«Անասնապահության զարգացում Հայաստանում՝ հարավ-հյուսիս 2» ծրագրի շրջանակներում «Ագրոբիզնեսի և գյուղի զարգացման կենտրոն» (CARD) հայկական հիմնադրամի ներկայացուցիչների հետ համատեղ «Ռազմավարական զարգացման գործակալություն» ՀԿ-ի աշխատանքային թիմը՝ ծրագրի ղեկավար Վահե Հովհաննիսյանի գլխավորությամբ հունիսի 28-ին փորձի փոխանակման այց կատարեց Գեղարքունիքի մարզի Վարդենիսի խոշորացված համայնք:

Վարդենիսի տարածաշրջանում կազմակերպության թիմն այցելեց ծրագրի շահառու «Երեմ Պետրոսյան» ԱՁ-ին պատկանող առաջատար ֆերմա, ծանոթացավ ծրագրի աջակցությամբ Ավստրիայից ներմուծված բարձր մթերատու ԽԵԿ-երին, ֆերմայում բարելավված ենթակառուցվածքներին։

Այնուհետև շրջայց կատարվեց ծրագրի մեկ այլ շահառու՝ Արմենուհի Հարությունյանին պատկանող կերարտադրության ենթաբաղադրիչով կորնգանի ցանքատարածություններում։

Վերամշակող գործընկեր «Ռոզա 1» գյուղատնտեսական կոոպերատիվում ներկայացվեցին ծրագրային միջամտությունները, հնարավոր համագործակցության շրջանակները։

Լուսակունք բնակավայրում ծրագրի աջակցությամբ հիմնված անասնաբուժական կետում կազմակերպության աշխատանքային թիմը հանդիպեց անասնաբույժ Հրանտ Գասպարյանի հետ։ Վերջինս ներկայացրեց ծրագրի շրջանակներում հիմնված անասնաբուժական կետի գործունեության հիմնական ուղղությունները։

Օրվա ավարտին այցելություն իրականացվեց Վարդենիս խոշորացված համայնքում գործող սպանդանոց, որտեղ ներկայացվեցին  իրականացված ծրագրային միջամտությունները և քննարկվեցին համագործակցության հեռանկարները։

«Ոլորտների թվայնացում հանուն մրցունակության» ծրագրի շրջանակներում աշխատանքային այցով Մոլդովայում գտնվող «Ռազմավարական զարգացման գործակալություն» ՀԿ-ի պատվիրակությունը ծրագրի ղեկավար Մհեր Սահակյանի գլխավորությամբ հունիսի 18-24-ը մի շարք հանդիպումներ է ունեցել Քիշնևում։

Հունիսի 18-ին պատվիրակությունն այցելել է ՄԿՈՒ թիվ 2 դպրոց։

«Ռազմավարական զարգացման գործակալություն» ՀԿ-ի և Մոլդովայի ներքին և ներգնա զբոսաշրջության ազգային ասոցիացիայի՝ «ԱՆՏՐԻՄ»-ի միջև կնքված համագործակցության հուշագրի շրջանակներում պատվիրակությունը ՄԿՈՒ դպրոցի աշխատակազմի հետ քննարկել է միջին մասնագիտական կրթության ոլորտի խնդիրները, ուսանողների մասնագիտական կարողությունների զարգացմանը միտված դպրոցի ծրագրերը։

Հունիսի 20-ին պատվիրակությունն այցելել է Մոլդովայի պետական համալսարան։

«Ռազմավարական զարգացման գործակալություն» ՀԿ-ի և Մոլդովայի ներքին և ներգնա զբոսաշրջության ազգային ասոցիացիայի՝ «ԱՆՏՐԻՄ»-ի միջև կնքված համագործակցության հուշագրի շրջանակներում պատվիրակությունը համալսարանի տնտեսագիտական ֆակուլտետի աշխատակազմի հետ քննարկել է բարձրագույն կրթության ոլորտի խնդիրները, ուսանողների մասնագիտական կարողությունների զարգացմանը միտված համալսարանի ծրագրերը։

Օրվա երկրորդ կեսին պատվիրակությունն այցելել է մոլդովական ՏՏ ընկերությունների միություն։

Միության ռազմավարական ծրագրերի տնօրեն Անա Չիրիտայի հետ հանդիպմանը պատվիրակությունը քննարկել է ընթացիկ նախագծերը, ինչպես նաև ոլորտում քաղաքականության վրա ազդեցություն ունեցող նախաձեռնությունների ստեղծումը,  RECONOMY-ի «Ոլորտների թվայնացում հանուն մրցունակության» ծրագրի շրջանակներում  համագործակցության հնարավորությունները։

Հունիսի 24-ին պատվիրակությունը այցելել է ծրագրի գործընկեր, «Մոլդովայի օրգանական արժեշղթայի դաշինք» հասարակական ասոցիացիայի գրասենյակ և հանդիպել ասոցիացիայի գործադիր տնօրեն Վադիմ Կուռմեյի և ծրագրի պատասխանատու Նատալյա Պապուկի հետ։

Հանդիպմանը քննարկվել է ծրագրի շրջանակներում մատուցվող ծառայությունների հետ կապված հարցերի լայն շրջանակ և կնքվել են պայմանագրեր տեղացի մի շարք փորձագետների հետ։