Արարատի մարզի Արտաշատի, Վեդիի և Արարատի համայնքներում «Նորարարական անասնապահություն․ կենդանիների նախրաքաշ, բուծում և շուկաներ» (INLIMA) ծրագրի շրջանակում կազմակերպվեցին մասնագիտական աշխատանքային քննարկումներ՝ միավորելով ոլորտի հիմնական դերակատարներին մեկ հարթակում։
Հանդիպումներին մասնակցեցին՝
- կաթի և մսի վերամշակող ընկերությունների ներկայացուցիչներ,
- սպանդանոցների ղեկավարներ և մասնագետներ,
- անասնաբույժներ,
- անասնապահությամբ զբաղվող ֆերմերներ։
Քննարկումների առանցքում էին նախրաքաշի արդյունավետ կառավարման և գենետիկական ներուժի բարելավման հարցերը, արտադրության կազմակերպման արդիական մոտեցումները, որակի ապահովումը, ինչպես նաև շուկայական պահանջներին համապատասխան արտադրանքի ձևավորումը։ Առանձնահատուկ ուշադրություն դարձվեց արժեշղթայի օղակների միջև համագործակցության մեխանիզմների հստակեցմանը՝ նպատակ ունենալով նվազեցնել ռիսկերն ու բարձրացնել ոլորտի ընդհանուր արդյունավետությունը։
Մասնագիտական երկխոսությունը հնարավորություն տվեց ոչ միայն բարձրաձայնել առկա խնդիրները, այլև ձևակերպել համատեղ գործողությունների ուղենիշներ՝ ուղղված արտադրողականության աճին, ծախսերի օպտիմալացմանը և տեղական արտադրանքի մրցունակության ամրապնդմանը։
INLIMA ծրագիրը նման ձևաչափով հանդիպումների միջոցով խթանում է փաստահեն և գործընկերային մոտեցումները՝ նպաստելով անասնապահության ոլորտի համակարգային բարեփոխումներին և կայուն զարգացման հիմքերի ձևավորմանը։
«Նորարարական անասնապահություն․ կենդանիների նախրաքարշ, բուծում և շուկաներ» (INLIMA) ծրագիրն իրականացվում է «Ռազմավարական զարգացման գործակալություն» ՀԿ-ի կողմից՝ Ավստրիական զարգացման և համագործակցության ծրագրային միավոր Ավստրիայի զարգացման գործակալության ֆինանսավորմամբ: