«Նորարարական անասնապահություն․ կենդանիների նախրաքարշ, բուծում և շուկաներ» (INLIMA) ծրագրի թիմը՝ ծրագրի ղեկավար Վահե Հովհաննիսյանի գլխավորությամբ, կատարեց աշխատանքային այց Շիրակ՝ ծրագրի թիրախային մարզերից մեկը։
Շիրակի մարզպետարանում կայացած հանդիպման ընթացքում թիմը քննարկեց ծրագրի հիմնական ուղղություններն ու հնարավոր համագործակցության ձևաչափերը ՀՀ Շիրակի մարզպետի տեղակալ Ալբերտ Այվազյանի և Գյուղատնտեսության և շրջակա միջավայրի պահպանության վարչության պատասխանատուների հետ։
Այցի շրջանակում ծրագրային թիմը հանդիպում ունեցավ նաև «Գյումրիի սելեկցիոն կայան» ՓԲԸ տնօրեն Լևոն Անանյանի հետ՝ ներկայացնելով ծրագրի նպատակները, նորարարական մոտեցումները և համատեղ աշխատանքի հնարավորությունները։
Հանդիպումները հնարավորություն տվեցին ձևակերպելու համագործակցության հաջորդ քայլերը, որոնք հիմք կդառնան Շիրակի մարզում անասնապահության ոլորտի արդիականացման և INLIMA ծրագրի երկարաժամկետ ազդեցության ապահովման համար։
«Նորարարական անասնապահություն․ կենդանիների նախրաքարշ, բուծում և շուկաներ» (INLIMA) ծրագիրն իրականացվում է «Ռազմավարական զարգացման գործակալություն» ՀԿ-ի կողմից՝ Ավստրիական զարգացման և համագործակցության ծրագրային միավոր Ավստրիայի զարգացման գործակալության ֆինանսավորմամբ: