«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակում մասնավոր հատվածի գործընկերների համար մայիսի 3-ին կազմակերպվեց դասընթաց՝ իրավահարկային հարաբերությունների ու հիմնական հաշվապահության վերաբերյալ։

Դասընթացին քննարկվեցին գյուղատնտեսության ոլորտում գործունեություն ծավալող սուբյեկտների պետական գրանցման առավելություններն ու թերությունները, հարկային օրենսգրքի փոփոխությունները և հիմնական հարկային արտոնությունները։

Մասնակիցներին ներկայացվեց նաև ինքնահայտարարագրման լրացման կարգը։

ՄԱՎԵՏԱ ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, HEKS/EPER ՀԿ–ն, Իզմիրլյան հիմնադրամը, Ռազմավարական զարգացման գործակալություն (ՌԶԳ) ՀԿ–ն և «Վանանդ Ագրո» ՓԲԸ–ն:

Ծրագիրն իրականացնող գործընկերներն են Գերմանական զարգացման գործակալությունը (GIZ) և HEKS/EPER ՀԿ–ն՝ ՌԶԳ–ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ։

Մայիսի 2-ին «Փախստականների սոցիալ-տնտեսական ինտեգրումը Հայաստանում»  (SEIRA) ծրագրի շրջանակում Գեղարքունիքի մարզի Ճամբարակ համայնքում տեղի ունեցավ կարճաժամկետ իրազեկման դասընթաց՝ «Ինքնակենսագրականի կազմում և արդյունավետ գործարար համագործակցություն» թեմայով։

Դասընթացին մասնակցեցին Լեռնային Ղարաբաղից բռնի տեղահանված անձինք, ինչպես նաև տեղացի խոցելի խմբերի ներկայացուցիչներ, որոնք պատրաստվում են առաջին անգամ մուտք գործել աշխատաշուկա կամ աշխատանք են փնտրում։

Մասնակիցներին ինքնակենսագրական կազմելու և արդյունավետ գործարար համագործակցության հմտությունները զարգացնելու վերաբերյալ օրինակելի ձևեր ներկայացրեց և գործնական խորհուրդներ տվեց դասընթացավար Շահանե Բեգլարյանը։

«Փախստականների սոցիալ-տնտեսական ինտեգրումը Հայաստանում» (SEIRA) ծրագիրը խթանում է սոցիալ-տնտեսական ինտեգրումը՝ բարելավելով առողջ սննդի հասանելիությունը և ստեղծելով կայուն կենսապայմաններ գյուղատնտեսության զարգացման միջոցով՝ հզորացնելու փախստականներին և Հայաստանի ընդունող համայնքներին։

SEIRA ծրագիրը ֆինանսավորվում է Շվեյցարիայի զարգացման և համագործակցության գործակալության կողմից և իրականացվում է «Ռազմավարական զարգացման գործակալություն» ՀԿ-ի և ՄԱԿ-ի Պարենի համաշխարհային ծրագրի կողմից։