05 May
NEWSARM, NEWSARM, NEWSARM, NEWSARM, NEWSARM

«Մոցարելլա պանրի պատրաստման տեխնոլոգիա» թեմայով դասընթաց ծրագրի շահառու վերամշակողների և պանրի տեխնոլոգների համար

Ս.թ մայիսի 3-4-ին «Ռազմավարական Զարգացման Գործակալություն» ՀԿ-ի կողմից իրականացվող «Անասնապահության զարգացում Հայաստանում՝ հարավ-հյուսիս 2» ծրագրի շրջանակներում Գեղարքունիքի մարզի Խաչաղբյուր համայնքում գտնվող «Ռոզի 1» ԳԿ-ին պատկանող պանրի արտադրամասում իրականացվեց «Մոցարելլա պանրի պատրաստման տեխնոլոգիա» թեմայով դասընթաց, որը վարում էր «PUM Նիդերլանդների Առաջատար Փորձագետներ» կազմակերպության կողմից Հոլանդիայից հրավիրված առաջատար փորձագետ Կատրինուս Վան Դեր Սլուիսը: Դասընթացին մասնակցում էին ծրագրի շահառու վերամշակողները և տեխնոլոգները:
2-օրյա դասընթացի շրջանակներում մասնակիցները անհրաժեշտ տեսական գիտելիք ձեռք բերեցին մոցարելլա պանրի արտադրության ընդհանուր տեխնոլոգիական գործընթացի, մշակման բոլոր բաղադրիչների վերաբերյալ:
Հանդիպման նպատակն էր իրական աշխատանքային պայմաններում էʹլ ավելի ամրապնդել կարողությունները, ստեղծել նոր արտադրատեսակներ, որոնք մրցունակ կլինեն ինչպես տեղական, այնպես էլ արտասահմանյան շուկաներում:
Հիշեցնենք, որ «Անասնապահության զարգացում Հայաստանում՝ հարավ-հյուսիս 2» ծրագիրը ֆինանսավորվում է Ավստրիական Զարգացման և Համագործակցության ծրագրային միավոր Ավստրիայի Զարգացման Գործակալության կողմից:

03 May
Uncategorized

Հանդիպում «Հայաստանի կենդանի լանդշաֆտները շուկայի զարգացման համար» ծրագրի պոտենցիալ շահառուների հետ

Ս.թ. ապրիլի 27-29-ին «Հայաստանի կենդանի լանդշաֆտները շուկայի զարգացման համար» ծրագրի ներկայացուցիչներն անհատական հանդիպում-քննարկումներ են ունեցել Լոռվա մարզի Դեբետ, Եղեգնուտ և Մարգահովիտ բնակավայրերի պոտենցիալ շահառուների հետ, ինչպես նաև Դեբետ գյուղի վարչական շրջանի ղեկավար Ա. Սարգսյանի հետ :

Հանդիպումների նպատակն էր անհատապես ծանոթանալ պոտենցիալ շահառուների հետ, լսել նրանց գաղափարները և քննարկել տվյալ բնակավայրերում կայուն զբոսաշրջության խթանման հեռանկարները և հնարավորությունները:

Հիշեցնենք, որ ծրագիրն իրականացվում է ՌԶԳ ՀԿ և Բնության համաշխարհային հիմնադրամի (WWF) հայաստանյան գրասենյակի հետ համատեղ՝ Շվեյցարիայի զարգացման և համագործակցության գործակալության ֆինանսավորմամբ:

03 May
Uncategorized

Հայաստանում նշվեց Անասնաբույժի միջազգային օրը

2019 թվականից, ՀՀ սննդամթերքի անվտանգության տեսչական մարմնի նախաձեռնությամբ և «Ռազմավարական զարգացման գործակալություն» հասարակական կազմակերպության ֆինանսական աջակցությամբ, Հայաստանում պետական մակարդակով նշվում է «Անասնաբույժի միջազգային օրը» : Այս տարի, այդ օրը անցկացվեց ապրիլի 29-ին, «Կենդանիների առողջությունը մեր առողջությունն է» խորագրով համաժողովի շրջանակներում: Հատկանշական է, որ մեր երկրում անասնաբույժի միջազգային օրը այսուհետ նշվելու է ապրիլի վերջին ուրբաթ օրը, հիմք ընդունելով ՀՀ Կառավարության կողմից «Հայաստանի Հանրապետության տոների և հիշատակի օրերի մասին» օրենքում կատարված լրացումները:
Համաժողովին մասնակցում էին 200-ից ավել անասնաբույժներ, սննդամթերքի անվտանգության, առողջապահության, կրթության ոլորտի մասնագետներ, պետական, հասարակական և միջազգային կազմակերպությունների ներկայացուցիչներ, ինչպես նաև արտասահմանյա հյուրեր: Համաժողովի ընթացքում հնչեցին ողջույնի և շնորհավորանքի ուղերձներ, անասնաբուժության, սննդամթերքի անվտանգության և մեկ առողջության վերաբերյալ ելույթներ:
ՍԱՏՄ ղեկավար Գեորգի Ավետիսյանն ու ՀՀ էկոնոմիկայի նախարարի տեղակալ Տիգրան Գաբրիելյանը ոլորտի մի շարք երախտավորների հանձնել են շնորհակալագրեր բարեխիղճ աշխատանքի և մասնագիտությանը նվիրվածության համար:
10 Feb
HomePageARM

Հանդիպում-քննարկումներ «Հայաստանի կենդանի լանդշաֆտները շուկայի զարգացման համար» ծրագրի շահագրգիռ կողմերի հետ

2022թ-ի փետրվարի 2-3 ընկած ժամանակահատվածում Բնության Համաշխարհային Հիմնադրամի Հայաստանյան մասնաճյուղի կողմից (WWF-Հայաստան)՝ «Ռազմավարական Զարգացման Գործակալություն» (SDA) ՀԿ-ի հետ համատեղ իրականացվող և Շվեյցարիայի Զարգացման և Համագործակցության Գործակալության կողմից ֆինանսավորվող «Հայաստանի կենդանի լանդշաֆտները շուկայի զարգացման համար» հանդիպում-քննարկումներ են կազմակերպվել ծրագրի թիրախ հանդիսացող Տավուշի, Լոռու և Վայոց Ձորի մարզպետարաններում: Տեղի ունեցած հանդիպում-քննարկումների ընթացքում «Բնության համաշխարհային հիմնադրամի (WWF) Հայաստանյան մասնաճյուղի» և «Ռազմավարական Զարգացման Գործակալություն» (SDA) ՀԿ ներկայացուցիչները ներկաներին ծանոթացրել են Ծրագրի նախնական փուլի արդյունքներին:

Հանդիպումների ընթացքում ծրագրի շահագրգիռ կողմերի հետ (տարածաշրջանային իշխանությունների և թիրախային գյուղական բնակավայրերի ներկայացուցիչներ և այլն) քննարկվել է ծրագրի աշխարհագրությունը, ընտրված բնակավայրերը, ծրագրի հիմնական փուլի միջամտության ուղղությունները:

20 Dec
HomePageARM

Փորձի փոխանակման այցեր՝ գիտելիքների բարելավման, փոխադարձ համագործակցության և մասնագիտական կապերի զարգացման նպատակով

«Անասնապահության զարգացում Հայաստանի հարավում» ծրագրի Ֆերմերների կարողությունների և հմտությունների զարգացման բաղադրիչի շրջանակներում 2021թ. Նոյեմբեր ամսվա ընթացքում իրականացվել են փորձի փոխանակման ևս 2 այցեր՝ գիտելիքների բարելավման, փոխադարձ համագործակցության և մասնագիտական կապերի զարգացման նպատակով:

Փոխայցերին մասնակցել են ֆերմերային 2 տարբեր խմբեր՝ ընդհանուր թվով 66 կին և երիտասարդ ֆերմերներ Սյունիք և Վայոց Ձոր մարզերի 15 բնակավայրերից, մասնավորապես՝ Սյունիքի 8 բնակավայրերից (Բնունիս, Աշոտավան, Բալաք, Մուծք, Լծեն, Որոտան, Լոր, Բռնակոթ)՝ 37 ֆերմեր և Վայոց Ձորի 7 բնակավայրերից (Կեչուտ, Խնձորուտ, Արտավան, Գոմք, Մարտիրոս, Ելփին)՝ 29 ֆերմեր:

Ֆերմերներն այցելել են Լոռու մարզի Մարգահովիտ բնակավայրի առաջատար անասնապահական ֆերմա և ուսումնասիրել են նորարարական մոտեցումներով կառուցված անասնաշենքի պայմանները:

Մաքրացեղ կենդանիների տեսակների առկայությունը և մթերատվության մասին քննարկումներն ավելի տեսանելի դարձրեցին ֆերմերային տնտեսության վարման արդյունավետությունը: Ընդգծվել են կերակրմանը  վերաբերող առանձնահատկություններ, որոնք ուղղակիորեն ազդում են մթերատվության վրա: Քննարկվել են կերային տարբեր ռացիոններ և հնարավոր բարձրարժեք կերային մշակաբույսերի մշակության տեխնոլոգիական քայլեր:

Այցերին հետևել է “Ձեռնարկատիրական կարողությունների զարգացում” թեմայով սեմինար-դասընթաց, որի շրջանակներում իրականացվել են մանրամասն, ինտերակտիվ քննարկումներ, մասնագիտական խաղեր ու վարժություններ:

Ֆերմերներին տրամադրվել են տավարաբուծության տարբեր ոլորտներին վերաբերող բուկլետներ և բրոշյուրներ:

 

 

«‹8283848586›»