«Ռազմավարական զարգացման գործակալություն» ՀԿ-ի կողմից իրականացվող «Հայաստանում գյուղատնտեսության ոլորտում ՄԿՈՒ արդիականացում» (ՄԱՎԵՏԱ) ծրագրի շրջանակներում օգոստոսի 16-17-ը Դիլիջանում թիմակառուցման դասընթաց անցկացվեց ծրագրի գործընկեր Բերդի բազմագործառութային պետական քոլեջի համար։
«Թիմակառուցում, ժամանակի կառավարում, կոնֆլիկտի հաղթահարում, բանակցությունների վարում և որոշումների կայացում» թեմաներով երկօրյա դասընթացի մասնակիցները ծանոթացան թիմային աշխատանքում հաղորդակցության և համագործակցության բարելավման ռազմավարությանը, թիմի համախմբման և վստահության միջավայրի ձևավորման առանձնահատկություններին, կոնֆլիկտների հաղթահարման հմտություններին, բանակցությունների վարման և որոշումների կայացման տեխնիկային և ժամանակի կառավարման նրբություններին։
Դասընթացավար Շահանե Բեգլարյանը մասնակիցների տեսական գիտելիքները ամրապնդեց խմբային աշխատանքների, դերային խաղերի և քննարկումների միջոցով։
