17 Dec
Uncategorized

«Անասնապահության զարգացում Հայաստանի հարավում» ծրագրի ամփոփիչ համաժողով

2021թ-ի դեկտեմբերի 16-ին Ջերմուկում տեղի ունեցավ «Ռազմավարական Զարգացման Գործակալություն» ՀԿ-ի (ՌԶԳ) կողմից իրականացվող և Շվեյցարիայի Զարգազման և Համագործակցության Գործակալության կողմից ֆինանսավորվող «Անասնապահության զարգացում Հայաստանի հարավում»  ծրագրի ամփոփիչ համաժողովը: Միջոցառմանը մասնակցեցին Շվեյցարիայի զարգացման և համագործակցության գործակալության տարածաշրջանային տնօրենի տեղակալ / առաքելության ղեկավարի տեղակալ Վերներ Թութ-Շիմոն, ՀՀ էկոնոմիկայի փոխնախարար Տ.Գաբրիելյանը, ՀՀ Սննդամթերքի անվտանգության տեսչական մարմնի ղեկավար Գ.Ավետիսյանը, ՀՀ Սյունիքի մարզպետի տեղակալ Կ. Ավանեսյանը, ՀՀ տարածքային կառավարման և ենթակառուցվածքների նախարարության և Վայոց ձորի մարզպետարանի ներկայացուցիչները, ծրագրի շահառու ֆերմերները, անասնաբույժներն ու վերամշակողները, շահառու համայնքների ղեկավարները, ինչպես նաև ՌԶԳ ՀԿ-ի աշխատակիցները:

Միջոցառման ընթացքում ողջյունի խոսքով հանդես եկավ Շվեյցարիայի զարգացման և համագործակցության գործակալության տարածաշրջանային տնօրենի տեղակալ / առաքելության ղեկավարի տեղակալ Վերներ Թութ-Շիմոն, ով իր խոսքում մատնանշեց համագործակցության կարևորությունն ու ձեռք բերված արդյունքները, ինչպես նաև հավելեց, որ Շվեյցարիան և Շվեյցարիայի զարգացման համագործակցության գործակալությունը կշարունակեն իրենց աջակցությունը Հայաստանին:

Մասնակիցներին ողջյունեցին նաև ՀՀ էկոնոմիկայի փոխնախարար Տ.Գաբրիելյանը, ՀՀ Սննդամթերքի անվտանգության տեսչական մարմնի ղեկավար Գ.Ավետիսյանը, ովքեր կարևորեցին ՌԶԳ ՀԿ-ի իրականացրած ծրագրերի դերն ու ազդեցությունը՝ ուղղված երկրի տնտեսական զարգացմանը:

Համաժողովի ընթացքում ծավալուն զեկույցի միջոցով Ծրագրի ղեկավար Կ․ Հարությունյանն ամփոփեց ծրագրի արդյունքները, բաղադրիչ առ բաղադրիչ ներկայացրեց ծրագրի ընթացքում իրականացրած աշխատանքները՝ մասնավորապես շուկայի hասանելիության և զարգացման, հեռագնա արոտների ենթակառուցվածքների բարելավման,  անասնաբուժական ծառայությունների հասանելիության ուղղությամբ իրականացված գործողություններ։ Համաժողովի ընթացքում մատնանշվեցին բոլոր ձեռքբերումները, փորձությունները և արձանագրվեցին քաղված դասերը, որոնք կնպաստեն հետագա ծրագրերում  աշխատանքն էլ  ավելի կատարելագործելու և ավելի արդյունավետ դարձնելու հարցում:

Շահառուներից ոմանք կիսվեցին իրենց փորձով, ներկայացրեցին ստացած արդյունքներն ու ձեռքբերումները՝ կարևորելով Ծրագրի դերն ու հավաստիացրեցին հետագայում ևս շարունակել կատարված աշխատանքի հիմքի վրա ձեռք բերմավածը էլ ավել զարգացնել:

Միջոցառումն ամփոփվեց ՌԶԳ ՀԿ-ի նախագահ պ-ն Մկրտիչ Այվազյանի կողմից կազմակերպության հետագա ծրագրերի ներկայացմամբ և ծրագրի գործընկերներին շնորհակալագրերի հանձմամբ:

14 Dec
Family Projects, Impact SDA

Հանդիպում-քննարկում. «COVID-19-ի ազդեցությունը ԱՍ ծառայության վրա»

Նոյեմբերի 06-07-ն ընկած ժամանակահատվածում տեղի է ունեցել Սյունիքի և Վայոց ձորի մարզերի ընհանուր 40 ԱՍ տեխնիկի հետ հանդիպում-քննարկում «COVID-19-ի ազդեցությունը ԱՍ ծառայության վրա» խորագրով: Առաջին օրվա հանդիպումն եղավ Վայոց ձորի մարզի ԱՍ տեխնիկների հետ, իսկ երկրորդ օրը՝ Սյունիքի:

Հանդիպման նպատակն էր ոլորտի մասնագետների հետ քննարկել և վերհանել առկա խնդիրները և գտնել դրանց լուծման օպտիմալ եղանակները: Քննարկումներից ակնհայտ երևում էր, որ ոլորտում առկա հիմնական խնդիրները երկուսն են՝ հեղուկ ազոտի դժվար հասանելիությունը և ֆերմերների կողմից քիչ կանչերը: Սակայն համեմատական անցկացնելով երևում է, որ նախորդ տարիների համեմատ վերջին մի քանի տարում ԱՍ ծառայությունից սկսել են ավելի շատ ֆերմերներ օգտվել, ինչն արդեն լավ արդյունք է: Իսկ ազոտի խնդրի լուծման տարբերակ է առաջարկվել և ընդունվել խմբակային մեկ վայրում պահելաձևը՝ օգտագործվող ազոտի ծախսերը համատեղ իրականացվելով:

Հանդիպման ավարտին բոլոր ԱՍ տեխնիկներին բաշխվեցին հոլշթին, ֆլեկվի և շվից ցեղերի սերմնաձողիկներ՝ համավարակի դեմ պայքարի շրջանակներում: Յուրաքանչյուր տեխնիկի տրամադրված սերմնաձողիկների քանակը որոշվել էր հաշվի առնելով նրանցից յուրաքանչյուրի կողմից իրականացրած արհեստական սերմնավորումների քանակով: Համավարկի դեմ պայքարում նրանց տրամադրվեցին նաև ձեռնոցներ և պաշտպանիչ դիմակներ՝ մատուցվող ծառայության գործընթացն առավել անվտանգ դարձնելու նպատակով:

12 Dec
HomePageARM, HomePageARM, HomePageARM, HomePageARM

ՀՀ-ում տուրիզմի ոլորտի մարտահրավերները և տուրիզմի հայկական ֆեդերացիայի դերը

Լինելով տնտեսության առաջատար ճյուղերից մեկը՝ զբոսաշրջության ոլորտին վերաբերող խնդիրները և մարտահրավերները դուրս են գալիս առանձին երկրների ազգային սահմաններից` ձեռք բերելով համաշխարհային բնույթ: Ազգային մակարդակում ոլորտի առկա հիմնախնդիրները, ներկա և ապագա մարտահրավերները, զարգացման հեռանկարները քննարկվեցին «Ռազմավարական զարգացման գործակալություն» (ՌԶԳ) ՀԿ-ի կողմից ս.թ. դեկտեմբերի 10-12-ը Գորիս քաղաքում կազմակերպված «ՀՀ-ում տուրիզմի ոլորտի մարտահրավերները և տուրիզմի հայկական ֆեդերացիայի դերը» թեմայով աշխատաժողովում:
Միջոցառումը կազմակերպվեց «Հմտությունների և գիտելիքի զարգացում» պիլոտային ծրագրի շրջանակներում՝ համագործակցելով «Տուրիզմի հայկական ֆեդերացիայի» հետ, որն իր հերթին հանդիսանում է տուրիզմի ոլորտում ծրագրի գործընկեր:

Միջոցառմանը ողջույնի խոսքով հանդես եկան ՌԶԳ ՀԿ-ի, «Տուրիզմի հայկական ֆեդերացիայի», Սյունիքի մարզպետարանի և Գորիսի քաղաքապետարանի, ինչպես նաև ՀՀ Էկոնոմիկայի նախարարության զբոսաշրջության կոմիտեի ու «Արցախի զբոսաշրջության զարգացման գործակալություն» ՀԿ-ի ներկայացուցիչները՝ անդրադառնալով տուրիզմի ոլորտում առկա իրավիճակին և ընդգծելով հանդիպման կարևորությունը: Աշխատաժողովի ընթացքում ֆեդերացիայի կողմից ներկայացվեց պիլոտային ծրագրի շրջանակներում իրականացված գործողությունները և արդյունքները, անդամ ընկերությունների և վերջիններիս աշխատակիցների հետ քննարկվեց ոլորտում առկա խնդիրները և առաջարկվող լուծումները:

«Հմտությունների և գիտելիքի զարգացում» պիլոտային ծրագիրն իրականացվում է «Ռազմավարական զարգացման գործակալություն» (ՌԶԳ) ՀԿ-ի կողմից #RECONOMY-ի շրջանակներում, որը Sida-ի տարածաշրջանային ներառական և կանաչ տնտեսական զարգացման պիլոտային ծրագիր է, որն իրականացվում է HELVETAS Swiss Intercooperation-ի կողմից՝ համագործակցելով ՌԶԳ ՀԿ-ի և Արևելյան գործընկերության և Արևմտյան Բալկանների երկրներում գործող այլ կազմակերպությունների հետ:

