«Անասնապահության զարգացում Հայաստանի հարավում» ծրագրի շրջանակներում մայիսի 2-4-ը ք. Ջերմուկում անցկացվեց «Անասնապահության վարման նորարարական և արդյունավետ մոտեցումները» թեմայով համաժողով:

Համաժողովի նպատակն էր երիտասարդ ֆերմերներին ծանոթացնել անասնապահության վարման նորարարական և արդյունավետ մոտեցումներին և խթանել դրանց կիրառումը ՀՀ գյուղական համայնքներում: Համաժողովին մասնակցեցին 100-ից ավել անասնապահ ֆերմեր Սյունիքի, Վայոց Ձորի, Գեղարքունիքի և Լոռվա մարզերից:

Համաժողովի ընթացքում, ֆերմերների փորձի փոխանակման նպատակով ՝ ներկայացվեցին և քննարկվեցին այնպիսի թեմաներ, ինչպիսիք են՝ հացահատիկային և կերային մշակաբույսերի մշակման գործում նոր տեխնոլոգիաների ներդրումը, կորնգանի արտադրությունն ու սերմնաբուծությունը Կարմրաշեն բնակավայրի օրինակով, ինչպես նաև եգիպտացորենի սիլոսի փորձարարական արտադրությունը Սյունիքի մարզի Բռնակոթ բնակավայրում:

«Անասնապահության վարման նորարարական և արդյունավետ մոտեցումները» թեմայով համաժողովին ներկա էին նաև գյուղատնտեսական սարքավորումներ և պարագաներ մատակարարող ընկերությունների ներկայացուցիչներ, որոնք անդրադարձ կատարեցին շուկայում առկա գյուղատնտեսական սարքավորումների և անասնաբուժական դեղորայքի հասանելիությանը և դրանց օգտագործման առավելություններին: «Սպեցմաշ» ՍՊԸ-ի ներկայացուցիչը հակիրճ ներկայացրեց ժամանակակից տեխնոլոգիաներով հագեցված մեխանիզմների կիրառման արդյունավետությունը և շուկայում հասանելի գյուղատնտեսական սարքավորումների ցանկը:

2019թ. ապրիլի 25-ին, ՀՀ Շիրակի մարզի մարզպետարանում տեղի ունեցավ «Անասնապահության զարգացում Հայաստանում՝ հարավ-հյուսիս» ծրագրի ղեկավար կոմիտեի 2-րդ նիստը

Ծրագիրն իրականացվում է «Ռազմավարական Զարգացման Գործակալություն» ՀԿ-ի  կողմից, Ավստրիական Զարգացման և Համագործակցության ծրագրային միավոր Ավստրիայի  Զարգացման Գործակալության  և Շվեյցարիայի Զարգացման և Համագործակցության  Գործակա-լության ֆինանսավորմամբ:

Ծրագրի թիրախում են Շիրակի, Լոռու, Տավուշի և Գեղարքունիքի մարզերի շուրջ 100,000 ընդհանուր բնակչությամբ 100 գյուղական բնակավայրերի անասնապահությամբ զբաղվող տնա-յին տնտե¬սություններ, կաթի և մսի արժեշղթաների դերակատարներ և տեղական ինքնակառա¬վար-ման մարմիններ:

Միջոցառման նպատակն էր ներկայացնել իրականացված ծրագրային միջամտությունների ուղղությունները և քննարկել արդյունքները շահագրգիռ կողմերի հետ:

Միջոցառմանը մասնակցեցին ներկայացուցիչներ ՀՀ Գյուղատնտեսության, Տարածքային կառավարման և զարգացման նախարարություններից, ՀՀ Լոռու, Շիրակի, Գեղարքունիքի և Տավուշի մարզերի մարզպետարաններից, Ծրագիրը ֆինանսավորող կազմակերպությունների ներկայացուցիչները և այլ շահագրգիռ անձիք: