Երբ կանայք առաջնորդում են, փոփոխությունները դառնում են կայուն

Այսօր COP17 Armenia -ի շրջանակում կայացած «Կլիմայի փոփոխությունը և կանայք» մրցանակաբաշխության ժամանակ Arpa Protected Landscape-ի ղեկավար Arus Nersisyan-ը հաղթող ճանաչվեց «Կլիմայի փոփոխության մեղմում և կենսաբազմազանության պահպանում» անվանակարգում։

Արուսի հաղթանակը կանանց առաջնորդության, բնապահպանական նվիրվածության և կայուն փոփոխություններ ստեղծելու ուժի կարևոր ճանաչում է։

Արուսի թեկնածությունն առաջադրվել էր «Ռազմավարական զարգացման գործակալություն» ՀԿ-ի կողմից՝ «Հայաստանի կենդանի լանդշաֆտները շուկայի զարգացման համար» (LILA) ծրագրի շրջանակում։

LILA ծրագրի միջոցով աջակցել ենք բնության պահպանության, համայնքների զարգացման և կայուն զբոսաշրջության նախաձեռնություններին՝ նպաստելով Հայաստանի կենսաբազմազանության պահպանությանն ու տեղական համայնքների հնարավորությունների ընդլայնմանը։

Թեև LILA ծրագիրն արդեն ավարտվել է, դրա արժեքներն ու ազդեցությունը շարունակում են ապրել։ Մենք շարունակում ենք աջակցել նախաձեռնություններին, որոնք նպաստում են բնության պահպանությանը, համայնքների հզորացմանը և, հատկապես, կանանց առաջնորդության ու ներգրավվածության խթանմանը։

Կանանց զորեղացումը պարզապես հնարավորություն տալը չէ․ այն կանանց առաջնորդությունը ճանաչելն է, նրանց ազդեցությունն արժևորելն ու փոփոխություններ ստեղծելու նրանց ներուժին հավատալը։

Շնորհավորում ենք Արուս Ներսիսյանին այս արժանի հաղթանակի կապակցությամբ։ Նրա օրինակը ևս մեկ անգամ ապացուցում է, որ բնության պահպանության գործում կանանց առաջնորդությունը կարող է դառնալ իրական և երկարաժամկետ փոփոխությունների շարժիչ ուժ։

Մեր շնորհակալությունն ենք հայտնում «Կանայք կլիմայում և էներգետիկայում» (WiCE) ՀԿ-ին՝ կանանց ներդրումը կլիմայի փոփոխության դեմ պայքարում և բնության պահպանության գործում արժևորելու, ինչպես նաև նրանց ձեռքբերումները հանրայնացնելու կարևոր նախաձեռնության համար։