RECONOMY-ի «Ոլորտների թվայնացում հանուն մրցունակության» ծրագրի աջակցությամբ ընտրված գործընկերներ՝ Armenian Tourism Federation NGO, Phoenix Tour Armenia LLC, AM Travel LLC և Visit Moldova – Infotourism Group SRL, մասնակցել են New Deal Europe Marketplace and Forum 2026-ին, որը կայացել է մարտի 24-ին՝ Լոնդոնի Emirates Stadium-ում։
Workstream 2 – Market Entry & B2B ուղղության շրջանակում նախաձեռնությունը հնարավորություն է տվել նպատակային հանդիպումներ անցկացնել Մեծ Բրիտանիայի, ԵՄ-ի և ԱՄՆ-ի միջազգային գնորդների հետ, որի արդյունքում՝
- Ավելացել է միջսահմանային, շուկային պատրաստ զբոսաշրջային պրոդուկտների տեսանելիությունը
- Ստեղծվել են նոր միջազգային գործարար կապեր
- Ուժեղացել է Հայաստանի և Մոլդովայի դիրքավորումը բազմաերկրային զբոսաշրջային երթուղիներում
Միջոցառման կարևոր արդյունքներից էր Armenian Tourism Federation-ի և New Deal Europe-ի միջև համագործակցության շրջանակի մեկնարկը, որը նոր հնարավորություններ է բացում երկարաժամկետ գործընկերության համար։
Այսպիսի ռազմավարական մասնակցությունների միջոցով RECONOMY-ն շարունակում է բարձրացնել տարածաշրջանային զբոսաշրջային ՓՄՁ-ների մրցունակությունը՝ ներառյալ կանանց և երիտասարդների կողմից ղեկավարվող բիզնեսները, միաժամանակ խթանելով միջազգային շուկաներ մուտքը։
RECONOMY-ն Շվեդիայի միջազգային զարգացման համագործակցության գործակալության (Sida) ներառական և կանաչ տնտեսական զարգացման ծրագիր է, որն իրականացվում է Helvetas-ի կողմից՝ համագործակցելով «Ռազմավարական զարգացման գործակալություն» ՀԿ-ի և Արևելյան գործընկերության և Արևմտյան Բալկանյան երկրների այլ կազմակերպությունների հետ։