15 Oct
NEWSARM, NEWSARM, NEWSARM

Տաշիրում անցկացվեց պանրի ամենամյա փառատոնը

Հոկտեմբերի 14-ին պանրագործության հարուստ մշակույթ ունեցող Տաշիր քաղաքում, համայնքապետարանի նախաձեռնությամբ կազմակերպվեց պանրի՝ արդեն ավանդույթ դարձած ամենամյա փառատոնը, որը համընկել էր նաև Տաշիրի օրվա հետ։ Այս տարի «Ռազմավարական Զարգացման Գործակալություն» (ՌԶԳ) ՀԿ-ն «Անասնապահության զարգացում Հայաստանում` հարավ-հյուսիս» ծրագրի[1] շրջանակներում աջակցություն ցուցաբերեց համայնքապետարանին փառատոնի կազմակերպման գործում:

Փառատոնին իրենց արտադրանքն էին ներկայացրել Տաշիրի ու հարակից համայնքների պանրագործությամբ զբաղվող  գրեթե բոլոր ընկերություններն ու անհատ ձեռնարկատերերը, ինչպես նաև ՌԶԳ ՀԿ-ի ծրագրերի  շահառու ընկերություններ` Լոռու (Գրանդ Միլկ» Ա/Ձ-ն, «Լոռվա Կաթ» ՍՊԸ-ն, «Գագիկ Մանուկյան» Ա/Ձ-ն, «Վիգեն Գրիգորյան» Ա/Ձ-ն), Շիրակի («Հայկավան կաթ» Ա/Ձ-ն), Տավուշի («Տիգրան Շահնազարյան» Ա/Ձ-ն) և Գեղարքունիքի մարզերից («Ռոզա 1» ԳԿ-ն):

Կաթի վերամշակողները քաղաքային տոնին ներկայացրեցին իրենց բարձրորակ ու լայն ապրանքատեսականին` հնարավորություն տալով փառատոնի հյուրերին համտեսել ներկայացված արտադրանքը և գնահատել դրանց որակական ու համային հատկանիշները:

Պանրի, գինու ու քաղցրավենիքի առատ հյուրասիրությունը, համերգային ծրագրի ուղեկցմամբ, վերածեցին միջոցառումը իսկական տոնի տաշիրցիների և հյուրերի համար:

27 Sep
NEWSARM

՛՛Կաթի և կաթնամթերքի տեխնոլոգիա՛՛ մասնագիտության փորձարարական լաբորատորայի պաշտոնական բացումը

2018թ. սեպտեմբերի 26-ին, Գորիսի պետական գյուղատնտեսական քոլեջում տեղի ունեցավ «Կաթի և կաթնամթերքի տեխնոլոգիա» մասնագիտության փորձարարական լաբորատորիայի բացման միջոցառումը:

«Կաթի և կաթնամթերքի տեխնոլոգիա» մասնագիտության փորձարարական լաբորատորիան հիմնվել է «Մասնագիտական կրթության և ուսուցման զարգացում Սյունիքի մարզում» ծրագրի աջակցությամբ, որն իրականացվում է «Ռազմավարական զարգացման գործակալություն» (ՌԶԳ) ՀԿ կողմից և Կիրառական գիտությունների Բեռնի համալսարանի գյուղատնտեսության, անտառային և պարենային գիտությունների դպրոց (HAFL) կազմակերպությունների հետ համատեղ, HEKS/EPER-ի (Շվեյցարիայի եկեղեցու օգնություն) ֆինանսավորմամբ, 2016թ.-ի հոկտեմբերի 1-ից:

Միջոցառմանը ողջույնի խոսքով հանդես եկան ՀՀ ԿԳՆ Նախնական /արհեստագործական/ և միջին մասնագիտական կրթության վարչության պետ պ-ն Ա.Աղբալյանը, փոխհամայնքապետ տ-ն Ի. Յոլյանը, «Մասնագիտական կրթության և ուսուցման զարգացում Սյունիքի մարզում» ծրագրի ղեկավար տ-ն Լ. Հովհաննիսյանը և Գորիսի պետական գյուղատնտեսական քոլեջի տնօրեն տ-ն Ն. Ավետիսյանը: Միջոցառմանը ներկա էին Սյունիքի մարզպետարանի ներկայացուցիչներ, Գորիսի համայնքապետարանի ներկայացուցիչներ, գործատուներ, հասարակական կազմակերպությունների ներկայացուցիչներ, դասախոսներ, ուսանողներ, լրագրողներ և այլ հյուրեր:

Լաբորատորիայի պաշտոնական բացման արարողությունից հետո մասնակիցները հնարավորություն ունեցան շրջայց կատարել լաբորատորիայում:

«Կաթի և կաթնամթերքի տեխնոլոգիա» մասնագիտության փորձարարական լաբորատորիայի հիմնումը  մեծ ձեռքբերում է Գորիսի պետական գյուղատնտեսական քոլեջի համար: Ուսանողները կծանոթանան պանրի ու կաթնամթերքի արտադրության հետ կապված տեխնոլոգիաներին, հնարավորություն կունենան համատեղել տեսական և գործնական գիտելիքները և ձեռք բերել աշխատանքային շուկայի պահանջներին համապատասխան հմտություններ:

16 Sep
Uncategorized

Գյուղական կյանքի և ավանդույթների փառատոն 2018

«Ռազմավարական Զարգացման Գործակալություն» ՀԿ-ի «Անասնապահության զարգացում Հայաստանի հարավում» ծրագրի երկու գործընկեր՝ «ՍԻՍ-ԱԼՊ»  ՍՊԸ-ն և «Թադ-Մ» ՍՊԸ-ն, ինչպես նաև «Տարածաշրջանային ՓՄՁ-ների մրցունակության խթանում» ծրագրի երկու ակտիվ շահառուներ՝ «Արկադյա Խաչիկյան» ԱՁ–ն և «Թության»  ՍՊԸ-ն այս տարի իրենց լայն ապրանքատեսականին ներկայացրեցին հանրությանը՝ արդեն ավանդական դարձած «Գյուղական կյանքի և ավանդույթների փառատոն»-ին:

Փառատոնի անցկացումը ամենամյա բնույթ է կրում և կազմակերպվում է գյուղատնտեսության աջակցության «Կանաչ արահետ» ՀԿ-ն` ՀՀ գյուղատնտեսության նախարարության, Երևանի քաղաքապետարանի և տեղական ու միջազգային կազմակերպությունների աջակցությամբ: Այս տարի Փառատոնը տեղի ունեցավ սեպտեմբերի 15-ին` Կիրովի անվան մանկական այգում: Փառատոնի հիմնական նպատակն է աջակցել գյուղական համայնքների զարգացմանը:

«Ռազմավարական Զարգացման Գործակալություն» ՀԿ-ն արդեն երրորդ տարին է, ինչ հանդիսանում է այս փառատոնի կազմակերպման գործընկերը: Փառատոնի ընթացքում անցկացվեցին մրցույթներ ֆերմերների միջև տարբեր անվանակարգերում, ինչպես նաև հետաքրքիր միջոցառումներ ու խաղեր երեխաների համար: Փառատոնը ուղեկցվում էր կենդանի երաժշտությամբ, ավանդական երգ ու պարով:

Այս «համեղ» փառատոնի ընթացքում ցուցադրվել է մրգի, բանջարեղենի, կաթնամթերքի, մեղրի, չրերի լավագույն տեսականին և բոլոր ներկաները հնարավորություն են ունեցել ոչ միայն համտեսել, այլ նաև գնել դրանք: Այս փառատոնի ընթացքում Հայաստանի, Վրաստանի և Իրանի ֆերմերները ներկայացրեցին իրենց բարձրորակ արտադրանքը, որն աչքի էր ընկնում նաև իր յուրահատուկ համով և տեսքով:

 

09 Aug
Uncategorized

Հիմնադիր ժողովի որոշմամբ հիմնադրվեց Անասնաբույժների Ազգային Ասոցացիա ՀԿ-ն

2018թ. օգոստոսի 3-ին տեղի ունեցավ «Անասնաբույժների ազգային ասոցացիա»  ՀԿ-ի  (այսուհետ՝ ԱԱԱ) հիմնադիր ժողովը: Միջոցառումը կազմակերպվել էր Ռազմավարական Զարգացման Գործակալություն (ՌԶԳ) ՀԿ-ի աջակցությամբ՝ «Անասնապահության զարգացում Հայաստանի հարավում» ծրագրի շրջանակներում և անցկացվում էր Սյունիքի Անասնաշուկայում: Ավելի քան 30 անասնաբույժներ, CARD հիմնադրամի աշխատակիցներ և ՌԶԳ թիմի անդամներ մասնակցեցին միջոցառմանը: Քվեարկության արդյունքում միաձայն որոշում կայացվեց հիմնադրելու ասոցացիա՝ հարակից պետական կառույցների հետ երկխոսության հաստատումն ապահովելու համար, որի արդյունքում հնարավոր կդառնա կենդանիների առողջության արդյունավետ ծառայությունների մատուցումը: Հանդիպման ընթացքում ԱԱԱ-ն ընդունեց իր կանոնադրությունը, ինչպես նաև ընտրեց խորհրդի կազմը՝ բաղկացած ՀՀ տարբեր մարզեր ներկայացնող 5 անձից: Փորձառու անասնաբույժ Տիգրան Գաբրիելյանը միաձայն քվեարկությամբ ընտրվեց ասոցացիայի նախագահ:

Ժողովի ընթացքում քննարկվեցին նաև կենդանիների առողջությանն առնչվող հարցեր և զարգացման հնարավոր հեռանկարներ: Հիմնախնդիրների շարքում հատկապես առանձնացվեց անասնաբույժների համար բժշկական ապահովագրության բացակայության խնդիրը, քանի որ վերջիններս մասնագիտության բերումով զգայուն են տարբեր վարակների ու հիվանդությունների հանդեպ: Խոսվեց նաև այնպիսի խնդիրների մասին, ինչպիսիք են անասնաբույժների հմտությունների ու որոկավորման բարձրացումը, ոլորտի երիտասարդ մասնագետների կրթումը, միջազգային փորձին ծանոթանալու ու փորձի փոխանակման անհրաժեշտությունը և այլն: Հիմնադիր ժողովն ավարտվեց որոշում կայացնելով կրկին հանդիպել և մշակել առավել ընդգրկուն և հանգամանալի օրակարգ:

 

08 Aug
SuccessStoriesARM

ԵՄ աջակցության շնորհիվ Լիանա Գրիգորյան ԱՁ-ն ընդլայնել է իր արտադրությունը

Լիանա Գրիգորյանը ԵՄ կողմից ֆինանսավորվող «Տարածաշրջանային ՓՄՁ-ների մրցունակության զարգացման ծրագրի»  տասնյակ շահառուներից մեկն է: Լիանան ապրում է Սյունիքի Վաղատուր գյուղում ամուսնու, ով պանրի փորձառու տեխնոլոգ է, և երեխաների հետ: Ընտանիքի աջակցությամբ 2015թ.-ին ստեղծվեց Լիանա Գրիգորյան ԱՁ` պանրի արտադրությամբ զբաղվող ընտանեկան բիզնեսը: Ի սկզբանե դա փոքրիկ արտադրամաս էր, որի իրացման միակ շուկան Գորիս քաղաքն էր: Այսօր արդեն ձեռնարկությունն ընդլայնել է իր շուկան Սյունիքի տարածքում, ինչպես նաև ընդգրկել երկու խանութ և մեկ սրճարան Երևանում:

Զարգացման ճանապարհը, սակայն, հարթ ու դյուրին չի եղել: Գործարար ընտանիքը բազմաթիվ խոչընդոտների հետ մեկտեղ կարողացավ հաղթահարել նաև 2017թ. վերջի և 2018թ. սկզբի կաթի շուկայի լճացումն ու դառնալ դինամիկ զարգացող ձեռնարկություն, որն աշխատում է ժամանակակից տեխնոլոգիաներով՝ պահպանելով սննդամթերքի անվտանգության բոլոր չափանիշները:

Ռազմավարական զարգացման գործակալություն ՀԿ-ն ակտիվորեն ներգրավված է եղել Լիանա Գրիգորյան ԱՁ-ի զարգացմանը՝ տրամադրելով բիզնես խորհրդատվություն, սովորեցնելով ղեկավարման հմտություններ, զբաղվելով արտադրանքի մարքեթինգային առաջխաղացմամբ և վաճառքի ծավալների մեծացմամբ:  Շարունակական խորհրդատվությունն ու համատեղ ջանքերը ի վերջո դարձան նոր՝ «Մառանա» ապրանքանիշի ստեղծման հիմքը: Բրենդինգն ու նոր ձևավորումը, ինչպես նաև առաջարկվող ապրանքատեսականու ընդլայնումը (հինգ նոր ապրանքատեսակ) օգնեցին դարձնել արտանդրանքն ավելի ներկայացուցչական ու մրցակցային: 2018թ.-ի հուլիսին Լիանա Գրիգորյան ԱՁ-ն ավելացրել էր աշխատակիցների քանակը մեկով և գրանցել 40% վաճառքի աճ ի համեմատ 2017թ.-ի նույն ժամանակահատվածի: Այսօր ձեռնարկությունը հանդիսանում է շուկայի կարևոր և ազդեցիկ մասնակից, որը կանոնավոր կերպով կաթ է մթերում Սյունիքի ավելի քան հարյուր ֆերմերներից:

Ծրագի շրջանակներում կազմվել է նաև գրանտային ծրագիր, որը հավանության է արժանացել ՀՀ գյուղատնտեսության նախարարության “Գյուղատնտեսական ծրագրերի իրականացման գրասենյակ” պետական հիմնարկության կողմից: Այն նախատեսված է արտադրամասի վերանորոգման և նոր սարքավորումների ձեռքբերման համար: Մինչև տարվա ավարտը ձեռնարկությունը պլանավորում է հիմնել երկրորդ արտադրամասը Գորիսում և աշխատանքի ընդունել ևս երկու աշխատակից:

«Տարածաշրջանային ՓՄՁ-ների մրցունակության խթանում» ծրագիրը ֆինանսավորվում է Եվրոպական Միության Պատվիրակության և ՀՀ Տարածքային Կառավարման և Զարգացման Նախարարության կողմից: Ծրագրի հիմնական նպատակն է խթանել տարածաշրջանային ՓՄՁ-ների մրցունակությունը և ստեղծել աշխատատեղերի կայուն հնարավորություններ Հայաստանի Լոռվա, Սյունիքի և Արմավիրի մարզերում: Ծրագիրն իրականացվում է Հայաստանի Փոքր և Միջին Ձեռնարկությունների Զարգացման Ազգային Կենտրոնի (ՀՀ ՓՄՁ ԶԱԿ) կողմից`«Ռազմավարական զարգացման գործակալություն» (ՌԶԳ) ՀԿ, «Արմավիր Զարգացման Կենտրոն» (ԱԶԿ) ՀԿ, «Սպիտակ-Ֆերմեր» (ՍՖ) ՀԿ, և «ՍՅՈՒՆ Խորհրդատվական-կրթական» (Սյուն) ՀԿ հետ համատեղ:

«‹6566676869›»