«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) Գյուղաջակցության խորհրդատվական ծառայության (AEST) Վեդիի և Արտաշատի թիմերը հանդիպեցին Այգավանի բնակիչների և համայնքի վարչական ղեկավարի հետ։

Հանդիպման ընթացքում գյուղաջակցության խորհրդատուները համապարփակ ներկայացրեցին ծրագրի բոլոր բաղադրիչները՝ ընդգծելով գյուղատնտեսական խորհրդատվական ծառայությունների, գիտելիքի փոխանցման և ֆերմերների կարողությունների զարգացման կարևորությունը։

Թիմը ներկայացրեց նաև ցուցադրական ֆերմաների ստեղծման գաղափարը, դրանց նպատակներն ու դիմելու ընթացակարգը։ Բնակիչներին փոխանցվեցին դիմումի ձևերը, իսկ խորհրդատուները տեղում աջակցեցին դրանք լրացնելու գործընթացում։

Հանդիպումից հետո իրականացվել են 10 դաշտային այցեր․ Նոյակերտ համայնքում թիմերը հանդիպել են ցուցադրական ֆերմայի համար դիմած մի շարք պոտենցիալ թեկնածուների, տեղում գնահատել նրանց ֆերմաները և քննարկել հնարավոր համագործակցության ուղղությունները։

Այցի ընթացքում խորհրդատուները հանդիպել են նաև Արարատ բնակավայրի վարչական ղեկավարի հետ՝ ներկայացնելու ծրագրի ընթացիկ քայլերը և համատեղ աշխատանքի հնարավորությունները։

Այսպիսի հանդիպումները նպաստում են գյուղատնտեսների և համայնքների ակտիվ ներգրավվածությանը՝ խթանելով կայուն և նորարար գյուղատնտեսության զարգացումը Արարատի մարզում։

«Հայաստան – Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության կողմից (ԵՄ) և իրականացվում Զարգացման ֆրանսիական գործակալության (ԶՖԳ) աջակցությամբ, նպատակ ունի վերափոխել ոռոգվող գյուղատնտեսությունը Հայաստանում։

ՀՀ էկոնոմիկայի նախարարության կողմից իրականացվող ծրագրի տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի, «Ավենյու քընսալթինգ գրուպ»-ի, «Ռազմավարական զարգացման գործակալություն» ՀԿ-ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից՝ գյուղատնտեսական քաղաքականության ամրապնդման և ոլորտային բարեփոխումների առաջխաղացման նպատակով։

«Փախստականների սոցիալ-տնտեսական ինտեգրումը Հայաստանում» (SEIRA) ծրագրի շրջանակում հոկտեմբերի 17-ին և 24-ին Սյունիքի մարզում «Դը Ռանչում», անցկացվեցին երկու կարճաժամկետ դասընթացներ «Թռչնապահության լավագույն փորձը» թեմայով։

Դասընթացները կազմակերպվել էին Գորիսի և Սիսիանի համայնքներում բնակվող Լեռնային Ղարաբաղից բռնի տեղահանված անձանց համար՝ նպատակ ունենալով նրանց տրամադրել գործնական գիտելիքներ և հմտություններ թռչնաբուծության ոլորտում։

Դասընթացավար Միքայել Հայկունին մասնակիցներին ներկայացնեց՝

• Թռչնապահության հիմնական ուղղություններն ու ստացվող հիմնական մթերքները,

• Թռչունների խնամքի և կերակրման ժամանակակից միտումները,
• Կենսանվտանգության պահպանման և հիվանդությունների դեմ կանխարգելիչ միջոցառումների կիրառման նորագույն մեթոդները։

Ստացված գիտելիքները կդառնան գործնական հենք՝ հետագայում ծրագրի կողմից տրամադրվող աջակցությունից առավել արդյունավետ օգտվելու համար։

Այսպիսի նախաձեռնությունները վերածվում են հզոր համագործակցության և վստահության հարթակի՝

📌 խթանելով սոցիալ-տնտեսական համախմբումը,

📌 աջակցելով փախստականների լիարժեք ինտեգրմանը տեղական տնտեսության մեջ,

📌 և գյուղատնտեսությունը դարձնելով համայնքային վերածննդի շարժիչ ուժ։

SEIRA ծրագիրը շարունակաբար վերածում է մարտահրավերները նոր հնարավորությունների՝ նպաստելով դիմակայուն, ներառական և կայուն համայնքների ձևավորմանը Հայաստանում։

«Փախստականների սոցիալ-տնտեսական ինտեգրումը Հայաստանում» (SEIRA) ծրագիրը խթանում է սոցիալ-տնտեսական ինտեգրումը՝ բարելավելով առողջ սննդի հասանելիությունը և ստեղծելով կայուն կենսապայմաններ գյուղատնտեսության զարգացման միջոցով՝ հզորացնելու փախստականներին և Հայաստանի ընդունող համայնքներին։

SEIRA ծրագիրը ֆինանսավորվում է Շվեյցարիայի զարգացման և համագործակցության գործակալության կողմից և իրականացվում է «Ռազմավարական զարգացման գործակալություն» ՀԿ-ի և ՄԱԿ-ի Պարենի համաշխարհային ծրագրի կողմից։