«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակում մարտի 24-25-ին իրականացվեց կամամբեր և մոցառելլա պանրի տեսակների արտադրական տեխնոլոգիայի վերաբերյալ անհատական խորհրդատվություն՝ ծրագրի գործընկեր «Բորիսովկա» պանրի գործարանի համար։
Խորհրդատվությունը տրամադրեց շվեյցարացի պանրագործ և խորհրդատու Հանս Կնուսելը։
Եվրոպացի փորձագետի ուղղորդմամբ ընկերության աշխատակիցները պատրաստեցին կամամբեր և մոցառելլա պանիրներ, ինչպես նաև ծանոթացան իրենց պատրաստած պանիրների հետագա մշակման, աղադրման, հասունության, փաթեթավորման ու պահպանման գործընթացին։
ՄԱՎԵՏԱ ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, Շվեյցարիայի եկեղեցու օգնություն (HEKS/EPER) ՀԿ-ն, Իզմիրլյան հիմնադրամը, Ռազմավարական զարգացման գործակալություն (ՌԶԳ) ՀԿ-ն և «Վանանդ Ագրո» ՓԲԸ-ն:
Ծրագիրն իրականացնող գործընկերներն են Գերմանական միջազգային համագործակցության ընկերությունը (GIZ) և Շվեյցարիայի եկեղեցու օգնություն (HEKS/EPER) ՀԿ-ն՝ ՌԶԳ-ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ: