Պատվիրատու՝ ՀՀ Էկոնոմիկայի նախարարություն, Եվրոպական միության և Ֆրանսիական զարգացման գործակալության ֆինանսավորմամբ

Ծրագիրն աջակցում է Հայաստանի Հանրապետության կառավարությանն արդիականացված ոռոգվող գյուղատնտեսության զարգացմանն առնչվող քաղաքականության մշակման հարցում։

Ծրագիրը տեղական մակարդակում աջակցում է ֆերմերներին և այլ շահագրգիռ կողմերին՝ Արարատի և Արմավիրի մարզերում պիլոտային գործողությունները իրականացնելու, խթանելու և ֆինանսավորելու միջոցով։ IADAAM ծրագիրն աջակցում է նաև կլիմայի փոփոխության նկատմամբ հարմարվողականությանը և գյուղատնտեսական արտադրության կայունացմանը` փոփոխվող եղանակային պայմանների ազդեցությանը դիմակայելու համար, այդ թվում՝ երաշտի, հորդառատ անձրևների և կարկուտի: Այս ամենն իրականացվում է կայուն խորհրդատվական ծառայությունների և արդյունավետ ոռոգման տեխնոլոգիաների միջոցով: Միաժամանակ, բարձրարժեք գյուղատնտեսության զարգացման նպատակով ծրագիրն անդրադառնում է հողերի միավորմանն ու գյուղատնտեսական կոոպերատիվների ստեղծման հարցերին:

Պատվիրատուն՝ «ԵՄ կանաչ գյուղատնտեսության նախաձեռնություն Հայաստանում» (EU-GAIA) ծրագիր

 Ծրագրի նպատակն էր փորձարկել Հայաստանի համար կարևոր նշանակություն ունեցող գյուղատնտեսական մշակաբույսերի և կենդանական ծագման մթերքների համախառն շահույթի պիլոտային հետազոտության միջոցով նման տեղեկատվության ստացման մեթոդաբանությունը: Հարցման մեթոդաբանությունը, արդյունքները և եզրակացությունները փոխանցվել են առանցքային շահագրգիռ կողմին ՝ ՀՀ էկոնոմիկայի նախարարությանը:

Այս առաջադրանքի շրջանակներում 3R Strategy-ի կողմից մատուցվող ծառայությունների շրջանակը ներառում է առաջարկվող մեթոդաբանության փորձարկում, ընտրանք և դաշտային աշխատանք: Իրականացվել է շուրջ 100 դաշտային հարցում յուրաքանչյուր բերքի և արտադրանքի համար, ընդհանուր առմամբ 1009 հարցազրույց ամբողջ հետազոտության ընթացքում (շուրջ 100 հարցում՝ յուրաքանչյուր մարզի համար):