Uncategorized

Հանդիպում«Մասնագիտական կրթության և ուսուցման զարգացում Սյունիքի մարզում» ծրագրի շրջանակներում

Ս. թ. սեպտեմբերի 30-ին «Ռազմավարական զարգացման գործակալություն» ՀԿ-ն ՀՀ կրթության, գիտության, մշակույթի և սպորտի նախարարության հետ համատեղ «Մասնագիտական կրթության և ուսուցման զարգացում Սյունիքի մարզում» ծրագրի շրջանակներում կազմակերպեց ՄԿՈւ ոլորտում ծրագրեր իրականացնող դոնոր կազմակերպությունների քննարկումների հարթակի հերթական հանդիպումը:

Ծրագիրն իրականացվում է Կիրառական գիտությունների Բեռնի համալսարանի գյուղատնտեսության, անտառային և պարենային գիտությունների դպրոցի (HAFL) հետ համատեղ՝ Շվեյցարիայի եկեղեցու օգնության (HEKS/EPER) կազմակերպության աջակցությամբ:

 

Հանդիպմանը ներկա էին ՀՀ կրթության, գիտության, մշակույթի և սպորտի նախարարության, Մասնագիտական կրթության և ուսուցման զարգացման ազգային կենտրոնի, Գերմանիայի միջազգային համագործակցության ընկերության, Հայկական Կարմիր խաչի ընկերության, ՄԱԿ-ի զարգացման ծրագրի Հայաստանյան ներկայացուցչության և այլ կազմակերպությունների ներկայացուցիչներ:

 

Հանդիպմանը ողջույնի խոսքով հանդես եկան ՀՀ կրթության, գիտության, մշակույթի և սպորտի նախարարության (ՀՀ ԿԳՄՍՆ) նախնական /արհեստագործական/ և միջին մասնագիտական կրթության վարչության պետի ժամանակավոր պաշտոնակատար տկն Արմենուհի Պողոսյանը և «Ռազմավարական զարգացման գործակալություն» ՀԿ նախագահ պրն Մկրտիչ  Այվազյանը: Վերջիններս իրենց խոսքում  կարևորեցին ոլորտում գործող ինչպես արդեն որոշակի փորձառություն ձեռք բերած, այնպես էլ նոր ծրագրերի փոխկապակցվածության և փորձի փոխանակման ապահովումը:

 

Հանդիպման առաջին հատվածում ՀՀ ԿԳՄՍ նախարարության կողմից ներկայացվեց ՀՀ կառավարության ծրագրի ՆՄՄԿՈՒ միջոցառումները և ռազմավարական հիմնական ուղղությունները: Միջոցառման երկրորդ կեսին կազմակերպությունները, ովքեր ՄԿՈՒ համակարգում մեկնարկել էին նոր ծրագրեր, ներկայացրին տվյալ ծրագրերի նպատակները, խնդիրները և ակնկալվող արդյունքները:

 

Հանդիպման ամբողջ ընթացքը հագեցած էր ակտիվ քննարկումներով, հարց ու պատասխաններով, առկա համակարգի թերությունների և բացերի վերհանմամբ և դրանց ուղղված լուծումների վերաբերյալ առաջարկություններով: Այս անգամ ևս հանդիպումը հանդես եկավ որպես ՄԿՈՒ ոլորտում տեղեկատվության և փորձի փոխանակման հարթակ, որը մասնակից կազմակերպություններին նաև հնարավորություն ընձեռեց տեղեկանալ ոլորտի այլ ծրագրերի առանցքային ուղղություններից և գտնել միմյանց հետ համագործակցության նոր եզրեր:

Ճամբարակում իրականացվեց «Մասնագիտական կողմնորոշում և կարիերայի առաջխաղացում» դասընթաց

Sida-ի գործընկեր HELVETAS Swiss Intercooperation-ի աջակցությամբ «Ռազմավարական զարգացման գործակալություն» (ՌԶԳ) ՀԿ-ի կողմից իրականացվող «Հմտությունների և գիտելիքի զարգացում» պիլոտային ծրագիր շրջանակներում սեպտեմբերի 23-24-ին Հայաստանի պանրագործների միության հետ համատեղ Ճամբարակում իրականացվեց «Մասնագիտական կողմնորոշում և կարիերայի առաջխաղացում» դասընթացը:

Դասընթացի նպատակն էր մասնակիցներին փոխանցել աշխատաշուկայում ճիշտ կողմնորոշվելու և ներկայանալու հմտություններ: Դասընթացն անդրադարձավ նաև պանրագործության ոլորտում առկա աշխատանքային հնարավորությունների և գործատուների կողմից ոլորտի մասնագետների նկատմամբ հմտությունների և կարողությունների պահանջարկին:

Երկօրյա դասընթացի ընթացքում մասնակիցները վերլուծական ինտերակտիվ մեթոդների միջոցովբացահայտեցին իրենց անձնային ուժեղ կողմերն ու ձեռքբերումները՝ դրանց հիման վրակառուցելով ինքնաներկայացման անհատական բանաձևեր: Դասընթացի շրջանակումներկայացվեցին նաև CV և ուղեկցող նամակ կազմելու արդի պահանջները, հաջողվածաշխատանքային հարցազրույցի որոշիչ նախապայմանները։ Աշխույժ քննարկումների, խմբայինաշխատանքի արդյունքում վերհանվեցին Ճամբարակում պանրագործության զարգացման հեռանկարները, հիմնական մարտահրավերները և դրանց հաղթահարման ստեղծարարտարբերակներ առաջարկվեցին:

Դասընթացն ապահովելու է շարունակականություն. տարվա ընթացքում նմանատիպ դասընթացներ կկազմակերպվեն Հայաստանի այլ մարզերի տարբեր բնակավայրերում ևս։

Uncategorized

«Ինչպես զարգացնել ուսումնական հաստատության կայունությունը, հայթայթել ռեսուրսներ և տրամադրել վճարովի ծառայություններ» թեմայով կարծաժամկետ դասընթաց

Ս.թ. սեպտեմբերի 22-28-ը «Ռազմավարական զարգացման գործակալություն» (ՌԶԳ) ՀԿ-ն «Հմտությունների և գիտելիքի զարգացում» պիլոտային ծրագրի շրգանակներում՝ որն իրականացվում է Sida-ի գործընկեր HELVETAS Swiss Intercooperation-ի աջակցությամբ, իրականացրեց «Ինչպես զարգացնել ուսումնական հաստատության կայունությունը, հայթայթել ռեսուրսներ և տրամադրել վճարովի ծառայություններ» թեմայով կարծաժամկետ դասընթաց:

 

Դասընթացի նպատակն է փոխանցել մասնակիցներին անհրաժեշտ հմտություններ լրացուցիչ ֆոնդեր ներգրավելու, ֆոնդհայթհայթման ժամանակակից գործիքներին տիրապետելու, գործընկերների շրջանակներն ընդլայնելու և վճարովի ծառայությունների խթանման գործիքների ու միջոցների վերաբերյալ:

 

Ծրագրի շրջանակներում ՌԶԳ-ն՝ որպես ծրագրի գործընկեր, սերտորեն համագործակցում է Հայաստանի ազգային ագրարային համալսարանի հետ և սույն դաընթացն իրականացվեց համալսարանի պրոֆեսորադասախոսական կազմի (ՀԱԱՀ վարչական անձնակազմ, դասախոսներ, ՀԱԱՀ գիտական կենտրոնների ներկայացուցիչներ) համար:

 

Դասընթացի ավարտին մասնակիցներն իրենց գոհունակությունը հայտնեցին դասընթացավարից և կազմակերպիչներից և իրենց ստացած հմտությունները գնահատեցին շատ օգտակար, արդյունավետ և կիրառելի իրենց առօրյա աշխաըանքում:

Բերքի Տոն՝ ԳՅՈՒՂԱԿԱՆ ԿՅԱՆՔԻ և ԱՎԱՆԴՈՒՅԹՆԵՐԻ ՓԱՌԱՏՈՆ 2021

«Ռազմավարական զարգացման գործակալություն» ՀԿ-ի կողմից իրականացվող և Ավստրիայի Զարգացման Գործակալության Ավստրիական Զարգացման և Համագործակցության ծրագրային միավորի և Շվեյցարիայի Զարգացման և Համագործակցության Գործակալության կողմից ֆինանսավորվող «Անասնապահության զարգացում Հայաստանում՝ Հարավ-Հյուսիս» և «Ռազմավարական Զարգացման Գործակալություն» (ՌԶԳ) ՀԿ-ի կողմից իրականացվող և Շվեյցարիայի զարգացման և համագործակցության գործակալության կողմից ֆինանսավորվող «Անասնապահության զարգացում Հայաստանի հարավում» ծրագրերի աջակցությամբ վներջիններիս թիրախային համայնքների 7 շահառու կանայք Սեպտեմբերի 18-ին մասնակցեցին  Բերքի Տոնին՝ ԳՅՈՒՂԱԿԱՆ ԿՅԱՆՔԻ և ԱՎԱՆԴՈՒՅԹՆԵՐԻ ՓԱՌԱՏՈՆԻՆ:

