«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակում ծրագրի մասնավոր հատվածի գործընկեր «Դը Ռանչ» ՍՊԸ տեղեկատվական կենտրոնում մայիսի 13-ին անցկացվեց «Գյուղատնտեսական ներգրավումը՝ որպես կայուն ինտեգրման ուղի» խորագրով քննարկում՝ տեղացի ֆերմերների և տեղահանված արցախցիների մասնակցությամբ։

Գյուղատնտեսության ոլորտում վերաներգրավման իրենց փորձի մասին ներկայացրեցին թռչնաբուծությամբ զբաղվող Նարինե Պետրոսյանը և ֆերմեր Հայկ Ասլանյանը։

Սյունիքի մարզում անասնապահության ոլորտում հնարավորությունների և խնդիրների, ինչպես նաև աշխատատեղերի մասին ներկայացրեց  ծրագրի մասնավոր հատվածի գործընկեր Սարիբեկ Հովսեփյանը։

ԱյնուհետևԳորիսի պետական գյուղատնտեսական քոլեջի կարիերայի պատասխանատու Ժասմեն Առուստամյանը ներկայացրեց դուալ կրթական ուսուցմամբ մասնագիտություններն ու քոլեջի հնարավորությունները։

Օրվա երկրորդ կեսին իրականացվեց այցելություն «Էլոլա» կաթնամթերքի արտադրամաս և Գորիսի անասնաբուժական լաբորատորիա, որտեղ մասնակիցները ծանոթացան կաթնամթերքի արտադրական գործընթացին և անասնաբուժական ծառայությունների ընդհանուր նկարագրությանը։

ՄԱՎԵՏԱ ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, HEKS/EPER ՀԿ–ն, Իզմիրլյան հիմնադրամը, Ռազմավարական զարգացման գործակալություն (ՌԶԳ) ՀԿ–ն և «Վանանդ Ագրո» ՓԲԸ–ն:

Ծրագիրն իրականացնող գործընկերներն են Գերմանական միջազգային համագործակցության ընկերությունը (GIZ) և HEKS/EPER ՀԿ–ն՝ ՌԶԳ–ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ։

«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակում ծրագրի գործընկեր Ստեփանավանի պետական գյուղատնտեսական քոլեջում մայիսի 6-ին անցկացվեց մասնագիտական խթանման միջոցառում։

Ստեփանավանի մի շարք դպրոցների աշակերտներին Ստեփանավանի պետական գյուղատնտեսական քոլեջում ողջունեցին ՄԱՎԵՏԱ ծրագրի ՄԿՈՒ խորհրդատու Լիլիթ Բեգլարյանը, քոլեջի տնօրեն Արա Չոբանյանը և միջոցառման այլ ներկայացուցիչներ։

Լիլիթ Բեգլարյանը ներկայացրեց քոլեջում դուալ կրթական մոտեցմամբ ուսուցանվող գյուղատնտեսական մասնագիտությունները, մասնավոր հատվածի հետ համագործակցությունը, ինչը ոլորտում հետաքրքրված ուսանողներին երաշխավորում է աշխատանք դեռևս ուսման փուլում։

Այնուհետև դպրոցականները շրջայց կատարեցին քոլեջում, ծանոթացան ուսանողական առօրյային, քոլեջի կողմից առաջարկվող մասնագիտական կրթության և տեխնիկական հնարավորություններին, ինչպես նաև ինտերակտիվ շփումներ ունեցան ուսանողների և դասավանդողների հետ։

Օրվա երկրորդ կեսին աշակերտներն այցելեցին Տաշիր համայնքում գտնվող «Վիվա կաթ» կաթնամթերք արտադրող ընկերություն։ Ընկերության ներկայացուցիչները շրջայցի ընթացքում դպրոցականներին ներկայացրեցին կաթի և կաթնամթերքի մշակման առանձնահատկությունները, օգտագործվող տեխնոլոգիաները, ինչպես նաև նշեցին ոլորտում գրագետ մասնագետների կարևորությունը և քաջալերեցին աշակերտներին ընտրելու գյուղատնտեսական մասնագիտություններ։

ՄԱՎԵՏԱ ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, HEKS/EPER ՀԿ–ն, Իզմիրլյան հիմնադրամը, Ռազմավարական զարգացման գործակալություն (ՌԶԳ) ՀԿ–ն և «Վանանդ Ագրո» ՓԲԸ–ն:

Ծրագիրն իրականացնող գործընկերներն են Գերմանական միջազգային համագործակցության ընկերությունը (GIZ) և HEKS/EPER ՀԿ–ն՝ ՌԶԳ–ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ։