11 Apr
Uncategorized

#MAVETAambassadors սոցիալական մեդիա արշավն ամփոփվեց Երևանում

«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակում Երևանում  ապրիլի 10-ին անցկացվեց #MAVETAambassadors սոցիալական մեդիա արշավի ամփոփիչ միջոցառումը։

Ծրագրի դեսպանները՝ գործընկեր քոլեջների ուսանողները և դասավանդողները ծանոթացան սոցիալական մեդիա հարթակներում գյուղատնտեսական մասնագիտությունները գրավիչ ներկայացնելու և գյուղոլորտի թեմայով միկրոբլոգինգի հիմունքներին։

Այնուհետև մասնակիցներն այցելեցին ՀՀ Ազգային ժողով, որտեղ նրանց ընդունեց ԱԺ գիտության, կրթության, մշակույթի և երիտասարդության մշտական հանձնաժողովի նախագահ Սիսակ Գաբրիելյանը։ Հանդիպմանը ուսանողներն ու դասավանդողները հնարավորություն ունեցան բարձրաձայնելու կրթության ու համայնքային զարգացման վերաբերյալ իրենց հարցերը։

Օրվա երկրորդ կեսին մեդիա արշավի մասնակիցները հանդիպեցին մեդիա փորձագետ և բլոգեր Սամվել Մարտիրոսյանի հետ։

Միջոցառման ավարտին ՄԱՎԵՏԱ դեսպաններին հանձնվեցին վկայականներ։

ՄԱՎԵՏԱ ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, HEKS/EPER ՀԿ-ն, Իզմիրլյան հիմնադրամը, Ռազմավարական զարգացման գործակալություն (ՌԶԳ) ՀԿ-ն և «Վանանդ Ագրո» ՓԲԸ-ն:

 Ծրագիրն իրականացնող գործընկերներն են Գերմանական միջազգային համագործակցության ընկերությունը (GIZ) և HEKS/EPER ՀԿ-ն՝ ՌԶԳ-ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ:

10 Apr
NEWSARM, NEWSARM, NEWSARM, NEWSARM, NEWSARM

Զբոսաշրջության զարգացման խթանում` RECONOMY x LILA հանդիպումը ՀՀ Զբոսաշրջության կոմիտեի հետ

«Հայաստանի կենդանի լանդշաֆտները շուկայի զարգացման համար» (LILA) և RECONOMY-ի «Ոլորտների թվայնացում հանուն մրցունակության» ծրագրերի շրջանակում ապրիլի 9-ին կայացավ հանդիպում ՀՀ Զբոսաշրջության կոմիտեի նախագահ՝ Լուսինե Գևորգյանի և կոմիտեի ներկայացուցիչների ու վերոնշյալ ծրագրերի ղեկավարների միջև։

Հանդիպման հիմնական նպատակն էր քննարկել մարզային զբոսաշրջության զարգացման հեռանկարները՝ ուշադրությունը սևեռելով զբոսաշրջային ներուժի գնահատման, կարողությունների զարգացման, զբոսաշրջության տարածաշրջանային պրոդուկտների ձևավորման, ինչպես նաև հանրային և մասնավոր հատվածների միջև համագործակցության ամրապնդման վրա։

Քննարկման ընթացքում առանձնահատուկ կարևորություն տրվեց արկածային զբոսաշրջության ոլորտում ներգրավված գիդ-էքսկուրսավարների հմտությունների զարգացման և նրանց մասնագիտական գործունեության հավաստագրման անհրաժեշտության հիմնախնդիրներին։

Ծրագրի ղեկավարները Կոմիտեի նախագահի և ներկայացուցիչների հետ նաև հատուկ անդրադարձ կատարեցին մարզերում գործող տնտեսվարող սուբյեկտների՝ հյուրանոցների, հյուրատների և ռեստորանների կողմից կառավարվող ռեկրեացիոն ենթակառուցվածքների զարգացման ուղիներին։ Նշվեց բնապահպանական, կանաչ և կայուն զբոսաշրջության խթանման կարևորությունը՝ որպես ոլորտի երկարաժամկետ մրցունակության ապահովման կարևոր նախապայման։

RECONOMY ու LILA ծրագրերի և Զբոսաշրջության կոմիտեի միջև ձեռք է բերվել պայմանավորվածություն՝ հետագա համագործակցությունն ընդլայնելու և խորացնելու ուղղությամբ՝ նպատակ ունենալով աջակցել  զբոսաշրջության ոլորտի մասնագետների կարողությունների զարգացմանը և այս գործընթացում առավել արդյունավետ և կայուն արդյունքների ապահովմանը։

