«Անասնակերի արտադրության արդյունավետ փորձը թիրախային համայնքներում» ենթածրագրի մասնակցության հայտարարություն

Անասնապահության զարգացում Հայաստանի հարավում» ծրագիրն առաջարկում է Սյունիքի և Վայոց ձորի մարզերի Սերս, Կարմրաշեն, Արտավան, Արին, Ելփին, Խաչիկ, Վերնաշեն, Գնիշիկ, Թասիկ, Աշոտավան, Քարաշեն, Կոռնիձոր, Ներքին Խնձորեսկ և Բարձրավան թիրախային համայնքների կին ֆերմերներին մասնակցել «Անասնակերի արտադրության արդյունավետ փորձը թիրախային համայնքներում» ենթածրագրին, որի նպատակն է նպաստել անասնապահության ոլորտում ֆերմերների գիտելիքների ու հմտությունների զարգացմանը և առաջարկել ֆերմերային տնտեսության համար անասնապահության վարման այնպիսի արդի լուծումներ, որոնց կիրառումը կնպաստի կենդանիների մթերատվության բարձրացմանը՝որակյալ կերային մշակաբույսերի արտադրության շնորհիվ: Ծրագրի ընթացքում ֆերմերները կստանան անհատական խորհրդատվություն անասնապահության ոլորտում արդյունավետ տարբերակով կերային կուլտուրաների մշակության վերաբերյալ՝ մասնավորապես գարու մաքուր մշակությունը կամ գարու մշակությունը այլ կերային մշակաբույսի ենթացանքով:

Մանրամասներին կարող եք ծանոթանալ ներբեռնելով հայտարարությունը:

 

ԵՄ աջակցության շնորհիվ «Լավլի Գորիս» հոսթելի ամրագրումների քանակը տասնապատիկ աճ է գրանցել

Երևան, հունիսի 13, 2018:// Ժիրայր Մարտիրոսյանը եւ Նադեժդա Սեւոյանը Գորիսում առաջիններից էին, որ 2003-ին գործարկեցին հոսթելի գաղափարը: Այդ պահից ի վեր նրանք հյուրեր են ընդունում աշխարհի տարբեր երկրներից: Երբ 2017 թ.-ի վերջին նման հնար-ավորություն ընձեռվեց, հոսթելը որպես շահառու ներգրավվեց «Տարածաշրջանային ՓՄՁ-երի մրցունակության խթանում» ծրագրում, որն իրականացվում է Հայաստանի Փոքր և Միջին Ձեռնարկությունների Զարգացման Ազգային Կենտրոնի- (ՀՀ ՓՄՁ ԶԱԿ), «Ռազմավարական Զարգացման Գործակալություն» (ՌԶԳ) ՀԿ և այլ գործընկերների կողմից համատեղ և  ֆինանսավորվում է Հայաստանում Եվրոպական Միության և ՀՀ Տարածքային Կառավարման և Զարգացման Նախարարության կողմից:

Հոսթելն առանձնանում էր իր հարմարություններով, համեղ ուտեստներով, որոնք տանտիրուհու կողմից տեղում պատրաստվում են հայկական ավանդական բաղադրատոմսերով և միայն թարմ սննդամթերքով, ինչպես նաև հոսթելի յուրահատուկ- ներքին հարդարանքով`սեփականատիրոջ` ժամանակակից գեղանկարիչ Ժիրայրի աշխատանքների ցուցադրությամբ: Սակայն հյուրընկալության ոլորտի կառավարման, առցանց մարքեթինգի և առաջխաղացման հմտությունների բացակայության պատճառով գրանցված առաջընթացը բավականին դանդաղ էր:

ՓՄՁ-ներին տրամադրվող շարունակական գործարար խորհրդատվության շրջանակներում ՌԶԳ թիմը լուծեց մի քանի կարեւոր խնդիրներ, որոնք խոչընդո-տում էին ձեռնարկության աճը: Միեւնույն տարածքում գործող Գորիս հյուրանոցի հետ շփոթմունքից խուսափելու համար «Գորիս Հոսթելը» «Լավլի Գորիս» վերանվանվեց: Լուծվեցին հյուրընկալության ոլորտի միջազգային ամրագրման հարթակներում (ինչպիսին է, օրինակ, Booking.com-ը) հոսթելի ներկայացման հետ առկա խնդիրները: Այս աշխատանքի արդյունքում մի քանի ամիս տևած դադարից հետո հոսթելը կրկին սկսեց ամրագրումների պատվերներ ստանալ: Տրամադրվող գործարար խորհրդատվության երկրորդ փուլի շրջանակներում ՌԶԳ թիմը, օգտագործելով առկա հնարավորությունները, երկու լրացուցիչ ծառայություն մշակեց  ձեռնարկության համար: Ժիրայրը, ով ճանաչված գեղանկարիչ է, սկսեց հոսթելի այցելուներին առաջարկել արվեստի թեմատիկայով էքսկուրսիաներ Գորիս քաղաքում, ինչպես նաև վարպետության դասեր հին Գորիսի բնական քարանձավում գտնվող իր արվեստանոցում: Սյունիքի մարզի արվեստով, պատմությամբ եւ մշակույթով հետաքրքրվող ճանապարհորդների համար մշակված այս փաթեթի շնորհիվ հոսթելը կրկին առանձնացավ քաղաքում հյուրընկալության ոլորտում գործող այլ ձեռնարկություններից` արդյունքում ստեղծելով իր համար հատուկ հաճախորդների թիրախային խումբ:

ՌԶԳ թիմը ձեռնարկության զարգացմանն ուղղված այլ միջոցառումների թվում կազմակերպեց և իրականացրեց տասնյակից ավելի զբոսաշրջային գործակալությունների ներկայացուցիչների այց ծրա-գրի շահառու ձեռնարկություններ` նպատակ ունենալով վերջիններիս ներգրավել զբոսաշրջային գործակալությունների գործընկերների շարքում: Արդյունքում` տրամադրվող գործարար խորհրդատվության եւ շուկայի հասանելիության ծառայությունների փաթեթի շրջանակներում ծրագրի հետ համագործակցության ընդամենը մի քանի ամիսների ընթացքում «Լավլի Գորիս» հոսթելը 2018-ի ապրիլ-մայիս ամիսներին ստացավ ավելի քան 40 ամրագրման պատվեր, ի տարբերություն 3-ի նախորդ տարվա նույն ժամանակահատվածում` միաժամանակ գրանցելով կայուն աճ:

«Տարածաշրջանային ՓՄՁ-ների մրցունակության խթանում» ծրագիրը ֆինանսավորվում է Եվրոպական Միության Պատվիրակության և ՀՀ Տարածքային Կառավարման և Զարգացման Նախարարության կողմից: Ծրագրի հիմնական նպատակն է խթանել տարածաշրջանային ՓՄՁ-ների մրցունակությունը և ստեղծել աշխատատեղերի կայուն հնարավորություններ Հայաստանի Լոռվա, Սյունիքի և Արմավիրի մարզերում: Ծրագիրն իրականացվում է Հայաստանի Փոքր և Միջին Ձեռնարկությունների Զարգացման Ազգային Կենտրոնի (ՀՀ ՓՄՁ ԶԱԿ) կողմից`«Ռազմավարական զարգացման գործակալություն» (ՌԶԳ) ՀԿ, «Արմավիր Զարգացման Կենտրոն» (ԱԶԿ) ՀԿ, «Սպիտակ-Ֆերմեր» (ՍՖ) ՀԿ, և «ՍՅՈՒՆ Խորհրդատվական-կրթական» (Սյուն) ՀԿ հետ համատեղ:

«Հայաստանի մարզերում կին ձեռներեցների վերապատրաստում՝ համակարգչային հմտությունների վերաբերյալ»

Ծրագիրն իրականացվել է «3ԱՐ ՍՏՐԱՏԵԳԻԱ» ՍՊԸ-ի կողմից ՝ Վերակառուցման և Զարգացման Եվրոպական Բանկի (EBRD) բիզնեսի խորհրդատվական ծառայությունների ծրագրի համար, որը ֆինանսավորվել է EuropeAid- ի, ՎԶԵԲ-ի վաղաժամկետ անցումային երկրների հիմնադրամի (ETC Fund), Կանադայի միջազգային զարգացման գործակալության (CIDA) կողմից: , Թայփեյ Չինաստանը և Միացյալ Նահանգների միջազգային զարգացման գործակալությունը (USAID) `Կանանց ձեռներեցության նախաձեռնության շրջանակներում CIDA և ETC հիմնադրամի հատուկ ֆինանսական աջակցությամբ:

«Հայաստանի մարզերում կին ձեռներեցների վերապատրաստումը՝ համակարգչային հմտությունների վերաբերյալ» ծրագիրը մեկնարկել է 13.11.2009 թ.-ին և տևեց մինչև 10.03.2010 թ. Թիրախային շրջաններն են Տավուշի մարզի Իջևան, Դիլիջան և Նոյեմբերյան քաղաքները, և Սյունիքի մարզի Գորիս, Սիսիան և Կապան քաղաքները:

Վերոնշյալ 6 քաղաքներում առաջարկված համակարգչային դասընթացների համար առաջարկվող համակարգչային ծառայության նպատակները հետևյալն են.

-բարձրացնել տեղեկացվածությունը և համակարգչային գրագիտության մակարդակը հեռավոր շրջաններում (օրինակ ՝ Տավուշում և Սյունիքում) կին ձեռներեցների շրջանում.

-ուժեղացնել կին ձեռներեցների կարողությունը `բարձրացնելու իրենց բիզնեսի արդյունավետությունը;

-բիզնեսի կարողությունների ուժեղացում `ներկայիս տնտեսական / շուկայական դժվարին իրավիճակում պահպանելու և հետագա զարգացման համար

-խրախուսել և օժանդակել այն կանանց ձեռներեցներին, ովքեր նոր են սկսել իրենց ձեռնարկատիրական նախաձեռնությունները (սկսնակ բիզնես):