«Հայաստանի կենդանի լանդշաֆտները շուկայի զարգացման համար» (ԼԻԼԱ) ծրագրի շրջանակում Տավուշի մարզի Գոշ համայնքում տեղի ունեցավ «Տուրիզմի հիմունքներ» թեմայով կազմակերպված երկամսյա վերապատրաստման դասընթացի ամփոփիչ հանդիպումը և հավաստագրերի հանձնման արարողությունը։

Դասընթացը կազմակերպվել էր մի խումբ արցախցիների համար՝ նրանց կարողությունների զարգացման և հայաստանյան ներգնա ու ներքին զբոսաշրջության ոլորտում ընդգրկվելու նպատակով։ Այն անց է կացրել «Ուան ուեյ գրուպ» ՍՊԸ-ն։

Ծրագրի գործընկեր «Մեր լեռները» սպորտային ճամբարի հիմնադիր Էդգար Նավասարդյանը դասընթացի մասնակիցներին ծանոթացրեց արկածային զբոսաշրջության հիմունքներին, քայլարշավների, արշավների ու լեռնագնացության տարբերություններին, դրանց կազմակերպման նրբություններին, ինչպես նաև անվտանգության ապահովման կանոններին։

ԼԻԼԱ ծրագրի զբոսաշրջության պատասխանատու Լիլյա Թորոսյանը հանձնեց հավաստագրերը և պրոֆեսիոնալ քայլարշավային պարագաների լրակազմեր՝ մաղթելով մասնագիտական հաջողություններ։

Այնուհետև խումբը մշակութային շրջայց ունեցավ Գոշավանքում։ Գոշում մասնակիցները ծանոթացան նաև ծրագրի մյուս գործընկեր «Արևի Գոշ» հյուրանոցին և հյուրընկալության առանձնահատկություններին։

ԼԻԼԱ ծրագիրը ֆինանսավորվում է Շվեյցարիայի զարգացման և համագործակցության գործակալության (SDC) կողմից և իրականացվում Բնության համաշխարհային հիմնադրամի հայաստանյան մասնաճյուղի կողմից (WWF-Հայաստան)՝ «Ռազմավարական զարգացման գործակալություն» (ՌԶԳ) ՀԿ-ի հետ համատեղ:

IADAAM» ծրագրի թիմը՝ թիմի ղեկավար Ստեֆան Ռոզնոուի, ֆինանսական փորձագետ Սամվել Բարեյանի և ֆոնդերի փորձագետ Դոնալդ Աքվիլինայի գլխավորությամբ, այցելել է «Արագածոտն» ջրօգտագործողների ընկերություն (ՋՕԸ):

Այցի նպատակն էր քննարկել Բաղրամյանի և Նորակերտի տարածքներում նախկինում կառուցված ոռոգման ցանցի ներկա վիճակը, ինչպես նաև՝

🔹 գնահատել ոռոգման ենթակառուցվածքների ներկայիս վիճակը,

🔹 բացահայտել ոռոգման համակարգն օգտագործելիս ֆերմերների առջև ծառացած մարտահրավերները,

🔹 տեղեկատվություն ստանալ ՋՕԸ-ի կողմից ոռոգման ցանցի կառավարման և շահագործման գործընթացում առաջացող հիմնական խոչընդոտների ու սահմանափակումների մասին,

🔹 ուսումնասիրել ՋՕԸ-ի ծրագրերը՝ ցանցը լիովին գործարկելու համար,

🔹 վերլուծել IADAAM ծրագրի կողմից ոռոգման ծառայությունների վերականգնմանն ու օպտիմալացմանն աջակցություն ցուցաբերելու հնարավորությունները։

Այս համագործակցությունը կարևոր քայլ է՝ ապահովելու ֆերմերների համար ջրի կայուն հասանելիության ապահովմանը և տարածաշրջանում գյուղատնտեսական արտադրողականության բարձրացմանը։ IADAAM ծրագիրը շարունակելու է իր սերտ համագործակցությունը տեղական գործընկերների հետ՝ նպատակադրվելով մշակել  կայուն և արդյունավետ լուծումներ առկա մարտահրավերներին պատասխանելու համար։

«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության միջոցով (ԵՄ), Զարգացման ֆրանսիական գործակալության (ԶՖԳ) իրականացմամբ, համապարփակ նախաձեռնություն է, որի նպատակն է վերափոխել ոռոգվող գյուղատնտեսությունը Հայաստանում։

IADAAM ծրագրում տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի գլխավորած «Ավենյու քընսալթինգ գրուպ»-ի, «Ռազմավարական զարգացման գործակալություն» ՀԿ-ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից, որը հանդես է գալիս որպես ծրագրի օպերատոր՝ նպատակ ունենալով ինստիտուցիոնալ աջակցություն տրամադրել ՀՀ էկոնոմիկայի նախարարությանը՝ թիրախային ոլորտներում գյուղատնտեսական քաղաքականության և բարեփոխումների մշակման գործում։