ՄԱՎԵՏԱ ծրագրի շրջանակում տեղի ունեցավ կարևոր և խորհրդանշական իրադարձություն․ «Գյուղատնտեսական մեքենայացում» մասնագիտության մեր առաջին շրջանավարտները հանձնեցին իրենց ավարտական քննությունը՝ կատարելով մասնագիտական առաջադրանքներ իրական աշխատանքային պայմաններում։
Սա սովորական քննություն չէր. այն հնարավորություն էր ապացուցելու, որ ձեռք բերված գիտելիքներն ու հմտությունները կարող են վստահորեն կիրառվել իրական արտադրական գործընթացներում։ Աշակերտները գործնականում ցուցադրեցին գյուղատնտեսական տեխնիկայի շահագործման, սպասարկման և մասնագիտական խնդիրների լուծման իրենց կարողությունները՝ հաստատելով, որ պատրաստ են աշխատաշուկայի պահանջներին։
ՄԱՎԵՏԱ ծրագրի կարևոր նպատակներից մեկն է ապահովել, որ մասնագիտական կրթությունը հնարավորինս մոտ լինի իրական աշխատանքային միջավայրին, իսկ ավարտական քննության այս ձևաչափը դրա լավագույն օրինակներից է։
Այս կարևոր փուլը ոչ միայն ամփոփում է ուսուցման ընթացքը, այլև նշանավորում է նոր մասնագիտական ճանապարհի սկիզբը՝ հմուտ, մրցունակ և աշխատաշուկային պատրաստ երիտասարդ մասնագետների համար։
Շնորհավորում ենք մեր առաջին շրջանավարտներին՝ մաղթելով մասնագիտական նորանոր ձեռքբերումներ և հաջողություններով լի ճանապարհ։
ՄԱՎԵՏԱ ծրագիրը ֆինանսավորվում է Շվեյցարիայի զարգացման և համագործակցության գործակալության (SDC), Գերմանիայի տնտեսական համագործակցության և զարգացման նախարարության (BMZ), Ավստրիական զարգացման գործակալության (ADA) և Հայաստանի կառավարության կողմից։
Ծրագիրն իրականացնող գործընկերներն են Գերմանական միջազգային համագործակցության ընկերությունը (GIZ), Ռազմավարական զարգացման գործակալությունը և Բեռնի կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցը: