26 Mar
HomePageARM

Հանդիպում ՀՀ Լոռու մարզի Գյուլագարակ և Լոռի Բերդ համայնքների ղեկավարների և առաջատար մասնագետների հետ

Սույն թվականի մարտի 25-26-ին, «Արոտների և խոտհարքների կայուն կառավարման նպատակով արոտների և խոտհարքների քարտեզների կիրառումը Շիրակի և Լոռու մարզերում» պիլոտային ծրագրի  շրջանակներում տեղի ունեցավ համայնքային հանդիպում ՀՀ Լոռու մարզի Գյուլագարակ և Լոռի Բերդ համայնքների ղեկավարների և առաջատար մասնագետների հետ: Հանդիպման նպատակն էր թվային քարտեզների ձևաչափի և բովանդակության վերաբերյալ թիրախային և ոչ թիրախային համայնքների ակնկալիքների, ինչպես նաև պահանջների բացահայտումը։

Պիլոտային ծրագիրը ֆինանսավորվում է ԳՄՀԸ  ԷԿՈՍԵՐՎ ծրագրի կողմից, Շվեյցարիայի զարգացման և համագործակցության գործակալության ֆինանսավորմամբ և «Ռազմավարական զարգացման գործակալություն» ՀԿ-ի կողմից իրականացվող «Անասնապահության զարգացում Հայաստանի հարավում» ծրագրի համաֆինանսավորմամբ։

Պիլոտային ծրագիրը նպատակ ունի մշակել թվային տեղեկատվական քարտեզների կիրառման ինստիտուցիոնալ մոդել, որը բխում է համայնքների պահանջներից և կարիքներից: Ինչն էլ հիմք կդառնա ՀՀ Էկոնոմիկայի ու Տարածքային կառավարման և ենթակառուցվածքների նախարարություններին հասանելի դարձած քարտեզների կիրառումը Հայաստանի Հանրապետության բոլոր համայնքներում իրականացնելու համար:

Պիլոտային ծրագրի ներկայացման մեկնարկային հանդիպումը տեղի ունեցավ 2021թվ. փետրվարի 11-ին, որի ընթացքում կատարվեց Գյուլագարակ համայնքի մասնագետների կողմից թվային քարտեզներն օգտագործելու կարողությունների և տեխնիկական հնարավորությունների գնահատում:

 

15 Mar
Uncategorized

Սպառողի իրավունքների պաշտպանության օրվան ընդառաջ կազմակերպվեց իրազեկման արշավ

Ինչպես և նախորդ չորս տարիներին, այս տարի ևս ՀՀ սննդամթերքի անվտանգության տեսչական մարմինը, «Ռազմավարական զարգացման գործակալություն» հասարակական կազմակերպության ակտիվ աջակցությամբ ու ֆինանսավորմամբ, մարտի 15-ին նախորդող շաբաթվա ընթացքում անցկացրեց իրազեկման մի շարք միջոցառումներ: «Ռազմավարական զարգացման գործակալություն» հասարակական կազմակերպության հետ համագործակցությունն իրականացվում է Շվեյցարիայի Զարգացման և Համագործակցության Գործակալության ֆինանսական աջակցությամբ իրականացվող «Անասնապահության զարգացում Հայաստանի հարավում» ծրագրի շրջանակներում:

Իրազեկման միջոցառումների շրջանակում՝ Երևանի դպրոցներից մեկում և Հայաստանի ազգային ագրարային համալսարանում աշակերտներին և ուսանողներին ներկայացվեցին սպառողի իրավունքներն ու պարտականությունները, խոսվեց, թե որքան կարևոր է կրթված և իրազեկ լինելը՝ սեփական իրավունքները պաշտպանելու, լսելի լինելու և չմոլորեցվելու տեսանկյունից:

Բնակչության սպառման համար մատակարարվող սննդամթերքի անվտանգության ապահովման խնդիրը համարվում է մեր երկրի պարենային անվտանգության կարևորագույն բաղադրիչներից մեկը: Տեղեկացված սպառողը, ով սննդամթերքի ընտրությունն իրականացնում է գրագետ՝ հաշվի առնելով դրա անվտանգությունն ու որակը, մեծագույն ներդրում է կատարում սննդամթերքի անվտանգության համակարգի կայացման գործում:

12 Mar
Uncategorized

Կայացավ ՄԿՈւ ոլորտում ծրագրեր իրականացնող դոնոր կազմակերպությունների երկխոսության/քննարկումների հարթակի հերթական հանդիպումը

Ս.թ. մարտի 11-12-ը Եվրոպական միության ֆինանսական աջակցությամբ և «Ռազմավարական զարգացման գործակալություն» ՀԿ-ի կողմից  իրականացվող «Համագործակցության խթանում` հանուն ՄԿՈՒ ոլորտում աշխատանքի վրա հիմնված ուսուցման (ԱՀՈՒ) արդյունավետ հնարավորությունների» ծրագրի շրջանակներում կազմակերպվեց երկխոսության/քննարկումների հարթակի հերթական հանդիպումը, որի նպատակն էր քննարկել ՄԿՈՒ ոլորտի առաջնային խնդիրները, ԱՀՈՒ պիլոտի արդյունքները և հնարավորություն ընձեռել ներկաներին՝ գտնելու համագործակցության նոր եզրեր:

Միջոցառման մեկնարկից առաջ ողջույնի խոսքով հանդես եկան ՀՀ կրթության, գիտության, մշակույթի և սպորտի (ԿԳՄՍ) նախարարի տեղակալ՝ տկն. Ժաննա Անդրեասյանը, ՀՀ բարձր տեխնոլոգիական արդյունաբերության նախարարի տեղակալ՝ տկն. Վիկտորիա Պողոսյանը, Հայաստանում Եվրոպական միության պատվիրակության Համագործակցության բաժնի ծրագրի ղեկավար՝ պրն. Դավիթ Ավագյանը և «Ռազմավարական զարգացման գործակալություն» ՀԿ ծրագրի ղեկավար՝ տկն. Լիլիթ Հովհաննիսյանը: Ելույթ ունեցողները կարևորեցին Աշխատանքի վրա հիմնված ուսուցման մոդելի ներդրումը Հայաստանի ՄԿՈՒ ոլորտում, մասնավորապես համավարակի հետ ստեղծված ճգնաժամային իրավիճակի պայմաններում՝ նշելով տվյալ մոդելի իրագործման զարգացման անհրաժեշտությունը հեռանկարային նոր մասնագիտությունների և կրթական մոդուլների մշակման ուղիների համատեքստում:

Հանդիպմանը ներկա էին ՀՀ կրթության, գիտության, մշակույթի և սպորտի նախարարության, ՀՀ բարձր տեխնոլոգիական արդյունաբերության նախարարության, Հայաստանում Եվրոպական միության պատվիրակության, ՀՀ Աշխատանքի և Սոցիալական հարցերի նախարարության Մասնագիտական կողմնորոշման և կարողությունների զարգացման կենտրոնի, Մասնագիտական կրթության և ուսուցման զարգացման ազգային կենտրոնի, Եվրոպական կրթական հիմնադրամի, Գերմանիայի միջազգային համագործակցության ընկերության, Զբաղվածության պետական գործակալության, ծրագրի գործընկեր հանդիսացող Գորիսի և Ստեփանավանի պետական գյուղատնտեսական քոլեջների և գործատուների, ինչպես նաև մի շարք այլ քոլեջների և շահագրգիռ կազմակերպությունների ներկայացուցիչներ:

Երկօրյա միջոցառման ընթացքում մասնակիցների միջև ակտիվ քննարկումներ տեղի ունեցան ԱՀՈՒ կրթական մոդելի ներդրման հետ կապված առկա խոչընդոտների, դրանց շտկման և արդյունավետության բարձրացման մեխանիզմների վերաբերյալ:

09 Mar
HomePageARM, HomePageARM, HomePageARM, HomePageARM

Հուշագրերի ստորագրմամբ պաշտոնապես մեկնարկեց «Հմտությունների և գիտելիքի զարգացում» պիլոտային ծրագիրը

2021թ․ մարտի 5-6-ին տեղի ունեցավ ՌԶԳ ՀԿ կողմից իրականացվող «Հմտությունների և գիտելիքի զարգացում» պիլոտային ծրագրի պաշտոնական բացմանը նվիրված հանդիպում-քննարկումը։

Հանդիպմանը ներկա էին ծրագրի՝ կարիքների գնահատման փուլում հատկորոշված գործընկերները՝ ՀՀ Կրթության, գիտության, մշակույթի և սպորտի նախարարության, ՀՀ Էկոնոմիկայի նախարարության Զբոսաշրջության պետական կոմիտեի, Հայաստանի Հանրապետության աշխատանքի և սոցիալական հարցերի նախարարության Զբաղվածության պետական գործակալության, Հայաստանի ազգային ագրարային համալսարանի, Պրոֆեսիոնալ զբոսավարների հայկական ասոցիացիայի, «Հայ լեռնագնացների միություն» ասոցիացիայի ներկայացուցիչները։

SIDA-ի գործընկեր  HELVETAS Swiss Intercooperation-ի աջակցությամբ իրականացվող «Հմտությունների և գիտելիքի զարգացում» պիլոտային ծրագրի առանցքային նպատակն է (ինքնա)զբաղվածության կենսունակ հնարավորություններ ստեղծել կանանց և երիտասարդների համար մասնավորապես զբոսաշրջության և գյուղատնտեսության ոլորտներում՝ հզորացնելով հմտություններ և գիտելիք մատուցող կառույցների կարողությունները, ինչպես նաև շահառուներին առաջարկելով ժամանակակից աշխատաշուկայի կարիքներին համապատասխան ոչ ֆորմալ դասընթացներ։

Հանդիպման ընթացքում ներկայացվեցին ծրագրի նպատակներն ու խնդիրները, գործընկերների հետ համագործակցության համատեքստում COVID_19-ով և Հայաստանում հետպատերազմյան իրավիճակով պայմանավորված մարտահրավերներն ու դրանց լուծման արդյունավետ ուղիները։ Քննարկման ընթացքում կարևորվեց 2020թ․Արցախյան երկրորդ պատերազմում տուժածների և նրանց ընտանիքների կարողունակության բարձրացման և ժամանակակից աշխատաշուկային նրանց ինտեգրմանն աջակցությունը։

Ծրագրի մեկնարկը նշանավորվեց գործընկերների միջև փոխըմբռնման հուշագրերի ստորագրմամբ։ Կողմերը պատրաստակամություն հայտնեցին ակտիվ գործակցության՝ ի շահ ծրագրի սահուն իրականացման և դրական արդյունքների։

25 Feb
NEWSARM, NEWSARM, NEWSARM, NEWSARM, NEWSARM

«Հելվետաս շվեյցարական փոխգործակցության» ներկայացուցիչների պաշտոնական այցը Հայաստան

2021 թ. փետրվարի 22-24-ին «Հմտությունների և գիտելիքի զարգացում» պիլոտային ծրագրի շրջանակներում Հայաստան են այցելել Helvetas շվեյցարական փոխգործակցության ներկայացուցիչները: Նրանց այցի հիմնական նպատակն էր հանդիպել ՌԶԳ ՀԿ-ի աշխատակիցներին ու ծրագրի գործընկերներին և քննարկել առկա իրավիճակն ու զբոսաշրջության և գյուղատնտեսության ոլորտներում առկա բացերը:

Եռօրյա պաշտոնական այցի շրջանակներում Հարավային Կովկասի նախագծերի տարածաշրջանային ղեկավար Ալեքսանդր Գոգոբերիձեն և Արևմտյան Բալկանների տարածաշրջանային ղեկավար Լեա Շլակուն հանդիպումներ ունեցան Հայաստանի ազգային ագրարային համալսարանի (ՀԱԱՀ) ռեկտոր պրն. Վարդան Ուռուտյանի, Զբաղվածության պետական ​​գործակալության ղեկավար պրն. Արտակ Սիմոնյանի և «Պրոֆեսիոնալ զբոսավարների հայկական ասոցիացիա» հասարակական կազմակերպության նախագահ պրն. Յաշա Սոլոմոնյանի և այլոց հետ: Հանդիպումների ընթացքում նրանք խոսեցին զբոսաշրջության և գյուղատնտեսության հնարավորությունների ու մարտահրավերների մասին և քննարկեցին «Հմտությունների և գիտելիքի զարգացում» ծրագրի հետ համագործակցության շրջանակներում նախատեսվող նախաձեռնությունները:

Helvetas շվեյցարական փոխգործակցության ներկայացուցիչները նշեցին, որ հանդիպումները բովանդակալից և արդյունավետ էին և իրենց երախտագիտությունը հայտնեցին հայկական հյուրընկալության համար:

«‹9899100101102›»