«Շերամ» ազգային խոհանոցը Արենիում, դարձել է Վայոց ձորի գաստրոձբոսաշրջության կարևոր ուղղություններից մեկը` առանձնանալով ավանդական ուտեստների ժամանակակից մեկնաբանությամբ։ Խոհանոցը վերակենդանացնում է մոռացված բաղադրատոմսերը՝ մատուցելով, օրինակ, մասրապուր և տոլմա՝ խաղողի թփի ու չրերի համադրությամբ։
Շերամի» հիմնադիրն Մարիամ Սիմոնյանը կանանց առաջնորդության վառ օրինակ։ Մանկուց սիրելով գեղանկարչությունը՝ Մարիամը ստացել է համապատասխան կրթություն, բայց ընտանեկան պարտավորությունները նրան չթույլ տվեցին զբաղվել արվեստով։ Փոխարենը՝ նա իր ստեղծագործական մոտեցումն օգտագործեց խոհանոցում՝ իր ձեռքերով պատրաստված կավե սպասքով մատուցելով ուտեստները, ինչը դարձել է ռեստորանի այցեքարտերից մեկը։ Մյուս այցեքարտը Վայոց ձորի ավանդական ուտեստներն են, որոնք ցուցադրում են տարածաշրջանի մշակութային հարուստ ժառանգությունը։
«Հայաստանի կենդանի լանդշաֆտները շուկայի զարգացման համար» (ԼԻԼԱ) ծրագիրը աջակցել է «Շերամ» ազգային խոհանոցի զարգացմանը՝ ռեստորանի կառուցմամբ և խոհանոցի վերազինմամբ, ինչպես նաև տրամադրելով մասնագիտական թրեյնինգներ և մարքեթինգային աջակցություն։ Ծրագրի շրջանակներում հատուկ ուշադրություն է դարձվել վայրի բույսերին ու պտուղներին, որոնք ինտեգրվել են սննդի շղթայում՝ խթանելով կայուն և բնահեն զբոսաշրջության զարգացումը։ Այս աջակցությամբ «Շերամը» դարձել է ոչ միայն ռեստորան, այլև կայուն բիզնես և համայնքային զարգացման հենակետ, որտեղ պահպանվում են ավանդույթները և խթանվում կանանց ներգրավվածությունը։
Շերամը ստեղծում է աշխատատեղեր Արենիում ապրող կանանց համար, իսկ Մարիամը՝ որպես կին գործարար և բազմազավակ մայր, ոգեշնչում է նրանց հետևել սեփական երազանքներին և իրագործել իրենց նպատակներն ու գաղափարները։ ԼԻԼԱ ծրագրի աջակցությամբ ռեստորանը վերազինվել է, անցկացվել են թրեյնինգներ և ապահովվել մարքեթինգային աջակցություն, ինչի շնորհիվ զարգացել է գյուղի զբոսաշրջությունը։
Մարիամի գլխավոր երազանքը՝ ներկայացնել հայկական խոհանոցն ու մոռացված ավանդական ուտեստները ողջ աշխարհին, աստիճանաբար դառնում է իրականություն՝ տեղական մշակույթը վերածելով կայուն բիզնեսի և զբոսաշրջային գրավչության։
«Հայաստանի կենդանի լանդշաֆտները շուկայի զարգացման համար» (ԼԻԼԱ) ծրագիրն իրականացվում է Բնության համաշխարհային հիմնադրամի հայաստանյան մասնաճյուղի կողմից (WWF-Հայաստան) «Ռազմավարական զարգացման գործակալություն» ՀԿ–ի հետ համատեղ: Ծրագիրը ֆինանսավորվում է Շվեյցարիայի զարգացման և համագործակցության գործակալության (SDC) կողմից։