«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագրի Գյուղաջակցության խորհրդատվական ծառայության Վեդիի թիմն իրականացրեց իր հերթական աշխատանքային այցն Ավշար և Նոյակերտ բնակավայրեր՝ ներկայացնելու ցուցադրական ֆերմաների հնարավորություններն ու աջակցելու պոտենցիալ շահառուներին։
Թիմը հանդիպեց հետաքրքրված ֆերմերների հետ, քննարկեց ցուցադրական ֆերմաների ձևավորման պահանջներն ու ընտրության չափորոշիչները, ինչպես նաև ուղեցույց ներկայացրեց դիմումների պատշաճ լրացման համար։
Այս հանդիպումները նպատակ ունեն ապահովել ծրագրի թափանցիկ և արդյունավետ իրականացումը, ինչպես նաև խթանել նորարարական գյուղատնտեսական պրակտիկաների զարգացումը համայնքներում։
«Հայաստան – Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության կողմից (ԵՄ) և իրականացվում Զարգացման ֆրանսիական գործակալության (ԶՖԳ) աջակցությամբ, նպատակ ունի վերափոխել ոռոգվող գյուղատնտեսությունը Հայաստանում։
ՀՀ էկոնոմիկայի նախարարության կողմից իրականացվող ծրագրի տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի, «Ավենյու քընսալթինգ գրուպ»-ի, «Ռազմավարական զարգացման գործակալություն» ՀԿ-ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից՝ գյուղատնտեսական քաղաքականության ամրապնդման և ոլորտային բարեփոխումների առաջխաղացման նպատակով։