«Հայաստանի կենդանի լանդշաֆտները շուկայի զարգացման համար» ծրագրի գործընկերների միջև կապերի հաստատմանն ուղղված միջոցառում

Ս․թ․ մարտի 1-2-ը «Ռազմավարական զարգացման գործակալություն» ՀԿ-ի  կողմից Շվեյցարիայի զարգացման և համագործակցության գործակալության աջակցությամբ, Բնության համաշխարհային հիմնադրամի հայաստանյան մասնաճյուղի հետ համատեղ իրականացվող «Հայաստանի կենդանի լանդշաֆտները շուկայի զարգացման համար» (ԼԻԼԱ) ծրագրի շրջանակներում կազմակերպվեց գործընկերների միջև կապերի հաստատմանն ուղղված միջոցառում։

Միջոցառման ընթացքում ստորագրվեց 20-ից ավել փոխըմբռնման հուշագիր «Ռազմավարական զարգացման գործակալություն» ՀԿ-ի և ԼԻԼԱ ծրագրի շահառուների ու գործընկերների միջև։

Միջոցառումը մեկնարկեց Շվեյցարիայի փոխդեսպան և հավասարապես Հայաստանում Շվեյցարիայի զարգացման համագործակցության համար պատասխանատու` պարոն Վերներ Թութի ողջույնի խոսքով, որ դիմելով հանդիման մասնակիցներին ասաց,-«Այս ծրագիրը նախատեսված է բազմաթիվ մարդկանց և ընկերությունների համար, և Ձեր աշխատանքը փոխում է հայկական զբոսաշրջության դեմքն ու ապագան»։

Միջոցառման ընթացքում ներկայացվեց «Հայաստանի կենդանի լանդշաֆտները շուկայի զարգացման համար» ԼԻԼԱ ծրագրի ընթացքը, ձեռքբերումները և մինչև 2025թվ․ պլանավորված գործողությունները։

Միջոցառման մասնակիցները հնարավորություն ունեցան ծանոթանալ Հայաստանում զբոսաշրջության զարգացման ռազմավարությանը, մարզային բիզնեսներին առնչվող զբոսաշրջության քաղաքականության մասին ՀՀ նոր օրենքին և քննարկել զբոսաշրջության զարգացման հեռանկարները։

Երկօրյա միջոցառման ընթացքում ծրագրի գործընկերներն ու շահառուները ներկայացրեցին ծրագրի աջակցությամբ արդեն իրականացված կամ նախագծված բիզնես գաղափարները։

Uncategorized

Ստորագրվեց փոխըմբռնման հուշագիր ՀՀ Էկոնոմիկայի նախարարության Զբոսաշրջության կոմիտեի և «Ռազմավարական զարգացման գործակալություն» ՀԿ-ի միջև

Ս․թ  փետրվարի 19-ին Շվեյցարիայի զարգացման և համագործակցության գործակալության կողմից ֆինանսավորվող և «Բնության համաշխարհային հիմնադրամի հայաստանյան մասնաճյուղի» կողմից (WWF-Հայաստան) ` «Ռազմավարական Զարգացման Գործակալություն» (ՌԶԳ) ՀԿ-ի հետ համատեղ իրականացվող «Հայաստանի կենդանի լանդշաֆտները շուկայի զարգացման համար» ծրագրի շրջանակներում ստորագրվեց փոխըմբռնման հուշագիր ՀՀ Էկոնոմիկայի նախարարության Զբոսաշրջության կոմիտեի և «Ռազմավարական զարգացման գործակալություն» ՀԿ-ի միջև։

Կառույցների միջև հաստատված համագործակցությունը միտված է ՀՀ Լոռու, Տավուշի, Վայոց Ձորի և Սյունիքի մարզերի ծրագրի թիրախային բնակավայրերում կայուն և  ներառական զբոսաշրջությունը խթանելուն, ինչպես նաև կայուն զբոսաշրջության միջոցով էկոհամակարգերի պահպանությանը։

Հուշագրի ստորագրման ընթացքում կողմերը պատրաստակամություն հայտնեցին շարունակելու և ամրապնդելու արդյունավետ համագործակցությունն ու ապահովելու երկուստեք մասնագետների ներգրավվածություն՝ մասնագիտական խորհրդատվություն տրամադրելու և թիրախային գյուղական բնակավայրերում կայուն և բնահեն զբոսաշրջային փորձառություններ զարգացնելու համար։

Uncategorized

ՄԿՈՒ ոլորտի խթանման աշխատանքային խմբի հանդիպումը

«Ռազմավարական զարգացման գործակալություն» ՀԿ-ի նախաձեռնությամբ «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում փետրվարի 15-ին տեղի ունեցավ միջին մասնագիտական կրթության և ուսուցման (ՄԿՈՒ) ոլորտում գործող դոնոր կազմակերպությունների երկխոսության հարթակի շրջանակներում ձևավորված աշխատանքային խմբի առաջին հանդիպումը։

Ողջունելով հանդիպման մասնակիցներին՝ Հայաստանում գյուղատնտեսության ոլորտում մասնագիտական կրթության և ուսուցման արդիականացում (ՄԱՎԵՏԱ) ծրագրի ղեկավար Լիլիթ Հովհաննիսյանն ընդգծեց ՄԿՈՒ ոլորտի խթանման նպատակով գործողությունների համակարգման և ընթացիկ ծրագրերի վերաբերյալ տեղեկատվության փոխանակման կարևորությունը։

«Ռազմավարական զարգացման գործակալություն» ՀԿ-ի հանրային հաղորդակցման մասնագետ Աննա Պողոսյանը ներկայացրեց «ՄԱՎԵՏԱ» ծրագրի շրջանակներում  կազմակերպության կողմից ՄԿՈՒ ոլորտում իրականացվող ռազմավարությունն ու գործողությունների պլանը։

Այնուհետև աշխատանքային խմբի անդամները ծանոթացան դոնոր  կազմակերպությունների կողմից Հայաստանում ՄԿՈՒ զարգացմանն ուղղված ծրագրերին և քննարկեցին միջին մասնագիտական կրթության խթանման համար անհրաժեշտ միջոցառումների, գործողությունների, իրազեկման արշավների կազմակերպման ու դրանց հանրայնացմանն առնչվող հարցերի լայն  շրջանակ։

Uncategorized

Դասընթաց` ՄԱՎԵՏԱ ծրագրի գործընկեր քոլեջների դասավանդողների համար

Փետրվարի 7-8-ը «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում «Ռազմավարական զարգացման գործակալություն» (ՌԶԿ) ՀԿ-ն ՄԿՈՒ հաստատություններում գենդերային զգայուն մոտեցումների կիրառման և խոցելի խմբերի ներկայացուցիչների համար հավասար հնարավորությունների ստեղծման թեմայով երկօրյա դասընթաց էր կազմակերպել ՄԱՎԵՏԱ ծրագրի գործընկեր քոլեջների դասավանդողների համար։

Դասընթացի մասնակիցներին ՄԿՈՒ ոլորտում հաշմանդամություն ունեցող անձանց հնարավորությունների բացահայտման և զարգացման, տարբեր հաշմանդամություն ունեցող անձանց համար խելամիտ հարմարեցումների, այս ոլորտում համաշխարհային միտումների և հաջողված փորձի մասին պատմեց ներառական կրթության փորձագետ՝ Սյուզաննա Պետրոսյանը։

Փորձագետը նաև ներկայացրեց հաշմանդամություն ունեցող անձանց մասին օրենքը, օրենսդրական դաշտի բարեփոխումներն ու անձնական օգնականի ինստիտուտի ներդրման մանրամասները։

Այնուհետև ՄԿՈՒ հաստատություններում գենդերային զգայուն մոտեցումների կիրառման անհրաժեշտության, հանրային կյանքում դրանց ընկալումների և դրսևորումների, ոլորտում տեղական ու միջազգային համեմատական փորձը ներկայացրեց  «Ռազմավարական զարգացման գործակալություն» ՀԿ-ի գենդերի և հանրային հաղորդակցման մասնագետ Աննա Պողոսյանը։

Երկօրյա դասընթացի ընթացքում մասնակիցները ներառականության մասին տեսական գիտելիքներն ամրապնդեցին գործնական աշխատանքի և դերախաղերի միջոցով։

«Կաթնարդյունաբերության ոլորտի ձեռնարկություններում լաբորատորիայի մասնագետի կարճաժամկետ վերապատրաստում» թեմայով դասընթաց

2024թ. հունվարի 29-ից փետրվարի 7-ը «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում «Ռազմավարական զարգացման գործակալություն» (ՌԶԿ) ՀԿ-ն «Կաթնարդյունաբերության ոլորտի ձեռնարկություններում լաբորատորիայի մասնագետի կարճաժամկետ վերապատրաստում» թեմայով դասընթաց է կազմակերպել ՄԱՎԵՏԱ-ի գործընկեր մասնավոր հատվածի լաբորատորիայի աշխատակիցների և Գորիսի ու Ստեփանավանի պետական գյուղատնտեսական քոլեջներում կաթի և կաթնամթերքի տեխնոլոգիա առարկան դասավանդողների համար։

6-օրյա վերապատրաստման դասընթացն ու գործնական պարապմունքներն իրականացրել է «ՍՏԱՆԴԱՐՏ ԴԻԱԼՈԳ» ՍՊ ընկերությունը, որի ուսումնական կենտրոնը հագեցած է եվրոպական չափորոշիչներին համապատասխան լաբորատորիաներով։

Դասընթացի մասնակիցներն ուսումնական կենտրոնի ղեկավար Հայկուշ Բատիկյանի գլխավորությամբ գիտելիք և հմտություն են ստացել կաթի նմուշառման, դրա ընթացակարգերի, գործիքների ու միջոցների, գնահատման, ֆիզիկաքիմիական և մանրէաբանական ցուցանիշների որոշման, կաթի-կաթնամթերքի արտադրությունում վտանգների վերլուծության ու հսկման, կրիտիկական կետերի կառավարման համակարգի ներդրման և մասնագիտական այլ նրբությունների վերաբերյալ։

Նրանք նաև հնարավորություն են ունեցել ինքնուրույն փորձարկումներ իրականացնել լաբորատորիաներում։ Ուսումնական գործընթացն ավարտվեց թեստավորմամբ։ Թեստավորման դրական արդյունքներով բոլոր մասնակիցները ստացան հավաստագրեր։

Դասընթացի մասնակիցները մասնավոր հատված-քոլեջ համագործակցության շրջանակներում այս դասընթացը կանցկացնեն նաև մարզերում։