RECONOMY-ն Շվեդիայի միջազգային զարգացման համագործակցության գործակալության (Sida) ներառական և կանաչ տնտեսական զարգացման ծրագիր է, որն իրականացվում է Helvetas-ի կողմից՝ համագործակցելով «Ռազմավարական զարգացման գործակալություն» ՀԿ–ի և Արևելյան գործընկերության և Արևմտյան Բալկանյան երկրների այլ կազմակերպությունների հետ։

ԼԻԼԱ ծրագիրը ֆինանսավորվում է Շվեյցարիայի զարգացման և համագործակցության գործակալության (SDC) կողմից և իրականացվում Բնության համաշխարհային  հիմնադրամի հայաստանյան մասնաճյուղի կողմից (WWF-Հայաստան)՝ «Ռազմավարական զարգացման գործակալություն» (ՌԶԳ) ՀԿ–ի հետ համատեղ:

09 Apr
Uncategorized

Տեխնիկական աջակցություն՝ ՄԱՎԵՏԱ ծրագրի գործընկեր Գորիսի պետական գյուղատնտեսական քոլեջին

«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակում գործընկեր ուսումնական հաստատությունների կարողությունների զարգացման և դուալ կրթական ուսուցման կազմակերպման նպատակով «Ռազմավարական զարգացման գործակալություն» (ՌԶԳ) ՀԿ-ն ապրիլի 8-ին միկրոավտոբուս տրամադրեց Գորիսի պետական գյուղատնտեսական քոլեջին։

Հանձնման պաշտոնական արարողությանը մասնակցեցին Գորիսի համայնքապետի տեղակալ Իրինա Յոլյանը, գյուղատնտեսական քոլեջի տնօրենի պարտականությունները կատարող Աննա Տոռոզյանը, ՄԱՎԵՏԱ ծրագրի մասնավոր հատվածի գործընկերներ, դասավանդողներ և ուսանողներ։

Ողջունելով ներկաներին՝ ՄԱՎԵՏԱ ծրագրի ղեկավար Լիլիթ Հովհաննիսյանը ընդգծեց  դուալ ուսուցման պատշաճ կազմակերպման, քոլեջ-գործատու համագործակցության ընդլայնման կարևորությունը, ինչպես նաև Սյունիքի մարզը ՌԶԳ ՀԿ-ի ծրագրերի առանցքում պահելու երկու տասնամյակից ավելի հաջողված փորձը։

Իրինա Յոլյանն իր խոսքում բարձր գնահատեց ՌԶԳ ՀԿ-ի ծրագրերը համայնքի, Սյունիքի մարզի զարգացման գործում՝ նշելով գյուղատնտեսության և ՄԿՈՒ արդիականացմանն ուղղված ջանքերը։

Աննա Տոռոզյանն իր ելույթում կարևորեց ՄԱՎԵՏԱ ծրագրի դերը քոլեջի կարողությունների զարգացման գործում, ՌԶԳ ՀԿ-ի շարունակական աջակցությունը և քոլեջի անունից կազմակերպությանը հանձնեց շնորհակալագիր։

Ծրագրի շրջանակում քոլեջի անասնաբուժական լաբորատորիան համալրվեց ժամանակակից սարքավորումներով՝ ուսանողների գործնական դասերը կազմակերպելու նպատակով։

ՄԱՎԵՏԱ ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, Շվեյցարիայի եկեղեցու օգնություն (HEKS/EPER) ՀԿ-ն, Իզմիրլյան հիմնադրամը, Ռազմավարական զարգացման գործակալություն (ՌԶԳ) ՀԿ-ն և «Վանանդ Ագրո» ՓԲԸ-ն:

Ծրագիրն իրականացնող գործընկերներն են Գերմանական միջազգային համագործակցության ընկերությունը (GIZ) և Շվեյցարիայի եկեղեցու օգնություն (HEKS/EPER) ՀԿ-ն՝ ՌԶԳ-ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ:

09 Apr
Uncategorized

IADAAM AEST գյուղատնտեսության մշտադիտարկում Արարատում

Գյուղատնտեսական ոլորտին աջակցելու և մշտադիտարկում իրականացնելու նպատակով «Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագրի գյուղաջակցության խորհրդատվական ծառայության փորձագետներ Վիլհեմ Կրուզեն և Պարույր Ասատրյանը, IADAAM ծրագրի AEST համակարգող Վարդան Իվանյանի և AEST խորհրդատու Հակոբ Թարվերդյանի ուղեկցությամբ, մի շարք դաշտային այցելություններ են իրականացրել Արարատի մարզում։ Այցելությունների նպատակն էր հավաքագրել տեղեկատվություն, տրամադրել նպատակային խորհրդատվություն և խթանել կայուն գյուղատնտեսության զարգացմանը՝ շահագրգիռ կողմերի ներգրավման միջոցով։

