RECONOMY-ի «Ոլորտների թվայնացում՝ հանուն մրցունակության» և «Հայաստանի կենդանի լանդշաֆտները շուկայի զարգացման համար»  (ԼԻԼԱ) ծրագրերի շրջանակում մարտի 14-ին կայացավ «Տարածաշրջանային զբոսաշրջության զարգացում» թեմայով ֆոկուս խմբի հանդիպումը՝ հայաստանյան ներգնա տուրօպերատորների մասնակցությամբ։

«Ոլորտների թվայնացում՝ հանուն մրցունակության» ծրագրի ղեկավար Մհեր Սահակյանը և ԼԻԼԱ ծրագրի համակարգող Ալլա Ղազարյանը ներկայացրեցին ծրագրերի գործունեության ոլորտները և հետաքրքրությունը տարածաշրջանային զբոսաշրջության զարգացման ուղղությամբ։

Ֆոկուս խմբի անդամները ներկայացրեցին Հայաստանում ներգնա զբոսաշրջության ոլորտում առկա խնդիրները, համեմատություններ անցկացրեցին տարածաշրջանի մյուս երկրների հետ։

Այնուհետև հանդիպման մասնակիցներն անդրադարձան տարածաշրջանային զբոսաշրջության զարգացման հեռանկարներին և իրատեսական քայլերին։

RECONOMY-ն Շվեդիայի միջազգային զարգացման համագործակցության գործակալության (Sida) տարածաշրջանային ներառական և կանաչ տնտեսական զարգացման ծրագիր է, որն իրականացվում է HELVETAS Swiss Intercooperation-ի կողմից՝ «Ռազմավարական զարգացման գործակալություն» ՀԿ-ի և Արևելյան Գործընկերության և Արևմտյան Բալկանների տարածաշրջաններում այլ կազմակերպությունների հետ համագործակցությամբ:

ԼԻԼԱ ծրագիրը ֆինանսավորվում է Շվեյցարիայի զարգացման և համագործակցության գործակալության (SDC) կողմից և իրականացվում Բնության համաշխարհային հիմնադրամի հայաստանյան մասնաճյուղի կողմից (WWF-Հայաստան)՝ «Ռազմավարական զարգացման գործակալություն» (ՌԶԳ) ՀԿ-ի հետ համատեղ: 

«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը շարունակում է առաջընթաց գրանցել հողերի արդյունավետ կառավարման և գյուղատնտեսության զարգացման գործում: IADAAM ծրագրի շրջանակներում այս ուղղությամբ իրականացվող շարունակական աշխատանքների համատեքստում, հողերի միավորման փորձագետները վերջերս մի շարք խորհրդակցություններ անցկացրեցին տարբեր շահագրգիռ կողմերի և ֆերմերների հետ։ Քննարկումների առանցքում էին հողօգտագործման արդյունավետության բարելավման ռազմավարությունները և գյուղատնտեսության կայուն զարգացմանը նպաստող նորարարական լուծումները:

Հանդիպումների ընթացքում փորձագետները բովանդակալից քննարկումներ են անցկացրել ֆերմերների, տեղական իշխանությունների և գյուղատնտեսական կազմակերպությունների հետ՝ համակողմանի դիտարկելու հողային սեփականության մասնատվածության հետ կապված հիմնական մարտահրավերները:

Ֆերմերները հնարավորություն ունեցան կիսվելու իրենց փորձով, բարձրաձայնելու իրենց մտահոգությունները և ստանալու տեղեկատվություն, թե ինչպես կարող է հողերի միավորումը նպաստել երկարաժամկետ օգուտների ստեղծմանը, ներառյալ ռեսուրսների ավելի լավ հասանելիությունը, ոռոգման համակարգերի բարելավումը և շուկայական հնարավորությունների ավելացումը: Շահագրգիռ կողմերն, իրենց հերթին, ընդգծեցին համատեղ և թափանցիկ որոշումների կայացման կարևորությունը, որպեսզի հնարավոր լինի ապահովել հողերի միավորման ջանքերի՝ տեղական կարիքներին և առաջնահերթություններին ներդաշնակեցումը:

«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության միջոցով (ԵՄ), Զարգացման ֆրանսիական գործակալության (ԶՖԳ) իրականացմամբ, համապարփակ նախաձեռնություն է, որի նպատակն է վերափոխել ոռոգվող գյուղատնտեսությունը Հայաստանում։

Ծրագրում տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի, «Ավենյու քընսալթինգ գրուպ» ՍՊԸ, «Ռազմավարական զարգացման գործակալություն» ՀԿ-ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից։