Կազմակերպվեց հանդիպում «Սքայ Ագրո» ընկերության կողմից Հայաստանի խաղողագործության և գինեգործության հիմնադրամի հետ
«Ռազմավարական զարգացման գործակալություն» ՀԿ-ն շարունակում է աջակցել իր գործընկերներին՝ տեղական կազմակերպություններին և ընկերություններին նոր կապերի ստեղծման և համագործակցության հնարավորությունների ձևավորման հարցում։
Ապրիլի 1-ին տեղի ունեցավ հանդիպում «Ոլորտների թվայնացում հանուն մրցունակության» RECONOMY նախագծի շրջանակներում գործընկեր «Սքայ Ագրո» ՍՊԸ-ի և Հայաստանի խաղողագործության և գինեգործության հիմնադրամի մասնակցությամբ։
Հանդիպման ընթացքում ներկայացվեցին «Սքայ Ագրո» ընկերության կողմից տրամադրվող ծառայությունները և քննարկվեցին խաղողագործների հետ համագործակցության հաստատման հնարավորությունները։
«Սքայ Ագրո»-ն կիրառում է նորարարական մոտեցում՝ օգտագործելով գյուղատնտեսական անօդաչու թռչող սարքերը և գյուղատնտեսական հմուտ օդաչուները՝ ճշգրիտ գյուղատնտեսական պրակտիկաների շրջանակում բերքի արդյունավետ և նպատակային մոնիտորինգ իրականացնելու համար:
RECONOMY-ը Շվեդիայի միջազգային զարգացման համագործակցության գործակալության (Sida) տարածաշրջանային ներառական և կանաչ տնտեսական զարգացման ծրագիր է, որն իրականացվում է HELVETAS Swiss Intercooperation-ի կողմից՝ «Ռազմավարական զարգացման գործակալություն» ՀԿ-ի և Արևելյան Գործընկերության և Արևմտյան Բալկանների տարածաշրջաններում այլ կազմակերպությեւնների հետ համագործակցությամբ:
