«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագրի շրջանակներում հաջողությամբ անցկացվեց «Գյուղաջակցության խորհրդատուի նոր ուսումնական ձեռնարկ» դասընթացների շարքի 7-րդ մոդուլը։

Դասընթացի շրջանակում ՀՀ Էկոնոմիկայի նախարարության Գյուղատնտեսական խորհրդատվության և նորարարությունների վարչության Գյուղատնտեսական խորհրդատվության բաժնի պետ Մերինե Աթոյանը ներկայացրեց գյուղատնտեսության պետական աջակցության ծրագրերը՝ տրամադրելով կարևոր տեղեկատվություն պետական նախաձեռնությունների, ֆինանսավորման և զարգացման հնարավորությունների մասին։

Մասնակիցները ստացան առանցքային տեղեկատվություն՝

✅ ֆերմերների և ագրոբիզնեսի համար ֆինանսական աջակցության ծրագրերի,

✅ սուբսիդիաների, դրամաշնորհների և վարկավորման ծրագրերի

✅ կայուն և նորարար գյուղատնտեսական պրակտիկան խթանող քաղաքակության,

✅ տեխնիկական աջակցության և վերապատրաստման հնարավորությունների հասանելիության մասին:

Հաջորդիվ, IADAAM ծրագրի NELK փորձագետ, «Ավենյու քընսալթինգ գրուպ»-ի կառավարման ավագ խորհրդատու Աննա Մխիթարյանն անցկացրեց քննարկում գյուղաջակցության խորհրդատուի դերի մասին՝ որպես օժանդակող և միջնորդ՝ ընդգծելով գյուղատնտեսական զարգացման գործընթացում արդյունավետ հաղորդակցության և գիտելիքի փոխանցման կարևորությունը:

«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության միջոցով (ԵՄ), Զարգացման ֆրանսիական գործակալության (ԶՖԳ) իրականացմամբ, համապարփակ նախաձեռնություն է, որի նպատակն է վերափոխել ոռոգվող գյուղատնտեսությունը Հայաստանում։

Ծրագրում տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի, «Ավենյու քընսալթինգ գրուպ» ՍՊԸ, «Ռազմավարական զարգացման գործակալություն» ՀԿ–ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից։

«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում Շվեյցարիայի զարգացման և համագործակցության գործակալության (SDC) պատվիրակությունը մարտի 5-ին և մարտի 7-ին այցելեց ծրագրի գործընկերներ Էջմիածնի պետական արհեստագործական ուսումնարան և ՀԱԱՀ Ա․ Քոչինյանի անվան գյուղատնտեսական քոլեջ։

Պատվիրակության կազմում էին կազմակերպության Հարավային Կովկասի ծրագրերի պատասխանատու Իրինա Փեյերը, Հվ․ Կովկասի գրասենյակի տնօրենի տեղակալ, Հայաստանում Շվեյցարիայի փոխդեսպան Ուրսուլա Լաուբլին, ազգային ծրագրերի ավագ համակարգող Արթուր Փոքրիկյանը և HEKS/EPER կազմակերպության ՄԿՈՒ ավագ խորհրդատու Մոնիկ Ֆրեյը և ՄԱՎԵՏԱ ծրագրի ղեկավար Լիլիթ Հովհաննիսյանը։

Շվեյցարիայի զարգացման և համագործակցության գործակալության ներկայացուցիչները շրջայց են կատարել քոլեջներում, ծանոթացել նրանց կարողությունների, ուսուցանվող մասնագիտությունների, տեխնիակական հագեցվածության հետ, աjնուհետև քոլեջների ղեկավար կազմի հետ քննարկել ՄԱՎԵՏԱ ծրագրի շրջանակում դուալ ուսուցմամբ ներդրված այգեգործություն և անասնաբուժություն մասնագիտություններով ուսումնական գործընթացի կազմակերպման, ոլորտի՝ ՄԿՈՒ օրենքով կարգավորումների, քոլեջ-գործատու համագործակցության և աշխատաշուկայի պահանջարկի հետ կապված հարցերի լայն շրջանակ։

ՄԱՎԵՏԱ ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, Շվեյցարիայի եկեղեցու օգնություն (HEKS/EPER) ՀԿ-ն, Իզմիրլյան հիմնադրամը, Ռազմավարական զարգացման գործակալություն (ՌԶԳ) ՀԿ-ն և «Վանանդ Ագրո» ՓԲԸ-ն:

Ծրագիրն իրականացնող գործընկերներն են Գերմանական միջազգային համագործակցության ընկերությունը (GIZ) և Շվեյցարիայի եկեղեցու օգնություն (HEKS/EPER) ՀԿ-ն՝ ՌԶԳ-ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ: