գործնական վարժանքներով՝

• ուղղված արկածային տուրիզմի կազմակերպման առանձնահատկություններին,
• անվտանգության կանոնների պահպանմանը,
• ինչպես նաև թիմային որոշումների կայացման և արտակարգ իրավիճակների կառավարման հմտություններին։

Այս նախաձեռնությունը՝

• Նոր շունչ է հաղորդում համայնքներին
• Աջակցում է բնության պահպանությանը
• Ստեղծում է տեղական տնտեսական զարգացման նոր հեռանկարներ։

ԼԻԼԱ ծրագիրը ֆինանսավորվում է Շվեյցարիայի զարգացման և համագործակցության գործակալության (SDC) կողմից և իրականացվում Բնության համաշխարհային հիմնադրամի հայաստանյան մասնաճյուղի կողմից (WWF-Հայաստան)՝ «Ռազմավարական զարգացման գործակալություն» (ՌԶԳ) ՀԿ-ի հետ համատեղ: