Ապրիլի 21-22-ին Երևանում մեկնարկեց դուալ ՄԿՈՒ համակարգի կարևոր փուլերից մեկը․ «Իբիս Երևան Կենտրոն» հյուրանոցում անցկացվեց երկօրյա մասնագիտական աշխատաժողով՝ նվիրված ուսումնական ծրագրերի մշակման և վերանայման աշխատանքներին։

Աշխատաժողովը կազմակերպվել էր որպես ուսումնական ծրագրերի մշակման աշխատանքային խմբերի գործունեության մեկնարկային փուլ, որի հիմնական նպատակն էր ապահովել միասնական մոտեցումների ձևավորում և մասնակիցների կարողությունների զարգացում՝ դուալ կրթության սկզբունքներին համահունչ ծրագրերի մշակման գործընթացում՝ մասնավորապես ջերմատնային տնտեսության, սառնարանային տնտեսության, ինչպես նաև կաթիլային ոռոգման համակարգերի մոնտաժման և շահագործման  մասնագիտությունների ուղղություններով։

Աշխատաժողովի ընթացքում մասնակիցները՝

🔹 ծանոթացան դուալ ՄԿՈՒ իրականացման իրավական կարգավորումներին,

🔹 ուսումնասիրեցին դուալ կրթության համակարգի էությունը և միջազգային լավագույն փորձը,

🔹 ներկայացվեցին դուալ մոտեցմամբ ուսումնական ծրագրերի մշակման և վերանայման մեթոդաբանությունները,

🔹 ներգրավվեցին գործնական աշխատանքներում՝ ուղղված հետագա ծրագրային մշակման գործընթացների արդյունավետ կազմակերպմանը։

Աշխատաժողովը վարեց «Մասնավոր հատվածի զարգացում և մասնագիտական կրթություն և ուսուցում Հայաստանում» GIZ ծրագրի փորձագետ Յուլիա Ստակյանը, ով ներկայացրեց ինչպես տեսական հիմքերը, այնպես էլ կիրառական գործիքներ՝ ապահովելով աշխատաժողովի գործնական ուղղվածությունը։

Աշխատաժողովը հանդիսացավ կարևոր մեկնարկային հարթակ՝ ոլորտի մասնագետների միջև համագործակցության ամրապնդման և ուսումնական ծրագրերի համատեղ մշակման գործընթացի արդյունավետ կազմակերպման համար։

ՄԱՎԵՏԱ ծրագիրը ֆինանսավորվում է Շվեյցարիայի զարգացման և համագործակցության գործակալության (SDC), Գերմանիայի տնտեսական համագործակցության և զարգացման նախարարության (BMZ), Ավստրիական զարգացման գործակալության (ADA) և Հայաստանի կառավարության կողմից։

Ծրագիրն իրականացնող գործընկերներն են GIZ-ը, Ռազմավարական զարգացման գործակալությունը և Բեռնի կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցը:

Ապրիլի 3-ին իրականացվեց հերթական մոնիթորինգային այցը Լոռու մարզում գործող ՄԱՎԵՏԱ ծրագրի գործընկեր ֆերմերային տնտեսություններ՝ գնահատելու դուալ կրթության շրջանակում աշկերտների՝ գործատուի մոտ իրականացվող ուսուցման արդյունավետությունն ու գործնական ներգրավվածությունը։

Այցի հնարավորություն ընձեռեց տեղում դիտարկելու, թե ինչպես է տեսական գիտելիքը վերածվում գործնական հմտությունների՝ իրական աշխատանքային միջավայրում։ Աշկերտները ակտիվորեն մասնակցում էին հողի նախապատրաստման և ցանքսի գործընթացներին՝ կիրառելով սերմացուի ընտրության, հողի մշակման և պարարտանյութերի օգտագործման վերաբերյալ իրենց ձեռք բերած գիտելիքները։

Կարևոր ձեռքբերում է այն, որ մոդուլային ուսուցմամբ նախատեսված առաջադրանքներից բացի, աշկերտները ներգրավված են նաև ֆերմայի առօրյա աշխատանքներում՝ ստանձնելով լրացուցիչ պարտականություններ և աջակցելով տարբեր գյուղատնտեսական գործընթացներում։ Այս մոտեցումը զգալիորեն նպաստում է նրանց գործնական փորձի խորացմանը, պատասխանատվության զգացման ձևավորմանը և աշխատաշուկայի պահանջներին համապատասխան պատրաստվածության բարձրացմանը։

ՄԱՎԵՏԱ ծրագրի շրջանակում իրականացվող նման այցերը կարևոր դեր ունեն գործընթացի շարունակական վերահսկման և որակի ապահովման գործում՝ ապահովելով, որ դուալ կրթության իրականացումը համապատասխանի սահմանված չափանիշներին և չշեղվի նախատեսված ուղղությունից։