«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակում հուլիսի 23-24-ը Սյունիքի մարզի «Դը Ռանչ» սոցիալական ձեռնարկության տեղեկատվական կենտրոնում  տեղի ունեցավ «Թռչնապահության առանձնահատկությունները փոքր ֆերմերային տնտեսություններում» թեմայով կարճաժամկետ դասընթաց՝ Արցախից բռնի տեղահանված և Սյունիքի և Վայոց ձորի մարզերում բնակություն հաստատած անձանց համար։

Դասընթացը վարեց կենդանիների առողջության և բուծման փորձագետ Միքայել Հայկունին։

Մասնակիցները ծանոթացան թռչնապահության ոլորտի առանձնահատկություններին, ստացվող արտադրանքին, նորարարություններին, ՀՀ-ում տարածված և լավ տնտեսական արդյունք տվող ցեղերին, խնամքի և կերակրման առանձնահատկություններին, կենսանվտանգության ու հիվանդությունների դեմ կանխարգելիչ միջոցառումների պահպանման նշանակությանը՝ մասնավորապես պատվաստումներին։

ՄԱՎԵՏԱ ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, HEKS/EPER ՀԿ–ն, Իզմիրլյան հիմնադրամը, Ռազմավարական զարգացման գործակալություն (ՌԶԳ) ՀԿ–ն և «Վանանդ Ագրո» ՓԲԸ–ն:

Ծրագիրն իրականացնող գործընկերներն են Գերմանական միջազգային համագործակցության ընկերությունը (GIZ) և HEKS/EPER ՀԿ–ն՝ ՌԶԳ–ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ։

Ժամանակակից և կայուն լուծում՝ հանուն գիտելիքահեն գյուղատնտեսության զարգացման

«Գյուղաջակցության խորհրդատվական ծառայությունը» (AEST) ստեղծվել է «Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագրի շրջանակում՝ նպատակ ունենալով ձևավորել համակարգված և կայուն գյուղատնտեսական խորհրդատվական մեխանիզմ, որը կխթանի ՀՀ ֆերմերների մասնագիտական կարողությունների զարգացումը, կաջակցի ժամանակակից ագրոտեխնոլոգիաների կիրառմանը և կնպաստի մրցունակ, գիտելիքահեն գյուղատնտեսության կայացմանը և ֆերմերների եկամուտների աճին։

AEST-ի առաքելությունն է՝ ձևավորել արդյունավետ, համապարփակ և հասանելի խորհրդատվական համակարգ, որը կխթանի գյուղատնտեսության ոլորտում նորարարությունների կիրառումը, արտադրողականության բարձրացումը և ռիսկերին դիմակայելու կարողությունների զարգացումը:

AEST-ի հիմնական գործառույթներն են`

✅ Գյուղատնտեսական խորհրդատվության տրամադրում՝ հողի մշակության, բույսերի պաշտպանության, ոռոգման արդյունավետության, բերքահավաքի և պահեստավորման հարցերով։

✅ Դաշտային ուսուցում, ցուցադրական այցեր և փորձի փոխանակում՝ հիմնված լավագույն փորձի վրա։

✅ Տեղայնացված ուսուցողական և տեղեկատվական նյութերի մշակում ու տարածում։

✅ Գործակցություն գիտահետազոտական կենտրոնների, մասնավոր հատվածի և միջազգային գործընկերների հետ՝ նորարարական լուծումների ներդրման նպատակով։

Ծառայությունը դեռևս գործում է Արարատի և Արմավիրի մարզերի թիրախային համայքներում, սակայն ունի ազգային զարգացում ապահովելու տեսլական՝ նպատակ ունենալով հետագայում ամրապնդել ֆերմերների կարողությունները ողջ հանրապետությունում։

AEST-ը ներկայացնում է գիտելիքահեն, համապարփակ և կայուն գյուղատնտեսության զարգացման նոր մոտեցում՝ ֆերմերների կողքին, ֆերմերների համար։

 «Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության միջոցով (ԵՄ), Զարգացման ֆրանսիական գործակալության (ԶՖԳ) իրականացմամբ, համապարփակ նախաձեռնություն է, որի նպատակն է վերափոխել ոռոգվող գյուղատնտեսությունը Հայաստանում։

IADAAM ծրագրում տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի գլխավորած «Ավենյու քընսալթինգ գրուպ»-ի, «Ռազմավարական զարգացման գործակալություն» ՀԿ-ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից, որը հանդես է գալիս որպես ծրագրի օպերատոր՝ նպատակ ունենալով ինստիտուցիոնալ աջակցություն տրամադրել ՀՀ էկոնոմիկայի նախարարությանը՝ թիրախային ոլորտներում գյուղատնտեսական քաղաքականության և բարեփոխումների մշակման գործում։