«Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում դեկտեմբերի 5-6-ը Երևանում տեղի ունեցավ երկօրյա դասընթաց «Դուալ մասնագիտական կրթության և ուսուցման կառուցվածքային գործընթացներ և իրականացման ընթացակարգեր» թեմայով:
Դասընթացին մասնակցեցին ՄԱՎԵՏԱ ծրագրի գործընկեր քոլեջների ԴՈՒԱԼ-ի պատասխանատու դասավանդողները։ Այն անցկացրեց HAFL-ի փորձագետ Յոհաննես Բրունները:
Երկօրյա վերապատրաստման աշխատաժողովը նպատակ ուներ ուսանողների գործնական աշխատանքը ընկերությունում համակարգող դասավանդողներին փոխանցել հիմնարար կարողություններ՝ համապատասխան ընկերությունների ընտրման, իրավապայմանագրային հարաբերությունների կազմակերպման, աշխատավայրում հանձնարարությունների կատարման և ուսումնառության գործընթացին ուղղորդված աջակցության ցուցաբերման վերաբերյալ։
Դասընթացին քոլեջների ԴՈՒԱԼ-ի պատասխանատու դասավանդողներին հնարավորություն ընձեռվեց զարգացնել կոնֆլիկների լուծման և ուսանողներին ԴՈՒԱԼ կրթության գործընթացում ուղղորդման, ինչպես նաև ուսանողների կողմից ձեռք բերված հմտությունների և աշխատունակության արդյունավետ գնահատման կարողունակությունները։