08 Dec
NEWSARM, NEWSARM, NEWSARM, NEWSARM, NEWSARM

Շրջայց Շիրակում. հանդիպումներ ծրագրի շահառուների հետ

2021թ նոյեմբերի 30-ին Շիրակի մարզ այցի շրջանակներում ՀՀ Էկոնոմիկայի փոխնախարար Տիգրան Գաբրիելյանը «Ռազմավարական զարգացման գործակալություն» (ՌԶԳ) ՀԿ-ի ներկայացուցիչների հետ շրջել է Շիրակի մարզում՝ ծանոթանալով ՌԶԳ ՀԿ-ի կողմից իրականացրած «Անասնապահության զարգացում Հայաստանում՝ հարավ – հյուսիս» ծրագրի շրջանակներում կատարած աշխատանքներին:

Այցելել են Արփի համայնքի ամենախոշոր կաթ վերամշակող գործարան՝ «Ոսկե Սեր» ՍՊԸ, Աշոցք համայնքի անասնաբուժական կետ, Սարապատ խոշորացված համայնքի Թորոսգյուղ բնակավայր, Ազատան համայնքի առաջատար ֆերմա, որտեղ ՌԶԳ ՀԿ֊ի ֆինանսավորմամբ կատարվել են բազմաթիվ ծրագրեր:

Այցելությունների ընթացքում հանդիպել են սեփականատեր-շահառուներին, համայնքի ղեկավարներին, ինչպես նաև անասնաբույժերի և ֆերմերների: Քննարկվել են առկա խնդիրներն ու հնարավորությունները, կատարած աշխատանքները, դրանց վիճակն ու արդյունավետությունը: Ներկայացվել է նաև 2021 նոյեմբերին մեկնարկած «Անասնապահության զարգացում Հայաստանում՝ հարավ – հյուսիս 2» ծրագիրը:

07 Dec
HomePageARM

Շվեյցարիան մեկնարկել է 7’130,000 CHF բարեփոխումների ծրագիրը՝ ուղղված Հայաստանում գյուղատնտեսության մասնագիտական կրթության համակարգի արդիականացմանը

2021 թվականի դեկտեմբերի 3-ին Շվեյցարիան նախաձեռնել է երկարաժամկետ զարգացման նախագիծ, որի նպատակն է աջակցել Հայաստանին՝ ուղղված գյուղատնտեսության մեջ մասնագիտական կրթության համակարգի արդիականացմանը: Ծրագիրն հաստատվել է 7’130,000 CHF ընդհանուր բյուջեյով՝ «Շվեյցարիայի Զարգացման Գործակալության» կողմից:
Ծրագիրը կիրականացվի հարավում՝ Սյունիքի և Վայոց ձորի և մի շարք հյուսիսային մարզերում։ Իրականացման փուլը կտևի առնվազն 8 տարի` 9 ամիս նախապատրաստական փուլով:
Բարեփոխումը կիրականացնեն շվեյցարական HEKS կազմակերպությունը, հայկական ՌԶԳ ՀԿ-ն, ինչպես նաև Գերմանիայի միջազգային համագործակցության ընկերությունը (ԳՄՀԸ) ՝ Հայաստանի կառավարության ընդհանուր համակարգմամբ:
Ծրագրի նպատակն է բարելավել գյուղական բնակավայրերում ապրող երիտասարդների զբաղվածության հնարավորությունները՝ մի շարք մասնագիտությունների տեսական գիտելիքները գործնական ուսուցման հետ համատեղելու միջոցով: Բարեփոխումների մաս է կազմում մասնագիտական կրթության քոլեջներում տեսական գիտելիքներ ստանալու հետ մեկտեղ տեղական ընկերություններում և ֆերմերային տնտեսություններում հմտությունները կատարելագործելու հնարավորություն ուսանողների համար: Նրանց ուսումնական ուղին կամփոփվի պետական դիպլոմով։
Ծրագրի ազդեցությունն ու արդյունավետությունը բարձրացնելու նպատակով Շվեյցարիան համագործակցում է գործընկերների լայն շրջանակի հետ՝ Հայաստանի կառավարության, միջազգային կազմակերպությունների, պետական և մասնավոր հատվածների և ակադեմիական հաստատությունների հետ: Ֆինանսավորող մյուս գործընկերներն են ԳԴՀ տնտեսական համագործակցության և զարգացման դաշնային նախարարությունը (BMZ), Ավստրիական զարգացման գործակալությունը, Իզմիրիլյան հիմնադրամը և որոշ մասնավոր ընկերություններ Հայաստանում: Այս ներդրումներից որոշները ենթակա են վերջնական հաստատման:

«‹8384858687›»