«Ռազմավարական զարգացման գործակալություն» ՀԿ-ն 2012 թվականից համագործակցում է ՄԱԿ-ի Պարենի և գյուղատնտեսության կազմակերպության (ՊԳԿ) հետ՝ վերջինիս ֆինանսական աջակցությամբ իրականացնելով բազմաթիվ ծրագրեր և հետազոտություններ, որոնք հակիրճ ներկայացված են ստորև.

• «Հայաստանում անասնաբուժական ծառայությունների տեխնիկական և ինստիտուցիոնալ աջակցություն». Ծրագրի նպատակը` Սյունիքի մարզում անասնաբուժական ծառայությունների պետական հատվածի հզորացում՝ նպաստելով Հայաստանում սննդամթերքի անվտանգության համակարգի բարելավմանը և գյուղատնտեսության կայուն զարգացմանը:
• «Երկակի նշանակության խոշոր եղջերավոր կենդանիների պահպանման և գենետիկական նմուշների հավաքագրման ազգային հետազոտություն»․ Ուսումնասիրության նպատակը՝ գնահատել Հայաստանում կովկասյան գորշ խոշոր եղջերավոր կենդանիների ցեղի գենետիկական ռեսուրսների, արտադրական միջավայրի և բուծման հետ կապված ներկա իրավիճակը, բացահայտել ընտրված ցեղի առավելությունները, թույլ կողմերը, խոչընդոտները և հնարավորությունները:
• «Ինչպես բարելավել սիլոսի և կերերի պատրաստումը ստուգումների հաշվետվությունների հիման վրա». Հետազոտության նպատակը՝ գնահատել կենդանիների համար սիլոսի և կերերի սննդային որակը և առաջարկություններ մշակել ֆերմերներին իրենց տնտեսություններում սիլոսի և կերի որակի բարելավման վերաբերյալ: 
• «Արհեստական սերմնավորման ներկա իրավիճակը Հայաստանում». Հետազոտության նպատակը՝ գնահատել Հայաստանում ներկայումս առկա խոշոր եղջերավոր կենդանիների արհեստական սերմնավորման (ԱՍ) ծառայությունների տեխնիկական և ենթակառուցվածքային սահմանափակումները, ինչպես նաև առաջարկություններ ներկայացնել ԱՍ ծառայությունների բարելավման ոլորտների վերաբերյալ:
• «Հակամանրէային նյութերի օգտագործման և հակամանրէային դիմադրության փորձարկման համար նմուշների հավաքագրման հետազոտության իրականացում Հայաստանում». Հետազոտության նպատակը՝ ուսումնասիրել ֆերմերների և անասնաբուծական արտադրանք արտադրողների գիտելիքները, վերաբերմունքը և գործելակերպը հիմնական անասնաբուծական արտադրանքի արտադրության համակարգերի, անասնաբույժների, կեր արտադրողների/ գործարանների և անասնաբուժական դեղատների միջև՝ բացահայտելու նրանց հակամանրէային օգտագործման օրինաչափությունները:
• «Վեց երկրների և չորս լեզուների համար տվյալների հավաքագրման շարժական համակարգի մշակում»․ Ծրագրի նպատակը՝ հակամանրէային դեղամիջոցների օգտագործման օրինաչափության և հակամանրէային դիմադրության վերաբերյալ անասնաբուծական արտադրանք արտադրողների, անասնաբույժների, անասնաբուժական դեղատների և կեր արտադրողների/ գործարանների գիտելիքների, վերաբերմունքի և գործելակերպի ուսումնասիրության համար տվյալների հավաքագրման շարժական համակարգի մշակում:
• «Արտակարգ իրավիճակում մարդասիրական օգնություն Հայաստանում հակամարտությունից տուժած խոցելի խմբերին». Ծրագրի նպատակը՝ բարձրացնել շահառուների (տեղահանված ընտանիքների) գիտելիքները անասնաբուծության հաջողված փորձի և ֆերմայի կառավարման վերաբերյալ։
• «Կաթնամթերքի և թռչնաբուծական ֆերմերների և անասնաբույժների կարողությունների զարգացման ծրագիր՝ նվազեցնելու հակամանրէային նյութերի օգտագործումը՝ բարելավված անասնապահության և կենսաանվտանգության պրակտիկայի միջոցով». Ծրագրի նպատակը` բարձրացնել կաթնամթերքի և թռչնաբուծական ֆերմերների և անասնաբույժների գիտելիքները հակամանրէային դեղամիջոցների կրճատման վերաբերյալ և նպաստել կենսանվտանգության և հաջողված փորձի կիրառմանը:
• «Ֆերմաների, անասնաշուկաների և սպանդանոցների փոխկապակցում»․ Ծրագրի նպատակը՝ Հայաստանի Հանրապետության տարածքում գտնվող անասնաշուկաներից և սպանդանոցներից տվյալներ հավաքագրել և վերլուծել՝ փորձելով հասկանալ դրանց միջև կենդանիների տեղաշարժը, ինչպես նաև սպանդանոցների կառուցվածքն ու գործելակերպերը Հայաստանում։
• «Լեռնային Ղարաբաղից տեղահանված փախստականների գյուղատնտեսական և կենսապահովման կարիքների վերլուծություն»․ Ծրագրի նպատակը՝ հավաքագրել որակական և քանակական տվյալներ Լեռնային Ղարաբաղից տեղահանված փախստական ընտանիքների պարենային անվտանգության, գյուղատնտեսական կենսապահովման և եկամտաբեր հնարավորությունների (արժեշղթաների փոխկապակցվածության) վերաբերյալ: Բացի այդ, ծրագրի շրջանակներում նախատեսվում է գնահատել փախստական ընտանիքների մեծ կենտրոնացում ունեցող համայնքներում կամ բնակավայրերում  խոցելի հյուրընկալ ընտանիքների և տնային տնտեսությունների կարիքներն ու համատեքստը։
• «Գյուղատնտեսության ոլորտում աղետից հետո կարիքների գնահատում». Ծրագրի նպատակը՝ հավաքագրել որակական և քանակական տվյալներ գյուղատնտեսության ոլորտին վերաբերող վնասների և կորուստների, աղետից առաջ ելակետային իրավիճակի, ինչպես նաև աղետից հետո կարիքների վերաբերյալ: Գնահատել վնասների և կորուստների արժեքը և մշակել կանխատեսվող միտումների վերլուծություն: Վերականգնման և վերակառուցման կարիքների հիման վրա ներկայացնել վերականգնման ռազմավարության առաջարկություններ։
• «Հակամակաբուծային դեղերի օգտագործման ուսումնասիրություն և Հայաստանում հակամակաբուծային դեղորայքի նկատմամբ կայունության թեստավորման համար նմուշների հավաքագրում»․ Ծրագրի նպատակը՝ ուսումնասիրել ֆերմերների, անասնաբույժների և անասնաբուժական դեղատների գիտելիքները, մոտեցումները և պրակտիկան՝ բացահայտելու հակամակաբուծային դեղերի օգտագործման օրինաչափությունները, ինչպես նաև դրանց նկատմամբ կայունության վերաբերյալ տեսակետները։