Արտաշատի գյուղատնտեսական շուկա – Իրականացվել է շուկայի գնահատում՝ վերլուծելու ընթացիկ գների միտումները և տատանումները։ Ուսումնասիրության նպատակն արդար գնագոյացման խթանումն է և արտադրողների ու սպառողների առջև ծառացած հնարավոր խնդիրների բացահայտումը։ 

Պարարտանյութերի և թունաքիմիկատների խանութ – Մասնագետները կառուցողական քննարկում են ունեցել տեղական վաճառողների հետ՝ պարարտանյութերի և թունաքիմիկատների վաճառքի ու պատասխանատու օգտագործման վերաբերյալ։ Ընդգծվել է որակի ապահովման, կանոնակարգերի պահպանման և անվտանգ օգտագործման կարևորությունը։

Այց տեղական ֆերմա – Փորձագետներն այցելել են ֆերմերին իր այգում՝ տրամադրելու անհատական խորհրդատվություն, քննարկելու առկա խնդիրները և առաջարկելու լուծումներ՝ արտադրողականության և կայունության բարձրացման համար։

Այս այցերը ընդգծում են IADAAM ծրագրի հանձնառությունը՝ ամրապնդելու գյուղատնտեսական համակարգերը՝ փորձագիտական ուղղորդման, շահագրգիռ կողմերի համագործակցության և տվյալահեն որոշումների միջոցով։

«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության միջոցով (ԵՄ), Զարգացման ֆրանսիական գործակալության (ԶՖԳ) իրականացմամբ, համապարփակ նախաձեռնություն է, որի նպատակն է վերափոխել ոռոգվող գյուղատնտեսությունը Հայաստանում։ 

IADAAM ծրագրում տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի գլխավորած «Ավենյու քընսալթինգ գրուպ»-ի, «Ռազմավարական զարգացման գործակալություն» ՀԿ-ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից, որը հանդես է գալիս որպես ծրագրի օպերատոր՝ նպատակ ունենալով ինստիտուցիոնալ աջակցություն տրամադրել ՀՀ էկոնոմիկայի նախարարությանը՝ թիրախային ոլորտներում գյուղատնտեսական քաղաքականության և բարեփոխումների մշակման գործում։

07 Apr
Uncategorized

ՄԱՎԵՏԱ Աշակերտների այց Վանանդ ագրոյի նշի այգիներ

«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակում ապրիլի 7-ին կազմակերպվեց Արմավիրի մարզի Գրիբոյեդովի միջնակարգ դպրոցի մի խումբ դպրոցականների այցը Վանանդ ագրոյի նշի այգիներ։

Այցի ընթացքում ՄԱՎԵՏԱ ծրագրի ՄԿՈՒ խորհրդատու Լիլիթ Բեգլարյանը ներկայացրեց ՄԱՎԵՏԱ ծրագիրն ու դուալ ուսուցմամբ Էջմիածնի պետական արհեստագործական ուսումնարանում ներդրված այգեգործություն մասնագիտությունը, ընգծեց ուսումնարան-գործատու համագործակցությունը:

Այգու կառավարիչ և հրահանգիչ Հայկ  Ստեփանյանն  իր խոսքում ընդգծեց նշի և պտղատու այգիներում աշխատող մասնագետների պահանջարկն աշխատաշուկայում, դուալով սովորող աշկերտների գործնական աշխատանքի կազմակերպումը այգում, ինչպես նաև առանձնացրեց նշի մշակման գործընթացները և այգու կառավարման առանձնահատկությունները։

Այգում ՀԱԱՀ Անտոն Քոչինյանի անվան գյուղատնտեսական քոլեջի այգեգործություն մասնագիտությամբ դուալ ուսուցմամբ սովորող 1-ին կուրսի ուսանողներն այգեգործության դասախոս Էթերի Ստեփանյանի ղեկավարությամբ գործնական աշխատանք կատարեցին՝ մասնակցելով ծառատունկին։

ՄԱՎԵՏԱ ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, (HEKS/EPER) ՀԿ-ն, Իզմիրլյան հիմնադրամը, Ռազմավարական զարգացման գործակալություն (ՌԶԳ) ՀԿ-ն և «Վանանդ Ագրո» ՓԲԸ-ն:

Ծրագիրն իրականացնող գործընկերներն են Գերմանական միջազգային համագործակցության ընկերությունը (GIZ) և Շվեյցարիայի եկեղեցու օգնություն (HEKS/EPER) ՀԿ-ն՝ ՌԶԳ-ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ:

«‹3334353637›»