ՌԶԳ ՀԿ-ի կողմից իրականացվող ծրագրերի շրջանակներում նրանք մշտապես ակտիվ մասնակցել են ֆերմերների կարողությունները բարելավող դասընթացների և փառատոնների: Ինչպես նաև մեծ մասը առաջին անգամը չէ, որ մասնակցում էին Բերքի Տոնին:

Մեղր, մուրաբաներ, լեռնային դեղաբույսերի և խոտաբույսերի փունջ, ձու, կաթնամթերք, լոբի, մասուր, թթուների և պանիրների տեսականի, թթու լավաշ, գաթա, գինի, օղի և այլն: Ահա տնական ու էկոլոգիապես մաքուր մթերքների այն ցանկը, որով կանայք մասնակցեցին այս տարվա փառատոնին:

Վաճառքից գոյացած եկամուտից բացի մասնակիցները շփումներով լի օր ունեցան, ինչպես նաև իրենց բնակավայրերն ու ապրանքները ավելի ճանաչելի ու հասանելի դարձրեցին սպառողների համար:

«Հայաստանի կենդանի լանդշաֆտները շուկայի զարգացման համար». հանդիպումներ Տավուշի և Լոռու համայնքների բնակիչների հետ

2021թ-ի սեպտեմբերի 13-17-ն ընկած ժամանակահատվածում  Բնության համաշխարհային  հիմնադրամի հայաստանյան մասնաճյուղի կողմից (WWF-Հայաստան)՝ «Ռազմավարական Զարգացման Գործակալություն» (SDA) ՀԿ-ի հետ համատեղ իրականացվող և Շվեյցարիայի զարգացման և համագործակցության գործակալության կողմից ֆինանսավորվող «Հայաստանի կենդանի լանդշաֆտները շուկայի զարգացման համար» ծրագրի շրջանակներում հանդիպում-քննարկումներ են կազմակերպվել ծրագրի  թիրախ հանդիսացող Տավուշ և Լոռ մարզերում: Հանդիպումներին ներկա են եղել WWF-Հայաստանի և ՌԶԳ ՀԿ-ի ներկայացուցիչները, նախնական թիրախ ընտրված բնակավայրերի վարչական ղեկավարները, համայնքապետերը և համայնքի բնակիչները:

Հանդիպումների նպատակն էր համայնքների բնակիչներին ներկայացնել և ընդհանուր քննարկումների միջոցով հաստատել նախնական հարցումների և հանիպումների արդյունքում թիրախ ընտրված արժեշղթաների (անասնապահության/կերարտադրության, տուրիզմի/հյուրընկալության և վայրի հավաքի) արդիականությունն ու կարևորությունը։ Քննարկվեցին նախանշված արժեշղթաների զարգացման խոչընդոտները և դրանց լուծումների վերաբերյալ առաջարկվող նախագծերն ու մեխանիզմները։ Հավաքված տեղեկատվությունը հիմք կծառայի ծրագրի մշակման համար։

Տեղի ունեցած հանդիպում-քննարկումների ընթացքում «Բնության համաշխարհային հիմնադրամի (WWF) հայաստանյան մասնաճյուղի» և «Ռազմավարական Զարգացման Գործակալություն» (SDA) ՀԿ ներկայացուցիչները ներկաներին ծանոթացրել են «Հայաստանի կենդանի լանդշաֆտները շուկայի զարգացման համար» ծրագրին, իրականացման նպատակներին ու  հնարավոր ուղղություններին: Հանդիպումների ընթացքում քննարկվեցին համայնքների բնական ռեսուրսների արդյունավետ և կայուն օգտագործման  և կառավարման մեխանիզմները: Ինչպես նաև ներկայացվեց բնական պաշարների և կենսաբազմազանության փոխկապակցվածությունը տնտեսական աճի հետ, համայնքների  զարգացմանը նպաստող հնարավոր ուղղությունները և ֆերմերների, գյուղական բիզնեսների և գյուղական բնակչության եկամուտները ավելացնելու հնարավորությունները և ներուժը:

Բնության համաշխարհային  հիմնադրամի հայաստանյան մասնաճյուղի կողմից (WWF-Հայաստան)՝ «Ռազմավարական Զարգացման Գործակալություն» (SDA) ՀԿ  հետ համատեղ իրականացվող և Շվեյցարիայի զարգացման և համագործակցության գործակալության կողմից ֆինանսավորվող «Հայաստանի կենդանի լանդշաֆտները շուկայի զարգացման համար» ծրագիրը համարվում է «էկոլոգիական միջանցքների հիմնադրամ Կովկասի համար» (ECF)  տարածաշրջանային ընդլայնված ծրագրի մի մասը, որը ֆինանսավորվում է Գերմանիայի տնտեսական համագործակցության և զարգացման դաշնային նախարարության և KfW զարգացման բանկի կողմից: