«Հայաստանի կենդանի լանդշաֆտները շուկայի զարգացման համար» և RECONOMY-ի «Ոլորտների թվայնացում հանուն մրցունակության» ծրագրերի շրջանակում նոյեմբերի 2-3-ը Իջևանում և Եղեգնաձորում կազմակերպվեց «Փորձառական զբոսաշրջային ծառայությունների և LIKE LOCAL թվային հարթակում գրանցվելու ուղեցույցի առանձնահատկությունները» թեմայով դասընթացներ։

Դասընթացը վարեցին LIKE LOCAL թվային հարթակի ներկայացուցիչ Գևորգ Բաբայանը և փորձագետ Սիրարփի Ֆահրադյանը։

Մասնակիցները հնարավորություն ունեցան ինտերակտիվ քննարկումների միջոցով ծանոթանալու զբոսաշրջային արտադրանքի մշակման մոտեցումներին, դրանց զարգացման  վրա ազդող գործոններին, ինչպես նաև միջազգային հարթակում  այլընտրանքային զբոսաշրջային ծառայությունների  մատուցման առանձնահատկություններին։

Դասընթացի ընթացքում առանձնակի ուշադրություն դարձվեց զբոսաշրջային ծառայություններին ներկայացվող  պահանջներին, ներկայացվող արվեստին և արհեստներին, տեղական փորձառությանը, ինչպես նաև սննդի սպասարկմանն ու հիգիենայի կանոների պահպանմանը։

Այնուհետև դասընթացի մասնակիցները ծանոթացան «LIKE LOCAL» թվային հարթակում գրացվելու ուղեցույցի մանրամասներին և առանձնահատկություններին, որտեղ անդրադարձ կատարվեց նաև հաշվի կառավարման հմտություններին, թվային գործիքների կիրառմանը հյուրերի հետ հաղորդակցման ժամանակ, տեխնիկական այլ հարցերի։

Դասընթացի շրջանակում հատուկ անդրադարձ կատարվեց նաև հյուրերի սպասարկման հիմունքներին, հմտություններին, միջմշակութային և էթիկային կանոններին։

ԼԻԼԱ ծրագիրը ֆինանսավորվում է Շվեյցարիայի զարգացման և համագործակցության գործակալության (SDC) կողմից և իրականացվում Բնության համաշխարհային  հիմնադրամի հայաստանյան մասնաճյուղի կողմից (WWF-Հայաստան)՝ «Ռազմավարական զարգացման գործակալություն» (ՌԶԳ) ՀԿ-ի հետ համատեղ:

 RECONOMY-ն Շվեդիայի միջազգային զարգացման համագործակցության գործակալության (Sida) ներառական և կանաչ տնտեսական զարգացման ծրագիր է, որն իրականացվում է Helvetas-ի կողմից՝ համագործակցելով «Ռազմավարական զարգացման գործակալություն» ՀԿ-ի և Արևելյան գործընկերության և Արևմտյան Բալկանյան երկրների այլ կազմակերպությունների հետ։

«Հայաստանի կենդանի լանդշաֆտները շուկայի զարգացման համար» (ԼԻԼԱ) ծրագրի շրջանակում «Հայ խոհարարական ավանդույթների զարգացման և պահպանման» ՀԿ-ն՝ «Ռազմավարական զարգացման գործակալություն» ՀԿ-ի աջակցությամբ «Մեգերյան կարպետ» ընկերության ցուցասրահում կազմակերպեց համաժողով՝ նվիրված ազգային խոհանոցի զարգացման ռազմավարությանը։

Միջոցառմանը ներկա էին Հայաստանում Շվեյցարիայի փոխդեսպան, Հարավային Կովկասում Շվեյցարիայի զարգացման և համագործակցության գործակալության տարածաշրջանային փոխտնօրեն Ուրսուլա Լաուբլին, ՀՀ ԿԳՄՍ նախարարի տեղակալ Արաքսիա Սվաջյանը, «Ռազմավարական զարգացման գործակալություն» ՀԿ-ի նախագահ Մկրտիչ Այվազյանը, բարձրաստիճան հյուրեր:

«Հայ խոհարարական ավանդույթների զարգացման և պահպանման» ՀԿ-ի նախագահ Սեդրակ Մամուլյանը ներկայացրեց ռազմավարության հիմնական ուղղությունները՝ մշակված Տուրիզմի հայկական ֆեդերացիայի աջակցությամբ, ինչին հաջորդեցին թեմատիկ պանելային քննարկումները և Սեդրակ Մամուլյանի հեղինակած «Սյունիքի խոհանոց», «Վայոց ձորի խոհանոց», «Տավուշի խոհանոց», «Լոռվա խոհանոց» գրքերի շնորհանդեսը։

Միջոցառմանը ԼԻԼԱ ծրագրի համակարգող Ալլա Ղազարյանը ներկայացրեց ծրագրի  շրջանակում հրատարակված գրքերի կարևորությունը մարզային խոհանոցները վերակենդանացնելու, մարզերում  գաստոզբոսաշրջությունը խթանելու տեսանկյունից՝ ընդգծելով մարզերի հարուստ բնության, ազգային խոհանոցի ու զբոսաշրջության կապը։

Այնուհետև հյուրերը հնարավորություն ունեցան համտեսելու մարզային խոհանոցների բաղադրատոմսերից պատրաստված կերակրատեսակներ և աղանդներ։ Գինու հյուրասիրությունն ապահովեց ԼԻԼԱ ծրագրի շահառու-գործընկեր «Կրիա» գինիների գործարանը։

Տավուշի, Լոռու, Վայոց Ձորի գրքերի տպագրությունը կատարվել է «Ռազմավարական զարգացման գործակալություն» ՀԿ–ի կողմից՝ «Հայաստանի կենդանի լանդշաֆտները շուկայի զարգացման համար» (ԼԻԼԱ) ծրագրի, իսկ Սյունիքի գիրքը՝ RECONOMY-ի «Հմտությունների և գիտելիքի զարգացում» պիլոտային ծրագրի շրջանակներում։

 ԼԻԼԱ ծրագիրը ֆինանսավորվում է Շվեյցարիայի զարգացման և համագործակցության գործակալության (SDC) կողմից և իրականացվում Բնության համաշխարհային հիմնադրամի հայաստանյան մասնաճյուղի կողմից (WWF-Հայաստան)՝ «Ռազմավարական զարգացման գործակալություն» (ՌԶԳ) ՀԿ–ի հետ համատեղ: