03 Dec
NEWSARM, NEWSARM, NEWSARM, NEWSARM, NEWSARM

Աշակերտների ուսումնաճանաչողական այց նշի արտադրությամբ զբաղվող «Վանանդ ագրո» ՓԲԸ

«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում «Ռազմավարական զարգացման գործակալություն» ՀԿ-ն Արմավիրի մարզի, Վաղարշապատի Ռաֆայել Պատկանյանի անվան թիվ 9 հիմնական դպրոցի աշակերտների համար նոյեմբերի 28-ին կազմակերպեց ուսումնաճանաչողական այց նշի արտադրությամբ զբաղվող «Վանանդ ագրո» ՓԲԸ։
ՄԱՎԵՏԱ ծրագրի ՄԿՈՒ խորհրդատու Լիլիթ Բեգլարյանն իր խոսքում նշեց, որ այցը նպատակ ունի դպրոցականներին ծանոթացնել մրգի և ընկուզեղենի այգիներում աշխատող այգեգործի մասնագիտությանը, որը ՄԱՎԵՏԱ ծրագրի կողմից դուալ ուսուցմամբ ներդրված մասնագիտություններից է։
«Վանանդ ագրո» ՓԲԸ-ի ֆերմայի կառավարիչ Հայկ Ստեփանյանը ներկայացրեց այգեգործի մասնագիտությունը, աշխատանքի ընթացքում կիրառվող սարքավորումներն ու գյուղմեքենաները և պատասխանեց աշակերտներին հուզող հարցերին։
Աշակերտները հնարավորություն ունեցան շրջել նշի այգիներում, ծանոթանալ տարբեր տարիքային տնկիներին և տեղեկատվություն ստանալ այգեգործության մասին։ Նրանք մեծ ոգևորությամբ ուսումնասիրեցին ժամանակակից տեխնիկայի կիրառմամբ իրականացվող նշի ջարդման և տեսակավորման գործընթացը։
03 Dec
Uncategorized

«Գենդերային և սոցիալական զգայուն մոտեցումների ինտեգրումը գյուղատնտեսական մասնագիտություններում»

«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում նոյեմբերի 25-ին Սյունիքի մարզի դը Ռանչի ուսումնական կենտրոնում տեղի ունեցավ «Գենդերային և սոցիալական զգայուն մոտեցումների ինտեգրումը գյուղատնտեսական մասնագիտություններում» թեմայով դասընթաց, որը վարեց ՌԶԳ գենդերային հավասարության մասնագետ Մարիամ Մելիքյանը։
Դասընթացին մասնակցեցին ՄԱՎԵՏԱ ծրագրի գործընկեր քոլեջների դասավանդողները և մասնավոր հատվածի ներկայացուցիչները։
Մասնագետը ներկայացրեց Հայաստանում առկա գենդերային իրավիճակի գնահատումը, միջազգային փորձն ու տենդենցները։ Ինտերակտիվ քննարկումների և խմբային աշխատանքների ժամանակ մասնակիցները անդրադարձան միջին մասնագիտական կրթական հաստատություններում, մասնավորապես՝ գյուղատնտեսական մասնագիտություններով սովորող ուսանողների գենդերային և սոցիալական ինտեգրման խնդիրներին ու հիմնահարցերին։
Դասընթացի ընթացքում արդրադարձ կատարվեց նաև Հայաստանում միջին մասնագիտական կրթական հաստատություններում, ինչպես նաև գյուղատնտեսական մասնագիտություններում սոցիալական ներառականության հիմնահարցերին, որի ընթացքում մասնագետը կիսվեց գործնական մի շարք խորհուրդներով սոցիալապես խնդրահարույց անձանց հետ արդյունավետ աշխատանքներ տանելու համար։
Դասընթացի ընթացքում իրականացված քննարկումը հնարավորություն ընձեռեց ընդգծել գյուղատնտեսության ոլորտում կանանց ներգրավվածության, սոցիալական ներառականության և հանրային ընկալումներում նրանց դերի բարձրացման անհրաժեշտությունը։
💁‍♂️ՄԱՎԵՏԱ ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, Շվեյցարիայի եկեղեցու օգնություն (HEKS/EPER) ՀԿ-ն, Իզմիրլյան հիմնադրամը, Ռազմավարական զարգացման գործակալություն (ՌԶԳ) ՀԿ-ն և «Վանանդ Ագրո» ՓԲԸ-ն:
Ծրագիրն իրականացնող գործընկերներն են Գերմանական միջազգային համագործակցության ընկերությունը (GIZ) և Շվեյցարիայի եկեղեցու օգնություն (HEKS/EPER) ՀԿ-ն՝ ՌԶԳ-ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ:
28 Nov
Uncategorized

🟠 Կայուն հաջողություն. Շվեդական «նոու-հաուն» առևտրի և զարգացման համագործակցության ոլորտում

Ռազմավարական զարգացման գործակալություն ՀԿ նախագահ Մկրտիչ Այվազյանը նոյեմբերի 19-ին մասնակցեց Շվեդիայի դեսպանության կողմից կազմակերպված բնապահպանական կայունության, մրցունակության և շուկայի հասանելիության վերաբերյալ ֆորումին։
🇸🇪 Ողջունելով մասնակիցներին՝ Ն․Գ․ դեսպան պարոն Պատրիկ Սվենսսոնը իր ելույթում վերահաստատեց Շվեդիայի հանձնառությունը Հայաստանի հետ Շվեդիայի գործընկերության զարգացման և զարգացման համագործակցության ընդլայնման գործում:
Շուրջ 80 մասնակիցներ, այդ թվում՝ գործարարներ, պետական մարմինների ներկայացուցիչներ և զարգացման ոլորտի մասնագետներ քննարկեցին կայունության, առևտրի և տնտեսական զարգացմանն առնչվող հարցեր:
«Շվեդիայի գործընկերություն հանուն կայուն զարգացման․ կայունություն և արտահանման պատրաստակամություն» թեմայով պանելային քննարկմանը Մկրտիչ Այվազյանը ներկայացրեց «Ռազմավարական զարգացման գործակալություն» ՀԿ-ի տարիների համագործակցությունը շվեդական կողմի հետ, RECONOMY-ի «Ոլորտների թվայնացում հանուն մրցունակության» և այլ ընթացիկ ծրագրերով կազմակերպության ներդրումը կայուն տնտեսական զարգացմանը։
«Աշխատելով Հայաստանի ավելի քան 200 բնակավայրերում՝ 2002 թվականինց մինչև այսօր ՌԶԳ-ի առաքելությունը՝ խթանել Հայաստանի սոցիալ-տնտեսական զարգացումը, մնացել է անփոփոխ․ «դրական փոփոխություն բերել մարդկանց իրական կյանքում», – ընդգծեց Մկրտիչ Այվազյանը։
25 Nov
Uncategorized

«Անասնապահության զարգացում Հայաստանում՝ հարավ-հյուսիս 2» ծրագրի ղեկավար կոմիտեի նիստ

Նոյեմբերի 20-ին Գյումրիի սելեկցիոն կայանում տեղի ունեցավ «Անասնապահության զարգացում Հայաստանում՝ հարավ-հյուսիս 2» ծրագրի ղեկավար կոմիտեի տարեվերջյան նիստը։

Ավստրիական զարգացման գործակալության հայաստանյան գրասենյակի ղեկավար Կլաուս Կապպերը, ՀՀ ԷՆ անասնաբուծության վարչության պետ Տիգրան Ալեքսանյանը, Շիրակի մարզպետի տեղակալ Աննա Մարտիկյանը, Ռազմավարական զարգացման գործակալություն ՀԿ նախագահ Մկրտիչ Այվազյանը, Գյումրիի սելեկցիոն կայանի տնօրեն Նորիկ Մկրտչյանը, ծրագրի թիրախային համայնքների ներկայացուցիչներ։

«Անասնապահության զարգացում Հայաստանում՝ հարավ-հյուսիս 2» ծրագրի առաջընթացի ու մինչև այժմ գրանցված արդյունքների մասին ներկայացրեց ծրագրի ղեկավար Վահե Հովհաննիսյանը։

«Տավարաբուծության ճյուղում մթերատվության բարձրացման փորձնական և համազգային ծրագրերի» իրականացման վերաբերյալ ՌԶԳ-ի հնարավոր ներգրավվածության ուղղությունների մասին ներկայացրեց կենդանիների առողջության և բուծման մասնագետ Միքայել Հայկունին։

Ընդգծվեց, որ «Գյումրու տոհմակայանի» հիմնումը և շահագործումը թույլ կտա նպաստել հանրապետությունում ԽԵԿ-ի մթերատվության բարձրացմանը։

ՀՀ ԷՆ անասնաբուծության վարչության պետ Տիգրան Ալեքսանյանը  ներկայացրեց մթերատվության բարձրացման փորձնական ծրագրի իրականացման պետական մոտեցումները։

Հանդիպմանը ՌԶԳ-ն հանդես եկավ անասնապահության ոլորտում  ևս մեկ կարևոր ծրագրային նախաձեռնությամբ՝ ուղղված նախրաքաշի կարգավորմանը։ Այն  հոտերի և նախիրների արածեցման սեզոնային տեղաշարժի համակարգված կազմակերպումն է։

Այնուհետև հանդիպման մասնակիցները մտքեր փոխանակեցին ոլորտում տեղական, պետական ու միջազգային  ներգրավվածությամբ հնարավոր համագործակցության շուրջ։

«Անասնապահության զարգացում Հայաստանում. հարավ-հյուսիս 2» ծրագիրն իրականացվում է «Ռազմավարական զարգացման գործակալություն» ՀԿ-ի կողմից՝ Ավստրիական զարգացման և համագործակցության ծրագրային միավորի` Ավստրիայի զարգացման գործակալության ֆինանսավորմամբ:

22 Nov
Uncategorized

«Ֆերմերային գործունեությունը՝ որպես բիզնես» դասընթաց Սյունիքի մարզի սկսնակ ֆերմերների համար

Ինքնազբաղվածությունը խթանելու նպատակով «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակում Գորիսի պետական գյուղատնտեսական քոլեջում հոկտեմբերի 22-ից մինչև նոյեմբերի 2-ը իրականացվեց «Ֆերմերային գործունեությունը՝ որպես բիզնես» թեմայով պրակտիկ դասընթաց և խորհրդատվություն` սկսնակ ֆերմերների և ֆերմերային տնտեսություն վարող անհատների համար՝ բարելավելու վերջիններիս բիզնեսի պլանավորման և վարման գիտելիքներն ու կարողությունները:
Դասընթացի ընթացքում ֆերմերները սովորեցին, թե ինչպես պլանավորել և հիմնել ֆերմերային տնտեսությունը, այն արդյունավետ կառավարել սահմանափակ ռեսուրսների դեպքում, ուսումնասիրել շուկաները, ավելացնել եկամուտները և վերլուծել գործունեության «թվերը»՝ պոտենցիալ կենսունակ գաղափարների SWOT վերլուծության գործիքի համադրմամբ։
Դասընթացից հետո ևս ծրագրի մասնակիցները անհատական մասնագիտական ու բիզնես խորհրդատվություն են ստանում իրենց գործունեության համար ֆերմայի զարգացման ծրագիր կազմելու, այն ավարտուն տեսքի բերելու և ընտանեկան գործունեությունից բիզնեսի անցնելու քայլերի վերաբերյալ։
«‹4445464748›»