RECONOMY-ի «Ոլորտների թվայնացում հանուն մրցունակության» ծրագրի շրջանակներում «Ռազմավարական զարգացման գործակալություն» ՀԿ-ի թիմը ծրագրի ղեկավար Մհեր Սահակյանի գլխավորությամբ սեպտեմբերի 17-ին հյուրընկալեց գործընկեր ՀԵԼՎԵՏԱՍ կազմակերպության և ծրագրի գործընկեր «ՍՔԱՅԱԳՐՈ» ՍՊԸ-ի ներկայացուցիչներին։
Կողմերը քննարկեցին ծրագրային նպատակներին առնչվող միջոցառումները, ինչպես նաև տվյալների հավաքագրման համար կիրառվող համակարգերը։
Հանդիպմանը ներկա էին նաև ՍքայԱգրո-ի ծառայություններից օգտվող երկու ֆերմերներ, որոնք ներկայացրեցին ընկերության ծառայություններից օգտվելու արդյունքում ունեցած դրական փորձը` ծախսերի կրճատման ու խնայողության տեսանկյունից։
RECONOMY-ն Շվեդիայի միջազգային զարգացման համագործակցության գործակալության (Sida) ներառական և կանաչ տնտեսական զարգացման ծրագիր է, որն իրականացվում է Helvetas-ի կողմից՝ համագործակցելով Ռազմավարական զարգացման գործակալության ՀԿ-ի և Արևելյան գործընկերության և Արևմտյան Բալկանյան երկրների այլ կազմակերպությունների հետ։
