RECONOMY-ի «Ոլորտների թվայնացում հանուն մրցունակության» ծրագիրը մասնակցեց ITF Armenia միջազգային հարթակին, որի նպատակն էր խթանել նոր զբոսաշրջային ուղղությունների ներկայացումն ու տարածաշրջանային համագործակցությունների ընդլայնումը։
Ծրագրի Արևելյան գործընկերության երկրներում տարածաշրջանային զբոսաշրջության զարգացում բաղադրիչի շրջանակում Ռազմավարական Զարգացման Գործակալություն (ՌԶԳ) ՀԿ-ն աջակցեց գործընկեր կազմակերպություններին Մոլդովայից (ANTRIM) և Վրաստանից (GTA)՝ ապահովելով նրանց մասնակցությունը միջոցառմանը։ ՌԶԳ-ի աջակցությամբ չորս մոլդովացի և հինգ վրացի ներկայացուցիչներ մասնակցեցին ցուցահանդեսին՝ ստանալով մասնագիտական տաղավարի ձևավորում, ճանապարհածախսի և կեցության ապահովում, ինչը նպաստեց բարձր տեսանելիություն և արդյունավետ համագործակցություն։
Միջոցառումը ծառայեց որպես ակտիվ գործընկերային հարթակ, որտեղ տուրօպերատորները ներկայացրեցին նոր մշակված զբոսաշրջային առաջարկները, այդ թվում՝ RECONOMY-ի աջակցությամբ ձևավորված միջսահմանային զբոսաշրջային փաթեթները և ստեղծեցին նոր գործարար կապեր և համագործակցային հնարավորություններ։
RECONOMY-ն Շվեդիայի միջազգային զարգացման համագործակցության գործակալության (Sida) ներառական և կանաչ տնտեսական զարգացման ծրագիր է, որն իրականացվում է Helvetas-ի կողմից՝ համագործակցելով «Ռազմավարական զարգացման գործակալություն» ՀԿ-ի և Արևելյան գործընկերության և Արևմտյան Բալկանյան երկրների այլ կազմակերպությունների հետ։