22 Mar
NEWSARM

ՄԱՎԵՏԱ ծրագրի շրջանակներում կազմակերպվեցին իրազեկման այցեր մարզային դպրոցներ

Մարտի 19-20-ը «Ռազմավարական զարգացման գործակալություն» (ՌԶԿ) ՀԿ-ի «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում ՄԿՈՒ համակարգող Լիլիթ Բեգլարյանը, Ստեփանավանի պետական գյուղատնտեսական քոլեջի կարիերայի պատասխանատու Կամո Ջիվանյանը և քոլեջի համապատասխան դասավանդողներ իրազեկման այց կատարեցին Լոռու մարզի Տաշիր համայնքի դպրոցներ։

9-րդ դասարանի 150 ավելի աշակերտներ հնարավորություն ունեցան տեղեկություններ ստանալ միջին մասնագիտական հաստատություններում ուսումնական գործընթացի, դուալ մոտեցմամբ կրթական ուսուցման առավելությունների, գյուղատնտեսական և/կամ այլ մասնագիտություն ընտրելու դեպքում աշխատանքի հեռանկարների վերաբերյալ։

Այնուհետև Լոռու մարզի մի քանի համայնք սպասարկող երիտասարդ անասնաբույժ՝ Աշոտ Խանումյանն աշակերտներին ներկայացրեց իր մասնագիտության առանձնահատկությունները, աշխատանքային առօրյան ու խոսեց ներկայումս աշխատաշուկայում անասնաբույժ մասնագիտության մեծ պահանջարկի վերաբերյալ։

27 Nov
Uncategorized

Խորհրդատվական ծառայություններ մատուցող ընկերության ներգրավման նպատակով HEL 04-23 ծածկագրով մրցույթ

«Ռազմավարական զարգացման գործակալություն» ՀԿ-ն իրականացնում է «Ոլորտների թվայնացում հանուն մրցունակության» (RECONOMY) ծրագիրը` Sida-ի գործընկեր HELVETAS Swiss Intercooperation-ի աջակցությամբ, որի շրջանակներում հրավիրում է Ձեզ մասնակցելու Խորհրդատվական ծառայություններ մատուցող ընկերության ներգրավման նպատակով հայտարարված HEL 04-23 ծածկագրով մրցույթին:

Մրցույթի փաթեթում Ձեզ ենք ներկայացնում տեխնիկական բնութագիրը, գնային առաջարկի ձևաթուղթը, մասնակցի հայտը և մրցույթի մասնակցության կարգը:

Դիմելու համար մինչև ս.թ. դեկտեմբերի 1-ը ժամը 15:00 ուղարկել մասնակցի հայտում նշված փաստաթղթերը [email protected] էլ. հասցեին՝ էլեկտրոնային եղանակով, իսկ թղթային տարբերակով՝ ՀՀ, ք. Երևան, Սերգեյ Մերգելյան 3 հասցեով:

Առավել մանրամասն տեղեկատվություն ստանալու համար զանգահարել հետևյալ հեռախոսահամարներով՝  093-33-55-84, 010-51-75-28:

24 Mar
Marz Projects, Marz Projects, Marz Projects, Marz Projects, Marz Projects, Family Projects

«Հայաստանի կենդանի լանդշաֆտները շուկայի զարգացման համար» (LILA) ծրագրի Ազգային խորհրդատվական խմբի հանդիպում

2023 թվականի մարտի 23-ին տեղի ունեցավ «Հայաստանի կենդանի լանդշաֆտները շուկայի զարգացման համար» (LILA) ծրագրի Ազգային խորհրդատվական խմբի առաջին հանդիպումը: Ծրագիրը ֆինանսավորվում է Շվեյցարիայի զարգացման և համագործակցության գործակալության (SDC) կողմից։
Հանդիպմանը ներկա էին դոնոր, գործընկեր և այլ միջազգային գործակալությունների և կազմակերպությունների ներկայացուցիչներ, ինչպես նաև շահառու տեղական ինքնակառավարման մարմինների և պետական գործակալությունների աշխատակիցներ:

Հանդիպումը մեկնարկեց WWF-Հայաստանի տնօրեն կ.գ.թ Կարեն Մանվելյանի ողջույնի խոսքով, ում հաջորդեցին Շվեյցարիայի զարգացման և համագործակցության գործակալության (SDC) տարածաշրջանային տնօրեն և առաքելության ղեկավարի տեղակալ պրն. Վերներ Թութ-Շիմոնը և KfW բանկի հայաստանյան գրասենյակի ներկայացուցիչ տկն. Զառա Չատինյանը։
Հանդիպման ընթացքում ներկայացվեց «Հայաստանի կենդանի լանդշաֆտները շուկայի զարգացման համար» (LILA) ծրագիրն ու մինչ այժմ գրանցած առաջընթացը:
Հանդիպումն ամփոփեց «Ռազմավարական զարգացման գործակալություն» ՀԿ-ի ներկայացուցիչ, ծրագրի համակարգող Ալլա Ղազարյանը՝ խոսելով LILA ծրագրի տնտեսական զարգացման բաղադրիչի (Արդյունք 1) շրջանակներում իրականացվող աշխատանքների մասին։

22 Dec
Uncategorized

Ս.թ. դեկտեմբերի 19-20-ին, «ՄԱՎԵՏԱ» ծրագրի շրջանակներում կազմակերպվեց «Դուալ համակարգի փորձարկումը ՄԿՈՒ ոլորտում» թեմայով աշխատաժողով։ Աշխատաժողովին մասնակցում էին «ՄԱՎԵՏԱ» ծրագրում ընգրկված ՄԿՈՒ հաստատություների ներկայացուցիչներ և ոլորտում ակտիվ ներգրավվածություն ունեցող փորձագետներ։

 

Աշխատաժողովի նպատակն էր ներկայացնել և քննարկել դուալ համակարգի Հայաստանյան և միջազգային փորձն ու Հայաստանի ՄԿՈՒ համակարգում այդ մոտեցման տեղայնացման մեթոդաբանությունը։ Աշխատաժողովի ընթացքում մասնակիցները բաժանվեցին 3 խմբի, ըստ ընտրված մասնագիտությունների, այն է անասնաբուժություն, կաթի և կաթնամթերքի տեխնոլոգիա, ֆերմերային գործ: Քննարկվեց այդ մասնագիտությունների տեսական և գործնական ուսուցման տարրերի համադրման եղանակներն ու կարևորությունը, ինչպես նաև գործատուի մոտ աշկերտի համար համապատասխան միջավայրի և պայմանների ստեղծման ուղիները։

 

Աշխատաժողովն անցավ ակտիվ քննարկման և արդյունավետ խմբային աշխատանքային մթնոլորտում։

«ՄԱՎԵՏԱ» ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, Շվեյցարիայի եկեղեցու օգնություն (HEKS/EPER) ՀԿ-ն, Իզմիրլյան հիմնադրամը, «Ռազմավարական զարգացման գործակալություն» (ՌԶԳ) ՀԿ-ն և «Վանանդ Ագրո» ՓԲԸ-ն:

Ծրագիրն իրականացնող գործընկերներն են՝ Գերմանական զարգացման գործակալությունը (GIZ) և Շվեյցարիայի եկեղեցու օգնություն (HEKS/EPER) ՀԿ-ն՝ «Ռազմավարական զարգացման գործակալություն» ՀԿ-ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ:

 

29 Aug
HomePageARM, NEWSARM

«Անասնապահության զարգացում Հայաստանում՝ հարավ – հյուսիս» ծրագրի ամփոփիչ սեմինար-քննարկում

Օգոստոսի 27, 2021, Ծաղկաձորում տեղի ունեցավ «Ռազմավարական Զարգացման Գործակալություն» ՀԿ-ի (ՌԶԳ) կողմից իրականացվող և Ավստրիայի Զարգացման Գործակալության Ավստրիական Զարգացման և Համագործակցության ծրագրային միավորի և Շվեյցարիայի Զարգազման և Համագործակցության Գործակալության կողմից ֆինանսավորվող «Անասնապահության զարգացում Հայաստանում՝ հարավ – հյուսիս» ծրագրի ամփոփիչ սեմինար-քննարկում: Միջոցառման մասնակից-գործընկերների թվում էին Տավուշի, Լոռու, Գեղարքունիքի և Շիրակի մարզերի ծրագրի շահառու ֆերմերներն ու վերամշակողները, շահառու համայնքների ղեկավարներ, ինչպես նաև ՌԶԳ ՀԿ-ի աշխատակիցները:

Միջոցառման ընթացքում ծավալուն զեկույցների միջոցով ամփոփվեցին ծրագրի արդյունքները, մատնանշվեցին բոլոր ձեռքբերումները, փորձությունները և արձանագրվեցին քաղված դասերը, որոնք մեծ ներդրում կլինեն հետագա ծրագրերում  աշխատանքն էլ  ավելի կատարելագոծելու և ավելի արդյունավետ դարձնելու հարցում: Զեկուցողները բաղադրիչ առ բաղադրիչ ներկայացրեցին ծրագրի ընթացքում իրականացրած աշխատանքները՝ մասնավորապես շուկայի hասանելիության և զարգացման, ենթակառուցվածքների բարելավման,  անասնաբուժական ծառայությունների հասանելիության ուղղությամբ իրականացված գործողություններ: Ինչպես նաև ծավալվեց քննարկում ծրագրի բնապահպանական և գենդերային հարցերի շուրջ:

Միջոցառումն ամփոփվեց շնորհակալագրերի հանձմամբ՝ ՌԶԳ ՀԿ-ի նախագահ պ-ն Մկրտիչ Այվազյանի կողմից:

123