«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագրի գյուղաջակցության խորհրդատվական ծառայության ազգային փորձագետ Պարույր Ասատրյանը հանդիպել է Վեդի համայնքի ղեկավար Գարիկ Սարգսյանի հետ՝ քննարկելու Արարատի և Արմավիրի մարզերում գյուղաջակցության խորհրդատվական համակարգի ստեղծման ռազմավարական հայեցակարգը։
Այս երկխոսությունը կարևոր դերակատարություն ունի տեղական իշխանությունների ներգրավման գործում՝ ապահովելու գյուղաջակցության խորհրդատվական ծառայությունների արդյունավետ աշխատանքը համայնքային մակարդակում: Տեղական շահագրգիռ կողմերի հետ համագործակցության ամրապնդումն էական նշանակություն ունի գիտելիքների և փորձի փոխանցման գործընթացի բարելավման, ֆերմերների աջակցության ծառայությունների բարեփոխման և ագրոպարենային արժեշղթայի լավարկման համար:
«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության միջոցով (ԵՄ), Զարգացման ֆրանսիական գործակալության (ԶՖԳ) իրականացմամբ, համապարփակ նախաձեռնություն է, որի նպատակն է վերափոխել ոռոգվող գյուղատնտեսությունը Հայաստանում։
IADAAM ծրագրում տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի գլխավորած «Ավենյու քընսալթինգ գրուպ»-ի, «Ռազմավարական զարգացման գործակալություն» ՀԿ-ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից, որը հանդես է գալիս որպես ծրագրի օպերատոր՝ նպատակ ունենալով ինստիտուցիոնալ աջակցություն տրամադրել ՀՀ էկոնոմիկայի նախարարությանը՝ թիրախային ոլորտներում գյուղատնտեսական քաղաքականության և բարեփոխումների մշակման գործում։