Լոռու սարահարթերում մեծացած երիտասարդ գործարար Մարիամ Եգանյանը փոքր տարիքից մասնակցել է վայրի դեղաբույսերի հավաքին՝ զգալով հատկապես չքաղած ուրցի անուշաբույրը, որը նրա համար դարձավ ոչ միայն հիշողություն, այլև արժեքային հիմք։ Այդ զգացողությունը տարիների ընթացքում վերածվեց հստակ տեսլականի՝ ստեղծել արտադրանք, որը կմիավորի բնությունը, որակը և պատասխանատվությունը։
Մայրիկի գաղափարով 2022թ․ նրանք հիմնեցին ընտանեկան չորանոց-թեյարանը՝ դնելով Loreni բրենդի հիմքը։ Մարիամի առաջնորդությամբ նախաձեռնությունը դարձավ կանանց ներգրավմամբ զարգացող բիզնես, որտեղ առանձնահատուկ ուշադրություն է դարձվում պատասխանատու վայրի հավաքին․ բույսերը կտրվում են մկրատի կամ դանակի օգնությամբ՝ առանց արմատը վնասելու, որպեսզի պահպանվի բնական վերարտադրությունը։
2022 թվականին, Մարիամի մայրիկի՝ Մանիկի գաղափարից ծնվեց ընտանեկան նախաձեռնությունը, որը Մարիամի առաջնորդությամբ ձևավորվեց որպես Loreni բրենդ։ Նախաձեռնությունը դարձավ կանանց ներգրավմամբ զարգացող բիզնես, որտեղ առանձնահատուկ ուշադրություն է դարձվում պատասխանատու վայրի հավաքին․ բույսերը կտրվում են մկրատի կամ դանակի օգնությամբ՝ առանց արմատը վնասելու, որպեսզի պահպանվի բնական վերարտադրությունը և կենսաբազմազանությունը։
Հայաստանի կենդանի լանդշաֆտները շուկայի զարգացման համար (LILA) ծրագրի աջակցությամբ կառուցվեց ժամանակակից չորանոց-թեյարան, արդիականացվեց չորացման գործընթացը, և բարելավվեց փաթեթավորումն ու բրենդավորումը։ Արդյունքում ընտանեկան գաղափարը վերածվեց կայուն ձեռնարկության, որը մատակարարում է թեյեր նաև գյուղական հյուրատներին՝ կապելով արտադրությունը համայնքային զարգացման և զբոսաշրջության հետ։
Այսօր Մարիամ Եգանյանը մարմնավորում է նոր սերնդի գործարար կնոջ կերպարը՝ ռազմավարական մտածողությամբ, արժեքահեն կառավարմամբ և հստակ պատասխանատվությամբ համայնքի ու բնության նկատմամբ։
Սա վառ օրինակ է, թե ինչպես կարող է կանանց առաջնորդությունը և տեղական ռեսուրսների խելամիտ օգտագործումը ձևավորել տնտեսական աճի և տարածաշրջանային զարգացման իրական շարժիչ ուժ։
«Հայաստանի կենդանի լանդշաֆտները շուկայի զարգացման համար» (ԼԻԼԱ) ծրագիրն իրականացվում է Բնության համաշխարհային հիմնադրամի հայաստանյան մասնաճյուղի կողմից (WWF-Հայաստան) «Ռազմավարական զարգացման գործակալություն» ՀԿ–ի հետ համատեղ: Ծրագիրը ֆինանսավորվում է Շվեյցարիայի զարգացման և համագործակցության գործակալության (SDC) կողմից։